Мамандықты дұрыс таңдау - табысты өмірдің кілті
Қазалы қаласы • Ғ. Мұратбаев атындағы №17 орта мектеп
Оқушыларға кәсіби бағыт-бағдар беру мақсатында ұйымдастырылған «Мамандықты дұрыс таңдау — табысты өмірдің кілті» тақырыбындағы мамандық таңдау кешінің сценарийі.
Жауапты
Мектептің әлеуметтік педагогы: Бисенбай Ұлболсын
Қатысушылар
9 және 11-сынып оқушылары
Формат
Кездесу, сұхбат, ойын, өнер көрсетілімдері
Мақсаты
- Мамандық таңдау кезеңінде тұрған оқушыларға бағыт-бағдар беріп, таңдау жасауына ықпал ету.
- Өз пікірін еркін айтуға, өзгенің пікірін сыйлауға, жүйелі ойлауға баулу.
- Оқушылардың азаматтық ұстанымын қалыптастырып, отансүйгіштікке тәрбиелеу.
Негізгі ой
Мамандық таңдау — адамның болашағына әсер ететін жауапты қадам. Дұрыс таңдау жасау үшін, ең әуелі өзін тану, қабілеті мен бейімділігін бағалау, мақсат қою және соған табандылықпен ұмтылу маңызды.
Кештің ашылуы
Жүргізуші оқушылар мен қонақтарды қарсы алып, кәсіби бағдардың маңызын атап өтеді: жас түлектерді «Мен болашақта қандай мамандықты таңдасам екен?» және «Таңдаған мамандығыма қалай қол жеткіземін?» деген сауалдар жиі толғандыратыны айтылады.
Мамандық көп, таңдау оңай емес. Ең бастысы — еңбекке қабілеттілік, зейін, жауапкершілік және таңдаған кәсіптің өскен ортаға пайдалы үлес қоса алуы. Өз ісіне сеніп, дұрыс таңдаған адам ғана жетістікке жетеді.
«Неге арналсаң, соны істе…» — Абай
Абайдың «Сен де бір кірпіш дүниеге, тетігін тап та, бар қалан!» деген сөзі — әр адамның қоғамдағы орнын өз таңдауы мен еңбегі арқылы табатынын еске салады.
Музыкалық нөмір
Ән-шашу: «Жаса, Қазақстан!»
Мектеп шәкірттерді тек біліммен сусындатып қана қоймай, болашағына даңғыл жол салады. Қазіргі білім беру мазмұны оқушының тұлғалық дамуын және нақты мамандыққа бейімделуін қолдайды. Сондықтан әрбір шәкірттің жүрек қалауымен, өз мүмкіндігіне сай мамандық таңдауына көмектесу — кештің өзегі.
Қонақтармен кездесу және сұхбат
Кешке ауданымыздың әр саласында еңбек етіп жүрген мамандар шақырылып, оқушылармен ашық әңгіме өрбиді. Мамандық таңдауда кеңес тыңдау маңызды болғанымен, соңғы шешім — оқушының өз қолында.
Дәрігер мамандығына қойылатын сұрақтар
- Дәрігер болу қаншалықты қиын?
- Гиппократ антына адал болу үшін қандай қасиеттер қажет?
- Бұл мамандықты жүрек қалауымен таңдадыңыз ба, әлде сыртқы ықпал болды ма?
Жалпы кәсіби бағдар сұрақтары
- Қандай мамандықты таңдауға кеңес берер едіңіз?
- Өзіңіздің таңдауыңызға не себеп болды?
- Сіздіңше, «дұрыс мамандық таңдау» дегеніміз не?
Еңбек пен тәртіп туралы
«Тәртіп — табыс тұтқасы» қағидасын ұстана отырып, қылмыс пен құқық бұзушылықтың алдын алуға үлес қосатын полиция қызметкерлерінің еңбегі атап өтіледі. Мектеп инспекторы оқушыларға қызметтің қыры мен сырын түсіндіреді.
Еңбек нарығы және техникалық мамандықтар
Шаруашылық пен өндіріс саласында сұранысқа ие мамандықтар жайлы айтылады. №8 агро-техникалық колледж өкілдері оқыту бағыттары мен мүмкіндіктері туралы ақпарат береді.
Интерактив: «Кім жылдам?» ойыны
Оқушылардың танымын арттыру үшін мамандықтарға қатысты жұмбақтар ұсынылады.
Жұмбақтар
- Оқу-білім бағдары, заманының бағбаны. (Ұстаз)
- Ара тұрар өлімге, қай маман бұл өмірде? (Дәрігер)
- Станогы — жанды адам, сансыз өрмек жалғаған… (Тоқымашы)
- Жаңалықтың жаршысы, қаламының жалшысы. (Журналист)
Жұмбақтар
- Теңіз түбі тірлігін зерттеп, барлап, білді кім? (Ихтиолог)
- Тау мен тасты, өзенді кезетін, жер қойнауын таба білер… (Геолог)
- Еңбек орны — танабы, сүйікті әні — дала әні… (Диқан/агроном)
Бағдарбек сөзі: мамандық — мінез бен мақсат
Кеш барысында Бағдарбек оқушыларға өмір жолының бұралаң екенін, адамды шыңдайтын — еңбек пен төзім екенін айта отырып, әр кәсіптің қадірі істі шебер атқарумен өлшенетінін жеткізеді.
Өмірлік таңдау туралы
Асықпай толғап, таңда: кәсіптің «жаманы» жоқ, нашар маман ғана бар. Ең маңыздысы — атақ үшін емес, қабілет пен қызығушылыққа сай жолды таңдау.
Арманға жақын мамандықтар
- Ұшқыш
- Кеме капитаны
- Бағбан
- Биші
Оқушыларға үндеу
Кездесуде айтылған ақыл-кеңестерді жадыңда ұстап, оқу мен ізденіске күш жұмсау — ертеңгі табыстың берік негізі. Өмір — «ұлы көш», сол көштен өз орныңды табу үшін талпыныс қажет.
Қонақтармен еркін сұрақ-жауап ұйымдастырылып, оқушылар өз ойы мен күмәнін ашық бөлісуге шақырылады.
Өнер минуттары
7-сынып ұлдары КТК командасының өнері көрерменге ұсынылады.
Қорытынды ой
«…Адам кез келген жұмысқа жарамды бола бермейді. Жұмысты неғұрлым жетік және жақсы атқарса, білгір әрі шебер болып шығады…»
— Әбу Насыр әл-Фараби
«Мамандықты дұрыс таңдау — табысты өмірдің кілті». Сондықтан мамандық таңдауда адаспай, өмірден өз орындарыңызды тауып, дүниеге «бір кірпіш» болып қалануларыңызға шын жүректен тілектеспіз.
Қонақтарға алғыс білдіріліп, кештің тәрбиелік мәні — мектеп пен ата-анаға ортақ жауапкершілік екені еске салынады: бүгінгі шәкірт — ертеңгі болашақ.
Түйін
Көк жүзіне алаулы, міндет емес ай болу. Ең бастысы — қалаулы, кәсібіңе сай болу.
«Ең қиын мамандық — адам болып қалу». Мамандық таңдауда адаспай, адамдық биіктен аласармай, жақсы азамат болуларыңызға тілектеспіз.