Оқушылардың салауатты өмір туралы түсініктерін кеңейту
Сабақ туралы қысқаша мәлімет
- Өңір
- Атырау облысы, Қызылқоға ауданы, Қаракөл ауылы
- Мектеп
- Қаракөл орта мектебі
- Пән
- Өзін-өзі тану
- Сынып
- 8-сынып
- Мұғалім
- Суатова Тогжан Болатовна
- Тақырып
- «Салауаттылық — өмір салты»
Мақсат және міндеттер
Сабақтың мақсаты — оқушылардың салауатты өмір туралы түсініктерін кеңейту, өзіне және өзгелерге жауапкершілікпен қарауға жетелеу.
Түсінікті дамыту
Салауаттылық ұғымын тереңдету, денсаулықты сақтау мәдениетін қалыптастыру.
Қарым-қатынас мәдениеті
Жақсылықты бойға сіңіруге, өзіне және айналасына жағымды қарым-қатынас жасауға баулу.
Құндылыққа тәрбиелеу
Сүйіспеншілікке, парасаттылыққа, сезімталдыққа тәрбиелеу.
Көрнекіліктер
- Оқулық
- Оқушы дәптері
- Плакаттар
- Жүрекше
- Шарлар
Сабақтың басталуы: «Шаттық шеңбері»
Оқушылар мұғаліммен бірге «Шаттық шеңберіне» жиналып, «Туған жер» әнін орындайды. Бұл сәт сабаққа жылы көңіл-күй сыйлап, бірлік сезімін арттырады.
Дені сау адамдарға өмір — жұмбақ,
Кәусардай мөлдірейді көңіл бұлақ.
Кеуденің сәулесіндей көз жанары,
Тірліктен жайнап өтер небір шырақ.
Ойланайық, пікірлесейік
Талқылау оқушылардың өзіндік пікірін қалыптастырып, зиянды әдеттердің себеп-салдарын байыптауға мүмкіндік береді.
Талқылауға арналған сұрақтар
- 1 Адамның салауатты өмір сүруіне не кедергі болуы мүмкін?
- 2 Зиянды әдеттерге адам неліктен үйір болады?
- 3 Зиянды әдеттерден аулақ болу үшін адамға қандай қасиеттер қажет?
- 4 Зиянды әдеттерге нелер жатады?
Негізгі ой
Жасөспірімнің көзқарасына, талғамына, құштарлығына айналасындағы адамдар — құрбы-құрдас, серіктестер және орта айтарлықтай ықпал етеді. Ерік-жігері әлсіз, рухани дүниесі таяз адам кейде өз жағымсыз ісіне «тек бір рет» деген сылтау табады. Ал бір реттік дәрменсіздік келесісін туғызып, ұнамсыз әрекет қайталана келе жағымсыз дағдыға айналады.
Оқып үйренейік: спорт пен ерік-жігер
Мәтін
Б. Соқпақбаевтың «Жекпе-жек» шығармасынан үзінді оқылады. Оқушылар мәтінді бөліп оқып, өз ойларын ортаға салады.
Талқылау сұрақтары
- Мұратты спортқа жетелеген не нәрсе?
- Ол жеңіс биігін қалай бағындырды?
- Сен спорттың қандай түрін ұнатасың және не үшін?
Дәптермен жұмыс: салауатты өмірді ынталандыру
Салауатты өмір салтын ынталандыру — әрқайсымыздың дене тәрбиесімен айналысуымызға, дұрыс тамақтануымызға, есірткіден, темекіден және алкогольден бас тартуымызға, сондай-ақ тазалық пен санитария талаптарын сақтауымызға бағытталған.
Н. Ә. Назарбаев
1-тапсырма
Нақыл сөзді оқып, салауатты өмір салты мен денсаулықты нығайтуға жәрдемдесетін іс-шаралар ұсыныңдар. Оқушылар екі топқа бөлініп, ұсыныстарын қорғайды.
Ойланып көрейік: денсаулық — басты құндылық
Денсаулық — адам өміріндегі басты құндылық. «Бірінші байлық — денсаулық» деп халық бекер айтпаған. Адам мықты денсаулықтың арқасында өмірде кездесетін ауыртпалықтарды жеңіп, қабілет-дарынын дамытып, шығармашылық деңгейге көтеріле алады. Сондықтан денсаулыққа саналы қарау, спортпен шұғылдану, уақытылы әрі дұрыс тамақтану, дене саулығын сақтауға жағдай жасау маңызды.
Маскүнемдік, темекі шегу және нашақорлық — денсаулықты өз қолыңмен құртуға апаратын жол.
Жаңа ақпарат: әдетті өзгерту — өз қолыңда
Күнделікті өмірде зиянды әдеттердің қаншалықты орын алатынын көпшілігіміз байқай бермейміз. Егер адам бақытты, жайлы, дені сау, ұстамды, дербес әрі табысты болса, өз әдеттерін өзгертудің қажеттілігі туындамауы мүмкін.
Ал әдеттер денсаулыққа зиян келтіріп, жеке тұлғаға қауіп төндірсе және өзгелермен қауіпсіз қарым-қатынасты бұзса, онда дереу әрекет ету керек. Ұзақ жасау, дені сау және бақытты болу — адамның өз қолындағы іс.
Дәйексөз
«Кімде-кім өзін жеңсе — өз қорқынышын, өз жалқаулығын, өз сенімсіздігін жеңсе — бұл өмірде сол жеңіске жетеді».
2-тапсырма: «Өзіңді жақсы көресің бе?»
Сұрақтарға мүмкіндігінше тез, көп ойланбастан «иә» немесе «жоқ» деп жауап бер.
- Өзіңді осы қалпыңда жақсы көресің бе?
- Сәтсіздік сені жиі қудалай ма?
- Шешім қабылдамас бұрын айналаңдағылардың пікіріне жиі жүгінесің бе?
- Ұйықтар алдында бүгінгі іс-әрекетің мен сөздеріңді қайта-қайта ой елегінен өткізесің бе?
- «Менің орнымда басқа біреу болса, қалай істер еді?» деп жиі елестетесің бе?
- Өзіңді көзіңше мақтағанда ұяласың ба?
- Ұзақ уақыт жалғыз бола аласың ба?
- Көңіл-күйің материалдық жағдайыңа байланысты өзгере ме?
- Бір нәрсенің жамандыққа соқтыратынын алдын ала сезесің бе?
- Өз сезіміңді ашық жеткізу саған қиын ба?
Тест кілті (үзінді)
0–10 ұпай: Сен өзіңді тым аз бағалайсың. Жамандық күту сен үшін қалыпты жағдайға айналған болуы мүмкін. Кей сәттерде өзіңе көңілің толмай, соның салдарынан асығыс әрі қате шешім қабылдау қаупі бар. Өзіңе көбірек сенуге үйрен.