Қазақша рефераттар

Ондық бөлшектерді көбейту және бөлу ережесін айтып бер

Жалпы мақсаттар

Ондық бөлшектер мен жай бөлшектерге амалдар қолдану тақырыптарын қайталау және бекіту.

Оқушылардың сыни тұрғыдан ойлау дағдыларын дамыта отырып, ондық бөлшектер мен жай бөлшектерге амалдарды өмірлік жағдаяттарда қолдануға дағдыландыру.

Шапшаңдыққа, сыйластыққа және жауапкершілікке тәрбиелеу.

Әдіс-тәсілдер

  • Жеке жұмыс
  • Жұппен жұмыс
  • Топпен жұмыс

Оқыту нәтижелері

  • Топқа бөлу кезінде жағымды психологиялық ахуал қалыптастыру.
  • Тақырып бойынша қысқаша теориялық талдау жасау.
  • Жеке, жұппен және топпен жұмыс арқылы идея бөлісу, өнім жасау, талдау, жинақтау, қорытындылау және бағалау.

Түйінді идеялар

Сабақ барысында бөлшектермен амалдар орындаудағы негізгі ұғымдар мен әрекеттер жүйеленеді. Төмендегі терминдер мен дағдыларға ерекше назар аударылады:

ондық бөлшек жай бөлшек ортақ бөлім толықтауыш көбейткіш үтір натурал сандар аралас сан 10; 100; 1000-ға көбейту/бөлу 0,1; 0,01; 0,001-ге көбейту/бөлу

Сабақтың барысы

1) Ұйымдастыру кезеңі

Сыныпты ұйымдастыру

Мұғалімнің іс-әрекеті

  • Оқушылармен амандасады.
  • Психологиялық дайындық ұйымдастырады.
  • Оқушыларды топқа бөлуге арналған тапсырма береді.

Оқушының әрекеті

Топқа бөліну ережесін сақтай отырып, ынтымақтастық атмосферасында жұмысқа кіріседі.

2) Қызығушылықты ояту

Бағдарлау

Сабақтың тақырыбы мен мақсаты таныстырылады. Сабақ барысында қолданылатын әдіс-тәсілдер және бағалау түрлері нақты айтылады.

3) Негізгі бөлім

Қайталау және тәжірибе

Білу: «Кубизм» әдісі

Өткенді еске түсіру

Мұғалім өткен материалды еске түсіру үшін сұрақтар қояды. Оқушылар «Кубизм» әдісі бойынша сұрақтарға жауап береді.

1. Жай бөлшектерді қосу және азайту ережесін айтып бер.

2. Ондық бөлшектерді қосу және азайту ережесін айтып бер.

3. Жай бөлшектерді көбейту және бөлу ережесін айтып бер.

4. Ондық бөлшектерді көбейту және бөлу ережесін айтып бер.

Түсіну: математикалық диктант

Дәптермен жұмыс

Оқушылар дәптерге математикалық диктант орындайды. Мұғалім алдын ала дайындалған карточкалар бойынша тапсырмаларды оқиды және орындалуын қадағалайды.

Қолдану: деңгейлік тапсырмалар

Топтық жұмыс

Мұғалім деңгейлік тапсырмаларды топтарға таратады. Оқушылар ресурс парақтарымен топ ішінде жұмыс істеп, шығару жолын тақтада көрсетеді. Әр топ өзара тексеріп, талдау жасайды.

I деңгей: көбейту және бөлуді орында

Жылдамдық + дәлдік
  • 4,56 · 100
  • 6,568 : 10
  • 7,26 : 0,001
  • 6,678 · 0,01