Қазақша рефераттар

Ананың көңілі балада, баланың көңілі далада екенін білдіру

Әдебиеттік оқу (4-сынып)

Сабақтың тақырыбы

М. Дулатов — «Шешенің балаларын сүюі»

Мұғалім

Ж. Бахитова

Мақсаты

  • Мәтін мазмұнының мағынасын ұғындыру.
  • Ананы құрметтеу, сыйлау және ана сүтін ақтай білудің мәнін түсіндіру.
  • «Ананың көңілі балада, баланың көңілі далада» ұғымын талқылау арқылы тәрбиелік ой қалыптастыру.

Психологиялық дайындық

Қуанамыз арайланған ақ таңға,

Қуанамыз жақсылық болып жатқанға.

Қош келіпсіз 4 «Б» сыныбына,

Сәлем беріп, бас иеміз баршаңызға.

Үй тапсырмасын қорыту (тест)

1) «Қорқарың бар, қораға кірме» деген нақыл сөз кімнің шығармасында кездеседі?

  • А) Ш. Уәлиханов — «Абылай хан»
  • Ә) М. Әуезов — «Жолда»
  • Б) С. Бегалин — «Қырдың жас түлегі»

2) «Өңі сұп-сұр, зор денелі, бурыл сақалды…» деген жолдар қай мәтіннен алынған?

  • А) С. Көбеев — «Орындалған арман»
  • Ә) М. Әуезов — «Жолда»
  • Б) Ы. Алтынсарин — «Дүниеде жамандық неден?»

3) Мәтін бөліктерін тап.

  • А) Кіріспе. Негізгі бөлім. Қорытынды бөлім.
  • Ә) Басы. Кіріспе. Аяғы.
  • Б) Негізгі бөлім. Тақырып. Соңы.

4) «Қаланың қамау көше, тар үйлерін тосырқап, көпке дейін үйрене алмай жүрді» сөйлемі қай мәтіннен алынған?

  • А) Ақкөл жақтан стансаға екі пойыз бір мезгілде бір-біріне қарама-қарсы бағытта жолға шықты… (есеп мәтіні)
  • Ә) С. Бегалин — «Қырдың жас түлегі»
  • Б) М. Әуезов — «Жолда»

5) Соңғы тарау қалай аталады?

  • А) «Асыл арналар»
  • Ә) «Кәусар бұлақ»
  • Б) «Жарық жұлдыздар»

Жауаптары

1 — Б, 2 — Ә, 3 — А, 4 — Ә, 5 — Б

Тапсырмалар

2-тапсырма

Жұптық жұмыс: сатылай кешенді талдау.

3-тапсырма

Шығармашылық тапсырма.

4-тапсырма

Жинақтау: «Ана — өмір шырағы» тақырыбы бойынша ой қорыту.

6-тапсырма

«Ойлан, топтас, талқыла» — шығармашылық шыңы: ізденіс.

Ой дамыту: айқын сұрақтар

  • Бұл видеороликтен не көрдіңіздер, қандай ой түйдіңіздер?
  • Ана бізге не үшін қымбат?
  • Видеороликтің бүгінгі сабаққа қандай қатысы бар деп ойлайсыздар?

Жаңа сабақ

Артық болмас білгенің

М. Дулатов — «Шешенің балаларын сүюі»

Оқулықпен жұмыс.

Мәнерлеп оқу.

Рөлге бөліп оқу.

Формативті бағалау

«Басбармақ» әдісі:

  • Басбармақ жоғары — мен түсінемін.
  • Басбармақ көлденең — мен түсінгендеймін.
  • Басбармақ төмен — мен түсінбедім.

«Серпілген сауалдар» (ашық және жабық сұрақтар)

  1. 1Өлеңнен ананың баласына деген қандай сезімі мен қасиеттері танылады?
  2. 2Ана бала өмірі үшін қандай маңызға ие?
  3. 3Өлең тақырыбының маңызы неде?
  4. 4Еңбегімен не ерлігімен танылған аналардан кімдерді атай аласыздар?
  5. 5«Ана» сөзінің кілтін табу: А — адамның, Н — нағыз, А — асылы.
  6. 6Өлең қай үлгіде жазылған?

Сөздікпен жұмыс

Көз жасын көлдету
Қатты жылау.
Кірпік қақпай
Ұйықтамай.
Дамылсыз
Тынымсыз.

Шығармашылық жұмыс

1-топ

«Ана туралы» 5 жолды өлең жазу.

2-топ

Берілген үлгі бойынша өлең құрастыру:

________________ данасың,

________________ панасың.

________________ баласын

________________ анашым.