Балықтың өкініш білдіретін шумағын тап
Сабақтың тақырыбы
«Сүт қалай ұйықтады?» (Оспанхан Әубәкіров)
Сабақтың мақсаты
Білімділік
- О. Әубәкіровтің өлең-ертегісін түсініп оқуға баулу.
- Өлең-ертегінің мәнін ашып, қорытынды ойды ұғындыру.
- Өз ойын жүйелеп, қорытынды жасай білуге дағдыландыру.
Дамытушылық
- Оқу мен жазу арқылы сыни ойлау дағдыларын дамыту.
- «Сүт ұйып қалды», «сүт іріп қалды», «айран ашыды», «айран көпірді» сияқты тіркестерді қолдана отырып, байланыстыра сөйлеуді жетілдіру.
Тәрбиелік
- Ұлттық тағам түрлерін, олардың пайдасын және жасалу жолдарын таныту.
- Асты қадірлеуге, дұрыс тамақтану мәдениетіне тәрбиелеу.
- Жақсы мен жаман қылықтарды ажырата білуге баулу.
Сабақтың сипаттамасы
Түрі
Жаңа білім беру сабағы.
Әдіс-тәсілдер
- Сұрақ-жауап
- Ой қозғау
- Топтастыру
- Венн диаграммасы
- Көрнекілікпен жұмыс
Көрнекіліктер
Сабақтың барысы
1) Ұйымдастыру кезеңі
- Психологиялық дайындық.
- Күлкі терапиясы.
2) Үй тапсырмасын тексеру
Сұрақтар:
- Ш. Смаханұлы кім? Қай шығармасымен таныстық?
- Мысал жанрының басқа көркем шығармадан айырмашылығы қандай?
- Мысалды неге «Тәкаппар» деп атауға болады?
Топқа бөлу:
- 1-топ: Балықтың мақтануы.
- 2-топ: Балықтың құрлыққа тап болуы.
- 3-топ: Өкініш.
Тапсырма: Балықтың өкінішін білдіретін шумақты оқулықтан тауып оқыңдар.
Ой толғаныс (қысқаша талдау):
- Не?
- Балық.
- Қандай?
- Мақтаншақ, тәкаппар.
- Нені?
- Теңізін жамандады.
- Не істейді?
- Өкінеді.
Қорытынды сұрақ: Мақтаншақтық — қандай әдет?
3) Негізгі бөлім: жаңа сабақ
Ассоциация әдісі
Тақырыпты ашу үшін «жаман әдет» ұғымына ассоциация құрастырылады.
Ой қозғау (жұптық жұмыс)
Жаман әдеттердің бірі — ұйқышылдық. Неліктен?
«Ұйқы деген дұшпан бар —
Тұла бойды талдырар,
Жолдан да, істен де қалдырар»
Әдеп ережесі: Біреуге қарап есіней қалсаң, аузыңды қолыңмен қалқала.
Бүгінгі сабақта осы кереғар қасиет төңірегінде сөз қозғалады. «Сүт қалай ұйықтады?» — өлең түрінде жазылған ертегі.
Автор туралы
Оспанхан Әубәкіров — сықақшы ақын. Ол шығармаларында қоғамға жат қылықтарды өлеңмен, өткір тілмен сынаған. 1934 жылғы 4 мамырда Алматы облысы Жамбыл ауданында дүниеге келген, 1986 жылы дүниеден өткен.