Құрметті тәрбиешілер және балалар, бүгінгі Көңілді спорттық ойындар атты сайысқа қош келдіңіздер

Білім беру саласы: Денсаулық
Тақырыбы: Көңілді спорттық ойындар
Мақсаты: Балалардың қимыл - қозғалыстарын жетілдіру, спортқа деген қызығушылықтарын арттыру, ептілікке, шапшаңдыққа баулу.
Спорт – көркі өмірдің,
Спорт – досың серігің,
Жаттықсаң шымыр боларсың
Шынығып өсіп, толарсың.

Жүргізуші: Құрметті тәрбиешілер және балалар, бүгінгі Көңілді спорттық ойындар атты сайысқа қош келдіңіздер! Бұл сайысқа Ортаңғы Ақбота және Толағай топтарының бүлдіршіндері қатысады.
Сайысқа қатысушы командаларды ортаға шақырайық.

Көңілді сайысымыз 2 командадан тұрады.
1 - ші команда Ақбота тобы
2 - ші команда Толағай тобы
Сайысымыз 4 турдан тұрады:
І - ТУР: Таныстыру
Шарты: әр команда өз ұрандарымен таныстырады.
Ақбота тобы – Шынықсаң – шымыр боларсың
Толағай тобы – Дені саудың, жаны сау

ІІ - ТУР: Көңілді секіртпелер
Шарты: топ мүшелері секіртпемен белгілі межеге дейін жетіп, жалаушаны алып кері жүгіріп келіп, эстафетаны келесі ойыншыға береді.
ІІІ - ТУР: Кім жылдам?
Шарты: допты екі аяқ ортасына ұстап, кедергілер арасынан жылан тәрізді айналып өтіп, эстафетаны келесі ойыншыға береді.
Әсерлі сәт: Залға Сайқымазақ келеді, балалармен амандасады. Балаларды музыкалық – ырғақты би билеуге шақырады.
ІV - ТУР: Кім епті?
Шарты: шығыршықты жүресінен отырып басынан асыра өзіне кигізіп, белгілі межеге жетіп кері жүгіріп келу.
V - ТУР: Арқан тартыс ұлттық ойыны
Шарты: екі топ арқан тартысады.
Жүргізуші: Көрсетті міне өз өнерін балалар,
Сайыстың да соңы жетіп таянар
Дені сау, мықты, епті, ақылды
Спорт сүйгіш боп өсіңдер, балалар!
Мінеки балалар, бүгінгі сайысымыздың соңына да келдік.
- Сендерге ойындар ұнады ма?
- Алдағы уақытта спортпен шұғылданып, ертеңгісін жаттығулар жасап жүресіңдер ме?
Жарайсыңдар, балалар! Ендеше бүгінгі сайысқа қатысушы бүлдіршіндерімізді марапаттайық.
Барлық қатысушыға мадақтау қағазын тапсыру.