Өскемен қаласымен телекөпір орнату
Сабақтың мақсаты мен міндеттері
Бұл сабақтың мақсаты — оқушылардың Семей және Өскемен қалалары туралы білімін тереңдету.
Білімділік
Күрделі сөздерді пысықтау.
Дамытушылық
Тілін, зейінін, ойлауын, есте сақтау қабілетін дамыту.
Тәрбиелік
Отансүйгіштікке тәрбиелеу.
Көрнекіліктер
- Презентация
- Топтық жұмысқа қажетті құрал-жабдықтар
Әдіс
Топтық жұмыс.
Сабақтың барысы
I. Ұйымдастыру кезеңі
Бастау- Жағымды психологиялық ахуал қалыптастыру.
- Бірлік туралы бейнежазба көрсету.
- Сабақтың мақсат-міндеттерімен таныстыру.
- Оқушыларды 3 топқа бөліп, тақырып бойынша тапсырмаларды орындау және өнімдерін қорғау.
II. Жаңа сабақ
1-тапсырма: 3 бағыт бойынша өнім дайындау
1-топ: Қаланың тарихы
Мақсаты — хронологиялық кесте толтыру.
| Жыл | Оқиға |
|---|---|
| 1718 | Семей қаласының іргетасы қаланды; Петр I тапсырмасымен Ертісті бойлай келген әскер қонысты «Семьпалат» деп атады (тастан қаланған жеті сарайға байланысты). |
| 1600 жж. шамасы | Дерек бойынша «Жеті шатыр» сол кезеңде тұрғызылған. |
| 1782 | Уездік қала атанды; бекініс ішінде шіркеулер, казармалар, әскери мекемелер және тоғыз мешіт болғаны айтылады. |
| 1783 | Қала «Семей» деп атала бастады. |
| Қала гербі | Көкшіл қалқанда алтын жүк артылған алтын түйе, үстіңгі бөлігінде алтын тәж бейнеленген. |
| 1941 | Облыс аумағында 238 және 8 атқыштар дивизиялары құрылды. |
| 2000 | Қалада жаңа көпір салынды. |
| 2007 | Қала атауы «Семей» деп бекітілді (өзгертілді). |
2-топ: Ұлылар мекені
Мақсаты — буклет әзірлеу.
Бұл өңір — халқымыздың үш кемеңгері дүниеге келген қасиетті мекен: Абай, Шәкәрім, Мұхтар. Абай — дана ақын әрі философ. Абайды әлемге танытқан ұлы Мұхтар Әуезовтің «Абай жолы» романы.
Шәкәрім Құдайбердіұлы — ақын, жазушы, философ, тарихшы, композитор; Абайға замандас, әрі інісі, әрі ізбасары. Осындай үш алыптың бір өңірде дүниеге келуі — сирек құбылыс.
Бұл аймақта бұлардан бұрын да елге танымал тұлғалар өмір сүрген: Өскенбай, Құнанбай секілді даңқты билер болғаны айтылады. Ертіс пен Шыңғыстың топырағы олардың бойына даналық дарытқан.
Әміре Қашаубаев
Әміре Қашаубаев (1888–1934) — атақты әнші, актер әрі музыкант. Парижде өткен Бүкілдүниежүзілік сән өнері көрмесінде «Ағаш аяқ», «Қанапия», «Үш дос», «Жалғыз арша», «Қосбалапан» және өзге де әндерді орындап, 2-бәйгемен қоса күміс медаль алған.
Ұлылар дәстүрін әйгілі актриса, Қазақстанның халық әртісі Әмина Өмірзақова, қазақ әншісі Бибігүл Төлегенова, Роза Рымбаева жалғастырды.
3-топ: Бүгінгі Семей
Мақсаты — оқулық мәтіні бойынша Семейге саяхатқа шақыратын жарнама дайындау.
Нәтиже
- Қаланың ерекшеліктерін қысқа әрі әсерлі ұсыну.
- Маршрут/ұсыныс және шақыру мәтінін құрастыру.
- Топ алдында қорғау.
2-тапсырма: Грамматикалық жұмыс
Оқушылар бейнероликті көріп, топпен жұмыс істеп, сөздерді теріп жазады.
1-топ: Біріккен сөздер
- Сарыарқа
- Тайқазан
- Айдана
- Гауһартас
2-топ: Қысқарған сөздер
- СММУ
- СМУ
- КазМЗУ
3-топ: Тіркескен сөздер
- Семей қаласы
- Неке сарайы
- Ертіс өзені
- Қарағай орманы
Қосымша жұмыс
Қос сөздерді пайдаланып сөйлемдер құрастыру.
Сергіту сәті
«Атамекен» әнін тыңдау.
3-тапсырма: Өскемен қаласымен телекөпір
- Мәтін бойынша сұрақтар құрастыру.
- Сұрақтарға жауап беру.
- Топтық талқылау нәтижесін қорғау.
III. Бекіту
«Мен — Семей қаласының азаматымын» тақырыбы бойынша эссе жазу.
IV. Қорытынды
- Бағалау.
- Ой түю, кері байланыс.
V. Үй тапсырмасы
Өскемен қаласы туралы толық мәлімет дайындау.