Бұлттың тапсырмалары
Пән: Өзін-өзі тану
Сабақтың тақырыбы: «Сіз деген — әдеп, біз деген — көмек»
Мақал: «Көп жүрген жер — көңілді, көп еңбегі — өнімді»
Сабақтың мақсаты
Балалардың сыйластық пен қамқорлық құндылықтары туралы түсініктерін кеңейту.
Міндеттері
- Өзара сыйластық қарым-қатынастың адам өміріндегі мәнін түсіндіру.
- Бірлесіп еңбек етуге қызығушылығын арттыру.
- Өзара сыйластыққа, өзара көмекке және бірлікке тәрбиелеу.
Көрнекі құралдар
Шаттық шеңбері
Балалар, шеңбер құрып тұрайық. «Әдептіліктің белгісі — иіліп сәлем бергені» дегендей, қане, бәріміз бір-бірімізге иіліп амандасайық.
Үлкенге де сіз, кішіге де сіз,
Баршаңызға құрметпен бас иеміз біз.
Жүректі біз ашайық,
Бақыт нұрын шашайық.
Барлық жақсы тілекті,
Сіздерге біз арнайық.
Түсті таңдау
Енді осы шаттық шеңберде тұрған қалпымызда ұсынылған түстердің ішінен өздеріңе ұнаған түсті таңдап алыңдар.
Топқа бөліну
Сары және қызыл түстер бойынша топтарға бөлініп, өз таңдаған түстеріңмен топ болып отырыңдар.
- Сары түс
- «Бірлік» тобы
- Қызыл түс
- «Ынтымақ» тобы
Сабақ барысы: «Бұлт пен күн» тапсырмасы
Балалар, тақтаға қараңдаршы: не көріп тұрмыз? Күннің көзін бұлт басып тұр. Ендеше бүгінгі сабағымызда күннің көзін бұлттан арылтуымыз керек.
Ол үшін бар білімімізді ортаға салып, бұлттың қойған талаптарын мұқият әрі толық орындауымыз қажет. Сонда ғана күннің көзі ашылады.
Бұлттың тапсырмаларын орындаймыз ба?
(Балалардың жауабы тыңдалады.)
Орындау тәртібі
- 1 Күннің бетін жапқан бұлт бөліктері біртіндеп алынады.
- 2 Әр алынған бұлттың артындағы тапсырма дауыстап оқылады.
- 3 Сабақ соңында барлық тапсырмалар орындалып, күннің көзі толық ашылады.
- 4 Соңында «Жүректен жүрекке» тапсырмасы орындалып, сабақ қорытындыланады.