Дөңгелейді дөңгелек, Дөңгеледі дөңгелек
«Мен саған сенемін» — орта топта ата-аналармен жұмыс
Отбасылық сайыс: «Саған сенемін»
Мақсаты
- Ата-ана мен тәрбиеші арасындағы қарым-қатынасты нығайту.
- Қызығушылықты ояту, белсенді қатысуға ынталандыру.
Сайыс бөлімдері
- 1 Кім епті бола алады?
- 2 Кім жылдам?
- 3 Ым-ишара
- 4 «Егер де мен…»
- 5 Қолөнер
- 6 Жаңылтпаш айта аламыз ба?
Жүргізушінің сөзі
Армысыздар, қадірменді қонақтар! Армысыздар, ақ жаулықты аналар! Бүгінгі кеш — отбасылық сайыс. Сіздерді тамашалап, бағалау үшін жиналдық.
Құрметті қонақтар, «Саған сенемін» отбасылық сайысына қош келдіңіздер! Сайыс бөлімдерімен танысып алыңыздар.
Әділқазыларға арнау
Әділқазы, ақ қазыға бір сәлем,
Әділдікке бас иеді күллі әлем.
Жүйрік озар сайыстарда неше бір,
Сарапқа сап, әділдікті шеше біл.
Бүгінгі сайыстың әділ бағасын беріп, жеңімпазды анықтайтын әділқазылар алқасымен таныс болыңыздар.
Сайыс тапсырмалары
1) Кім епті бола алады?
Тапсырма уақытқа орындалады.
Мұнда аналар шарды үрлейді. Әкелер үрленген шарларды сақинаның ішіне дәл түсіреді.
Ереже: қол артта, тек иекпен жұмыс жасау.
2) Кім жылдам?
Тапсырма уақытқа орындалады.
Әкелер орамалдарды арқанға түзу етіп іледі, ал аналар оларды әдемілеп жинап, реттейді.
Мақсат: «Жуылған кірді ретімен іле аласыз ба?»
3) Ым-ишара
Сөздерді қимылмен түсіндіру (уақытқа).
Бір парақ қағазда әртүрлі сөздер беріледі. Сол сөздерді сөйлемей, тек ым-ишара арқылы түсіндіресіздер.
А нұсқа
- Айна
- Кітап
- Есік
- Домбыра
- Жұлдыз
- Алма
- Кәстрөл
- Көйлек
- Түйме
- Құс
- Пакет
- Сөмке
«Мен сенімен доспын».
Ә нұсқа
- Сабын
- Желім
- Төсек
- Скрипка
- Түн
- Сарымсақ
- Пышақ
- Аяқ киім
- Ине
- КамАЗ
- Жұмыртқа
- Теледидар
«Сен мені күтесің бе?»
Б нұсқа
- Тарақ
- Қалам
- Терезе
- Гитара
- Бұлт
- Қарбыз
- Қайшы
- Бас киім
- Құлып
- Тікұшақ
- Көзәйнек
- Компьютер
«Мен сенімен дос емеспін».
В нұсқа
- Су
- Қарындаш
- Орындық
- Барабан
- Күн
- Картоп
- Қасық
- Күртеше
- Жіп
- Трактор
- Түйе
- Сақина
«Екеуіміз бірге қайтайық».
4) «Егер де мен…»
Көрініс көрсету (уақытқа).
Жас ата-аналар баланы балабақшаға кешіктірмей апару жолдарын көрсетеді: киіндіру, жуындыру және басқа да күнделікті әрекеттер.
5) Қолөнер
Шығармашылық тапсырма.
Бұл бөлімде өз қиялдарыңызға сүйеніп, берілген материалдардан бір бұйым жасайсыздар.
Өсиет сөз:
Қалма жұрттың соңында,
Қажет болса мың атта,
Аздық етер оның да,
Жету үшін мұратқа.
6) Жаңылтпаш айта аламыз ба?
Есте сақтау мен тіл шеберлігіне арналған бөлім.
Жаңылтпаштарды жүргізуші оқиды, қатысушылар іле-шала қайталап айтады.
- 1. Тас қумастан қой қуғын, Қой қумастан тай қуғын, Тас қумастан ой қуғын.
- 2. Қара таудың қарлы басынан Қарлығаш ары асты ма? Қара басып қарлы боранда, Қарлығаш адасты ма?
- 3. Қарға ақ емес, тарғақ қара емес. Қарға тарғаққа пар емес.
- 4. Жандарбек жыланды көріп, Жыларманға жетті. Жылан Жандарбекті көріп, жыраға түсіп кетті.
- 5. Балға құмар балалар, араларды қуалар. Балға құмар аралар, балаларды қуалар.
- 6. Есет атам ет асатар, ет асатса бес асатар.
- 7. Тебіншек ат шегіншек, шегіншек ат тебіншек.
- 8. Дөңгелейді дөңгелек, дөңгеледі дөңгелек. Дөңгелесе дөңгелек, дөңнен асты дөңгелек.
- 9. Кеспе, өссін тал, өссе өсімтал. Өссе, өссін тал.
- 10. Білгірлер мен тілгерлер тілдесті, тілгерлермен түрлі елдер тілдесті.
- 11. Арқарға ақ қардан бақ бар ма? Ақ қарға арқардан бақ бар ма?
- 12. Еті тірілер ептілермен бірігер, ептілер мен тірілер бірдеме бітірер.
- 13. Ерке серке еркек пе? — деп сұрады. Еркек серке елпек пе? — деп сұрады.
- 14. Апам кіші ішік пішті, мен іркітті ішіп біттім. Апам қанша кіші ішік пішті, мен қанша іркітті ішіп біттім.
- 15. Қарқаралының қары қалың ба? Аралдың қары қалың ба? Қарқаралының қара малынан Аралдың малы қалың ба?
- 16. Тайқарбай дегенде, әй, Тайқарбай, қойыңды май жусанға жай, Тайқарбай. Тайқарбай, Марқайбайлар толып жатыр, әй, Тайқарбай дегенің қай Тайқарбай!
Қорытынды
Сайыс нәтижесі қорытындыланып, жеңімпаздар анықталады.
Қатысушылар марапатталып, алғыс сөздер айтылады.