Қазақша рефераттар

Ортада тобы

Көркем сайыс сценарийі

«Мәңгілік жалпыадамзаттық құндылықтар елінде»

Бұл материал мектепішілік іс-шараны ұйымдастыруға арналған: оқушылардың өз болашағын айқындап, мақсат қоя білуіне, өзін-өзі тәрбиелеу мен өзін-өзі жетілдіруге ұмтылуына, сондай-ақ «Өзін-өзі тану» бағдарламасының негізгі бес құндылығын (ақиқат, сүйіспеншілік, дұрыс әрекет, ішкі тыныштық, қиянат жасамау) терең түсінуіне бағытталған.

Мақсаты

  • Оқушыларды өз болашағының бағытын айқындап, мақсат қоя білуге үйрету.
  • Өзін-өзі тәрбиелеу, өзін-өзі жетілдіру арқылы болашаққа құштарлығын дамыту.
  • «Өзін-өзі тану» бағдарламасының мәңгілік жалпыадамзаттық құндылықтар аясында жүргізілетінін түсіндіріп, қамқорлық жасау, көмек көрсету дағдыларын дамыту.
  • Рухани-адамгершілік қағидаларын өз бақыты үшін дұрыс қолдануға және өмірді бағалауға тәрбиелеу.

Түрі

Көркем сайыс

Жүргізушілер

Екі жүргізуші (1-жүргізуші және 2-жүргізуші).

Көркемдік құралдар

  • Шарлар
  • Сара Алпысқызы Назарбаеваның фотосуреті
  • Бес құндылық бейнеленген пирамида
  • Үлкен форматта жазылған тақырып атауы
  • Интербелсенді тақта
  • Әуендер
  • Түрлі түсті қағаздан жасалған гүлдер

Барысы

Кіріспе

Музыка ойнап тұрады. Ортаға жүргізушілер шығады.

1-жүргізуші

Өзіңді тану – ғаламды тану,
Жақсы мен жаманды тану.
Өзіңді-өзің талқыға салып,
Адал мен арамды тану.

2-жүргізуші

Қателігіңді түсіне білу,
Дұрыс жүріп, күтіне білу.
Үлкенді сыйлап, кішіні сүю,
Күлетін жерде жөнімен күлу.

1-жүргізуші

Сабақты оқып, тәртіпті болу,
Білімді жинап, дүниені шолу.
Өзіңді-өзің тану дегенің,
Өз бойыңдағы мінді жою.

2-жүргізуші

Армысыздар, құрметті ұстаздар мен оқушылар! Бүгінгі «Мәңгілік жалпыадамзаттық құндылықтар елінде» атты сайысымызға қош келдіңіздер!

Музыка бәсеңдейді.

Тұлға және идея

Сара Алпысқызы Назарбаева туралы

Сара Алпысқызы Назарбаева 1941 жылдың 12 ақпанында Қарағанды облысы Қызылжар ауылында дүниеге келді. 1992 жылғы ақпан айынан бастап «Бөбек» республикалық балалар қайырымдылық қорының негізін қалаушы әрі президенті. Қорды құрып, жетім балаларға жәрдемдесіп, «Өзін-өзі тану» пәнін білім беру бағдарламасына енгізуге бастамашы болды.

2010 жылдың 1 қыркүйегінен бастап «Өзін-өзі тану» пәні Қазақстан Республикасының үздіксіз білім беру жүйесіне жаппай енгізілді.

Пәннің тәрбиелік маңызы

«Өзін-өзі тану» пәні балаларға, ата-аналарға және ұстаздарға үлкен қолдау береді: адамды рухани байытып, ішкі әлемін тануға көмектеседі, қарым-қатынасты жақсартып, өмірге дұрыс көзқарас қалыптастырады.

  • Шаттық шеңбері
  • Өзіммен-өзім
  • Әңгімелесейік
  • Сергіту сәті
  • Сахналау
  • Ойын-жаттығу
  • Жүректен жүрекке

Қазіргі білім берудегі басымдық

Жаңа кезеңдегі білім берудің өзекті мәселесі – жас ұрпаққа адамгершілік-рухани тәрбие беру. «Қазақстан жолы – 2050: Бір мақсат, бір мүдде, бір болашақ» Жолдауында да қоғамды біріктіретін басты құндылықтар айқын көрсетілген. Мәңгі рухани құндылықтарды бағалау және өмірлік ұстаным ету – ел қуаты мен азамат бақытының негізі.

Бес құндылық: негізгі ой

Ақиқат

Өзін-өзі танудың мақсаты.

Сүйіспеншілік

Негізін қалаушы құндылық.

Дұрыс әрекет

Тәжірибе арқылы бекитін өмір өзегі.

Ішкі тыныштық

Үйлесімді дамудың белгісі.

Қиянат жасамау

Адамның рухани кемелдену нәтижесі.

Дәйексөз

С. Алпысқызы «Өмір әдебі» кітабында: «Бір минутқа да күмәнданбаймын: болмыстың мәңгілік сұрақтарына (Мен кіммін? Менің өмірдегі мақсатым не? Қазіргі сәтте қалай толық өмір сүре аламын? Ішкі “Менімді” қалай тани аламын?) жауап беру үшін жалпыадамзаттық құндылықтарды жаңғырту керек, өз бастауыңа оралу қажет», – деп атап өтеді.

