Құрметті ұстаздар, ата - аналар

1- жүргізуші. Қайырлы күн! Құрметті ұстаздар, ата-аналар!
2- жүргізуші: Қайырлы күн! Қадірменді қонақтар, 9-сынып түлектері, мектеп шәкірттері!
1- жүргізуші: Баршаңызда куәлік алу рәсіміне қош келдіңіздер! Бүгінгі салтанатты жиынымызды ашық деп жариялаймыз!
2- жүргізуші. Еңбегін ел мерейін асыруға жұмсаған аяулы ұлдары мен қыздарының даңқын асырған тарихи кезеңдердің айтулы мерекелерінің бірі саналатын куәлік тапсыру кеші біздің мектебімізге де келіп жетті.
1- жүргізуші: Күтсін дейміз алдыңнан күліп бағың,
Жоғалмасын ата – салтың, ғұрыптарың.
Кір келтірме ата-ана, мектебіңе.
Өскен ұя, ордаңды ұмытпағын.

2- жүргізуші: Өлкесінің айналсын ертеңіне,
Сенімдердің айналсын серперіне.
Ұстаз біткен тілейді ақтарылып,
Тек сәттілік, елімнің ертеңіне.

1- жүргізуші: Нұрлы үмітін арқалаған арқаға
Жан сәулесін тарататын баршаға.
Шын пейілмен құрметімізді көрсетіп,
Түлектерді қарсы алайық ағайын
(түлектер екі - екіден шығады)

2- жүргізуші: Алдарыңда жол жатыр таралған мың,
Шақырады қол бұлғап сан арманың.
Жеткіншектер жеткізіп мұраттарға,
Орындаңдар әке мен ана арманын.

1-жүргізуші: Мектеппен бүгін қоштаспақ,
Қоштаспақ бүгін сан түлек
Айтылар бүгін сан тілек.
Егілер бүгін сан жүрек
Ән: 9-сынып түлегі Гүлсімнің орындауында Бір үміт әні

2- жүргізуші: 9-сыныпта 20 оқушы бар. 11ұл бала, 9 қыз бала. Ұл балалар – аса қуатты, шапшаң. Олар күйіп-жанып, асығып жүреді. Асықсаң да жұртқа күлкіге қалмайсың деген мақсат бойынша өмір сүреді.

1-жүргізуші: Қыз балалар мінездер жағынан - сабыр періштелер. Бірақ анда-санда шыдамдары жетпей, күйгелектенеді. Олар асықпайды, сабақтарда ұстамды, ақырың жүрсең алысқа жетесің деген мақсатпен өмір сүреді.
2-жүргізуші: Бұл сынып өздерінің жанжалдарын ешкімге тыс шығармайды. Мектеп өмірінен оларға өте ұнайтыны – демалыс және дискотека.

1-жүргізуші: Олардың сүйікті пәні – теледидар мен компьютер. Қорыта келе бұл сынып өте татулы, әрдайым бірге жүреді.
Көрініс 9-сынып оқушылары
2-жүргізуші: Өмірде өшпейтін іс балаға берген - білім, мейірім, қамқор, пейіл. Болашақтың бүр жарған сабағына құйған білім нәрі мәңгілік. Осынау мәңгілік борышты ауырсынбай парызым деп түсінген ұстаздардың бірі 9-сынып түлектерінің алғашқы білім берген ұстазы.

1-жүргізуші: Алғаш қалам ұстатып,
Оқыттыңыз әр сөзді.
Ұшсақ та шалғай қияға,
Ұмытпаймыз, алғашқы ұстазды Гүлбахыт Амангелдіқызын
2-жүргізуші: Сыныпты келдіңіз басқарып,
Көрмедіңіз ойлап бас қамын.
Шәкірттер жатыр ұшқалы,
Өмір дегеніңіз қас қағым.

1-жүргізуші: Еңбегіңіз жанып, күні ертең,
Көрінсін арман асқары.
Бірге өткізген күндерің қыс-жазына,
Жазып шықты қаншама іс-қазына.
Мың алғыс, Сізге Ерлан Осербайұлы.
(құттықтау сөзі беріледі)
Би: Вальс
2-жүргізуші: Келешек өмір қандай болса да қуанышы мен реніші қатар келсе де, еліміздің қай түпкірінде болсаң да, сен міндетті түрде алтын ұяң – мектебіңді, сүйікті ұстаздарыңды, бірге оқыған достарыңды, осы салтанатты, толғандырар минуттарды естен шығарма!

1-жүргізуші: Өткенде бізден ағаттық,
Байсалдылықпен тағат қып,
Балалық болса кешірген,
Байыппен баурап өсірген,
Үлгілі әр кез, ұстамды,
Сабырлы, ізгі ұстазды
Анадай көріп сыйлаймыз:
Айырылар кезде қимаймыз.

2 жүргізуші: Ажырамай мектептен бір елі сіз,
Жақсылыққа жаралған жүрегіңіз.
Сөз береміз құрметпенен өзіңізге,
Түлектерге арналсын тілегіңіз - деп келесі сөз кезегін мектеп директоры Искакова Баян Неғметқызына беріледі. (куәлік тапсыру сәті)
Ән: 9-сынып түлегі Мадиғаж Ақнұрдың орындауында әні

1-жүргізуші: Нұр жүзінен жылы шуақ төгілген,
Шәкірттерін сүйген таза көңілден.
Тағлым беріп жас ұрпаққа қашан да,
Өз соқпағын тапқан мынау өмірден.
2-жүргізуші: Қандай ғажап қарашы жан-жағыңа,
Күміс күлкі сыймай тұр, аңғарына.
Ата-анадан бақытты барма екен жан,
Қол жеткізген аңсаған арманына
Келесі құттықтау сөз 9-сынып түлектерінің ата-аналарының атынан: ______________ беріледі.
Ән: 9-сынып түлектерінің орындауында Школа әні

1-жүргізуші: Қоштасады алтын ұя мектебің,
Маңдайыңнан сипап өтсін көктен күн
Сәт сапар! - деп қол бұлғайық бәріміз,
Тілейік біз армандарға жеткенін.
2-жүргізуші: Үлкен өмірге аттаған қадамдарыңа нұр жаусын, талаптарың оң болсын! Жас түлектер!!!
1-жүргізуші: Сәт сапар, ақ жол, құрметті түлектер!

Солтүстік Қазақстан облысы,
Ақжар ауданы, Талшық селосы тәрбие ісінің меңгерушісі және
тарих пәнінің мұғалімі Ақтаева Бақыт Абайқызы