Қазақша рефераттар

Мұғалімнің құттықтау сөзі

Сабақтың мақсаты

Тәрбиелік бағыт

Оқушыларға «ұстаз — екінші ана» екенін түсіндіру, мерекемен құттықтау. Ұстаз еңбегінің биік қадірін танытып, жас ұрпақты ұстазды құрметтеуге, адамгершілікке, сыйластық пен түсіністікке баулу, ұстаз еңбегін әрдайым бағалай білуге үйрету.

Дамытушылық бағыт

Танымдық қабілетті арттыру, мұғалім мен оқушы арасындағы байланысты нығайту.

Құрмет пен ізгілік

Білім мен тәрбие дәнін себетін, адамгершілік нұрын төгетін ұлы тұлға — ұстазға құрмет көрсету, лебіз білдіру, ізгі қасиеттерге тәрбиелеу.

Әдіс-тәсіл

Өлең оқу, ән орындау.

Көрнекілік

Слайд, ұстаздар туралы нақыл сөздер мен өлеңдер, гүл шоқтары, шарлар.

Сабақ барысы

  1. 1) Ұйымдастыру кезеңі

    Сәлемдесу, сыныптың сабаққа дайындығын тексеру, мерекелік көңіл күй қалыптастыру.

  2. 2) ҚР Мемлекеттік Әнұраны

    Өлең жолдары

    Балалардың бағы болып басты әні,

    Ұстаз елді болашаққа бастады.

    Нұрын шашып ұстаздықтың дастаны,

    Ашық болсын туған елдің аспаны.

    Аспандағы жұлдыздардай жанды үміт,

    Арайлап ата берсін таң күліп.

    Жақсы ойлары жүректерді жаңғыртып,

    Ұстаз ісі жасай берсін мәңгілік.

Мұғалімнің құттықтау сөзі

Құрметті ұстаздар мен оқушылар! Сіздерді дәстүрлі Ұстаздар мерекесімен шын жүректен құттықтаймыз. Баршаңызға және отбасыларыңызға амандық, бақ-береке, еңбектеріңізге шығармашылық табыс тілейміз.

Абай атамыз: «Ұстаздық еткен жалықпас, үйретуден балаға» — деп айтқандай, ұстаз еңбегі қыр-сыры мол, қиын да жауапты, әрі шығармашылық еңбек.

Ұстаз — ұлағатты есім. Шәкіртті білім нәрімен сусындатып, тәлім-тәрбие беріп, жақсы қасиеттерді бойына дарытып, адамгершілік рухта бағыт-бағдар беру — ұстаздың ұлы міндеті. Сондықтан ұстаз әрдайым қасиетті тұлға ретінде құрметке ие.

Ыбырай Алтынсарин атамыз: «Жақсы мұғалім — мектептің жүрегі» — деген. Жүрексіз өмір болмайтыны секілді, мұғалімсіз білім мен тәрбие де толық жүзеге аспайды. Данышпан да, еңбек адамы да, арман қуған жеткіншек те — бәрі бір адамға қарыздар. Ол — ұстаз!

Сонымен, «Мектеп — білім тірегі, ұстаз — оның жүрегі» атты тәрбие сағатымызды ашық деп жариялап, сөз кезегін оқушыларға беремін.

Ұстаз туралы сұхбат пен таным

Сұрақ

Балалар, қазақтың тұңғыш ұстазын білесіңдер ме?

Жауап

Әрине, ол — Ыбырай Алтынсарин.

Ыбырай Алтынсариннің өнегесі

Ыбырай Алтынсарин — қазақтың ұлы ағартушысы, педагог, ғалым-жазушы. Ол қазақ жазба әдебиетінің негізін қалаушылардың бірі, көркем әдеби тілдің тазалығы үшін күрескен тұлға. Балаларға ана тілін үйрету арқылы халықтың бай тілін меңгертіп, өнер-білімге жетеледі.

Ол туған халқын оқу-білімге шақырып, қараңғылықтағы елге білімнің жарығын таратты. Жас ұрпақ тәрбиесінде жаңа бағыттың негізін қалап, кедергі мен қарсылықтарға қарамастан 1864 жылы мектеп ашты.

Парыз туралы ой

Біз ата-анамызды қалай қадірлеп, құрметтесек, ұстазды да солай құрметтеу — парызымыз.

Ән

«Мұғалім — ол біздің…»

Ұстазға арналған өлеңдер

Тақпақ

Кем көрмеймін сізді асыл анамнан,

Сізге ұқсап қудық біз де сан арман.

Сіздей адам дүниеде көп болсын,

Балалардың бақыты үшін жаралған.

Ең аяулы есім ғой ұстаз деген,

Бар тіршілік бақытты ұстазбенен.

Ұстазды жеткізгенше мұратына,

Білім іздеп, лапылдап, жаңа берем.

Нақыл сөздер

  • Ұстазы жақсының ұстамы жақсы.
  • Жақсы мұраптың атынан су ереді, жақсы ұстаздың соңынан шәкірт ереді.
  • Ұстазға қарап шәкірт өседі.

Оқушылар сұрақтары

Мұғалімдерге арналған сұрақтар

  • Сыныпта сіз үшін «ең сүйікті оқушы» болуы керек пе?
  • Сабақта ұйықтап қалған оқушыны оятасыз ба?
  • Басыңыздан өткен қызықты оқиғаны айтып бересіз бе?
  • Сабақта анекдот айтып көрген кезіңіз болды ма?

Логикалық сұрақтар

№ Сұрақ Жауап
1 Өзі судан шығады, бірақ судан қорқады. Бұл не? Тұз
2 Бұл санда қанша әріп бар болса, сонша сан бар. Ол қай сан? Жүз
3 Жел соққанда тау ық бола ма? Ық болады
4 Ертістің ортасында не бар? «Т» әрпі
5 Домбырада — жетеу, сырнайда — алтау, қобызда — бесеу. Бұл не? Әріп саны

Қорытынды

Ұстаз ақыл-ойы мен күш-қуатын балаларға арнап, жан аямай еңбек етеді. Өйткені ол шәкірттің көкірек көзін ашып, дүниетанымын кеңейтеді, қияға қанат қақтырады. Сондықтан дарынды ойшылдар да, арман қуған балалар да ұстазды ерекше пір тұтып, қадірлейді.

Ендеше, ұстазды қадірлейік, ренжітпейік. Бүгінгі тәрбие сағатымыз осымен тәмам.

Есте сақтайық

  • Ұстазға құрмет — өзіңе құрмет.
  • Алғыс — жүректің мәдениеті.
  • Білімге апарар жол ұстаздан басталады.