Қазақша рефераттар

Суретті аяқтау, бояу

Ақмола облысы • Бұланды ауданы • Макинск қаласы

Балуан Шолақ атындағы мектеп-лицей

Бастауыш сынып мұғалімі: Матышева Гульмира Айдархановна

«Көркем жазу — өнер» сайысы

Бұл сайыс оқушылардың каллиграфиялық дағдыларын шыңдауға, сауатты әрі мәнерлі жазуға дағдыландыруға бағытталған. Сонымен қатар өнерге құштарлықты, эстетикалық талғамды, ұқыптылық пен еңбексүйгіштікті қалыптастыруды көздейді.

Мақсаты

Оқушыларды сауатты, мәнерлі және көркем жазуға машықтандыру; эстетикалық талғамын арттырып, ұқыптылық пен еңбексүйгіштікке баулу.

Ұйымдастыру деректері

Түрі
Сайыс
Қатысушылар
3–4 сынып оқушылары
Көрнекілігі
Интербелсенді тақта, шарлар

Міндеттері

  • Жазу нақтылыққа баулиды.
  • Жазу ойды жүйелейді.
  • Жазу барысында көптеген идеялар туындайды.
  • Бала мінезінің тұрақтылығы мен ұстамдылығы қалыптасып, бастаған ісін аяқтай білу дағдысы және шығармашылығы дамиды.

Сайыстың жүргізілу барысы

Жүргізуші қатысушыларды іріктеу жұмысы туралы хабарлайды: сайыстың алғашқы кезеңінде оқушылардың математика және қазақ тілі дәптерлерін жүргізу деңгейі, тазалығы мен көркем жазуы ескеріліп, үздіктер таңдап алынған.

Бүгін сайысқа қатысушылар өз шеберлігін көрермен алдында дәлелдеп, тапсырмаларды орындау арқылы өнерлерін көрсетеді.

Әділқазылар алқасы

Қазылар бағалауды алдын ала белгіленген критерийлер бойынша жүргізеді.

Сайыс кезеңдері (5 бөлім)

1) Таныстыру

5 ұпай

Бұл бөлімде сайыскерлер өзін таныстырады.

  • Өзін толық таныстыруы
  • Шеберлігі
  • Шығармашылығы

2) Суретті аяқтау және бояу

5 ұпай

Сайыскерлер берілген суретті аяқтап салып, бояйды (тапсырмалар таратылады, музыка ойнайды).

  • Суреттің симметриялығы
  • Бояуды дұрыс таңдай білуі
  • Жұмыстың ұқыптылығы

3) Сурет бойынша шағын әңгіме жазу

10 ұпай

Бұл бөлімде сайыскерлер суретке сәйкес тақырып қойып, жоспар құрастырып, шағын әңгіме жазады. Орындауға 15 минут беріледі.

  • Тақырыптың суретке сәйкестігі
  • Жоспарының болуы
  • Әңгіменің жүйелілігі
  • Тақырыптың ашылуы
  • Каллиграфия нормасын сақтауы

4) Мәтінді көшіріп жазу

5 ұпай

«Домбыра» тақырыбындағы мәтін көшіріліп жазылады. Қажет жағдайда сергіту сәті ұйымдастырылады.

  • Сауаттылығы
  • Әріп элементтерін дұрыс қосып жазуы
  • Каллиграфия нормасын сақтауы
  • Тазалығы

5) Үй тапсырмасы (жобаны қорғау)

20 ұпай

Сайыскерлер алдын ала дайындаған жұмыстары туралы айтып, қалай жасағанын түсіндіріп, қорғайды.

  • Өмірмен байланысы
  • Баланың өз бетімен орындауы
  • Ата-анасымен бірлесе орындауы
  • Презентация жасай білуі
  • Жұмыстың құндылығы

Қорытынды және марапаттау

Сайыс соңында әділқазылар алқасы барлық кезеңнің нәтижесін таразылап, әділ бағасын береді. Жеңімпаздар анықталып, марапаттау рәсімі өткізіледі.

«Жүзден жүйрік, мыңнан тұлпар» — өнерлі әрі ұқыпты оқушы әрдайым дараланады.