Сайыс бөлімдері

  1. I

    Визитка

    Топ атауы, эмблемасы, киім үлгісі; таныстыру (бейнеролик, ән немесе би түрінде).

  2. II

    Көрініс

    «Өзін-өзі танудың» бес құндылығы аясында қойылым: ақиқат, сүйіспеншілік, дұрыс әрекет, ішкі тыныштық, қиянат жасамау.

Әділқазы және бағалау

Әділқазы құрамы (толтыруға арналған)

  • Тәрбие ісінің меңгерушісі: ________________
  • Қазақ тілі мен әдебиеті пәнінің мұғалімі: ________________
  • Өзін-өзі тану пәнінің мұғалімі: ________________

Бағалау өлшемі

Қазылар алқасынан сахна мәдениетіне жоғары талап қойып, тақырыптың ашылуына баса назар аударып, әділ баға берулеріңіз сұралады. Ең жоғары ұпай – 5 ұпай.

Марапаттар

  • Бас жүлде
  • 1-орын, 2-орын, 3-орын
  • Номинациялар: «Күн сәулелі…», «Ізгі жүректер»

Қатысушыларды сахнаға шақыру (үлгі мәтін)

I бөлім: «Визитка»

  • Алғашқы болып сайысты бастайтын: __________ тобы (5 «а» сыныбы).
  • Келесі кезек: __________ тобы (5 «ә» сыныбы).
  • Ортада: __________ тобы (6 «а» сыныбы).
  • 6 «ә» сыныбының __________ тобы.
  • 7 «а» сыныбының __________ тобы.
  • Ортада: __________ тобы (7 «ә» сыныбы).
  • 8 «а» сыныбының __________ тобы.
  • 8 «ә» сыныбының __________ тобы.
  • 9 «а» сыныбының __________ тобы.
  • 9 «ә» сыныбының __________ тобы.

II бөлім: «Көрініс»

Бұл бөлімде қатысушылар бес құндылықты негізге ала отырып көркем қойылым ұсынады.

  • 5 «а» сыныбы: __________ тобы
  • 5 «ә» сыныбы: __________ тобы
  • 6 «а» сыныбы: __________ тобы
  • 6 «ә» сыныбы: __________ тобы
  • 7 «а» сыныбы: __________ тобы
  • 7 «ә» сыныбы: __________ тобы
  • 8 «а» сыныбы: __________ тобы
  • 8 «ә» сыныбы: __________ тобы
  • 9 «а» сыныбы: __________ тобы
  • 9 «ә» сыныбы: __________ тобы

Сара Алпысқызы: «Кім өзін-өзі тани білсе, ол өзінің не істей алатынын және не істей алмайтынын түсіне алады», – дейді. Осыған орай, қазылар алқасынан I бөлім бойынша бағаларын қоюларын сұраймыз.

Сынып Топ атауы Ұпай
5 «а»_______________
5 «ә»_______________
6 «а»_______________
6 «ә»_______________
7 «а»_______________
7 «ә»_______________
8 «а»_______________
8 «ә»_______________
9 «а»_______________
9 «ә»_______________

Танымдық ой: құндылықтың мәні

Өзін-өзі тану – барлық даналықтың бастауы. И. Кант пен Г. Э. Лессинг «өзін-өзі тану – даналықтың өзегі» деген ой айтқан. Ал адам үшін аса маңызды заттар, құбылыстар, қасиеттер мен жай-күйлер құндылықтар деп аталады. Сондықтан жас ұрпаққа «құндылық» ұғымының мәнін терең түсіндіру – тәрбиенің өзекті міндеті.

Қорытынды бөлім

Қатысушыларды шақыру және үзіліс

Ортаға сайысқа қатысушылар шақырылады. Әділқазы мүшелері шешім шығарғанша, әсем әуен тыңдалады: __________________ орындауында ән.

Сөз кезегі әділқазылар алқасына беріледі.

Жүргізушілердің қорытынды өлең жолдары

1-жүргізуші

Жақсы адам боп өссін деп,
Жараттың «Өзін-өзі тануды».
Сара апаға мың алғыс,
Жолдаймыз сәлем жалынды.
Үмітіңді ақтаймыз,
Үйреніп өнер, білімді.
Ар-ұятты сақтаймыз,
Жолатпай жаман қылықты.

2-жүргізуші

Өмірге қызыға қарайсың,
Бәрін де бақыт деп санайсың.
Бұл пәнді үйренсең ерінбей,
Бойыңнан керемет табайсың.

Құрметті жиналған қауым, назарларыңызға мың да бір алғыс! Сайысқа қатысушыларға шығармашылық табыс тілейміз. Қатысқандарыңызға рахмет! Келесі кездескенше, сау болыңыздар!

Ұйымдастырушы

Павлодар облысы, Баянауыл ауданы, Баянауыл ауылы, Ш. Айманов атындағы жалпы орта білім беру мектеп-интернатының «Өзін-өзі тану» пәнінің мұғалімі, жас маман Серікбай Мадина Талғатқызы.