Еңбектің қажеттілігін білуін, бастаған ісін талғаммен аяқтауын қадағалау
Түсінік хат
Бүгінгі ұрпақ өз мінез-құлқын, тілін, өнерін жоғалтпауы қажет. Өнер — жас ұрпаққа оң әсер етіп, тәрбиелейтін нәзік әрі құнды дүние. Осы мақсатта 1-сыныпқа арналған мектеп компоненті негізінде «Шебер қолдар» қолөнерге баулу үйірмесі құрылды. Үйірме оқушылардың ықылас-ынтасын дамытып, болашақ маман ретінде өзін-өзі тануына мүмкіндік береді.
Оқу жүктемесі
- Аптасына: 1,5 сағат
- Жылына: 47 сағат
- Сынып: 1-сынып
Үйірменің бағыт-бағдары
Сабақ барысында дарынды оқушылардың қабілетін ашуға, шығармашылығын дамытуға, ізденуге, іс-әрекетін жоспарлауға және жобалау дағдыларын қалыптастыруға жағдай жасалады. Негізгі мақсат — оқушының бар зейінін шоғырландырып, ынта-жігерін арттыру.
Оқушылар табиғи материалдардан әртүрлі жануарлардың бейнесін жасауға, матамен жұмыс істеуге және қолөнердің басқа да түрлерін тереңірек меңгеруге машықтанады.
Мақсаты
- 1 Оқушыларды қолөнерге баулу, өнерге деген қызығушылығын және шығармашылық белсенділігін арттыру.
- 2 Жинақтылыққа, төзімділікке, икемділікке, ұқыптылыққа және тиянақтылыққа тәрбиелеу.
Пәнаралық байланыс
Міндеттері
- Жұмысты ұйымдастырып, қажетті материалдарды тиімді әрі ұқыпты пайдалана білу.
- Оқушылардың іскерліктері мен дағдыларын қалыптастыру.
- Еңбек мәдениеті мен техника қауіпсіздігінің бастапқы элементтерін меңгерту.
- Еңбекке қызығушылық пен ынтаны нығайтып, ой-өрісті кеңейту.
- Еңбектің қажеттілігін түсіндіру және бастаған істі талғаммен аяқтауға дағдыландыру.
- Балаларды жеке басының игілігі үшін ғана емес, ортақ мүдде үшін еңбек етуге үйрету.
Күтілетін нәтижелер
- Еңбекқорлыққа, ұқыптылыққа, тиянақтылыққа және ізденімпаздыққа машықтанады.
- Өз жұмысына және сыныптастарының жұмысына әділ баға беруді үйренеді.
- Пәнге қызығушылығы артып, шығармашылық қабілеттері дамиды.
- Оқушылар жұмыстары мектепішілік көрмелерге қатыстыруға ұсынылады.
«Шебер қолдар» үйірмесі: 1-сынып, аптасына 1,5 сағат, жылдық көлемі 47 сағат.