Қазақша рефераттар

Жеті қазына тобына

Жанұя және математика

Оқушылардың логикалық ойлау қабілетін, білімін және білік-дағдыларын дамытып, пәнге қызығушылығын қалыптастыруда сыныптан тыс математикалық іс-шаралардың маңызы зор. Мұндай жұмыстар оқушылардың шығармашылық әлеуетін ашып, ата-анамен ынтымақтаса әрекет етуге жол ашады. Сонымен қатар еңбекке, өзін-өзі басқаруға, ұйымшылдыққа, ұқыптылық пен дәлдікке тәрбиелейді.

Мақсаты

Оқушылардың математика пәніне қызығушылығын арттыру, ой-өрісін дамыту және алған білімін пысықтау.

Форматы

Жанұялық командалар сайысып, жұмбақ шешіп, логикалық есептер орындап, мақал-мәтелдер арқылы білімін көрсетеді.

Кештің ашылуы

1-жүргізуші

Уа, халайық, халайық, Бәріне жар салайық. Бүгінгі кеш төрінде Математика тілінде Жанұялар жарысып, Жұмбақ шешіп аңдасып. Шабыт тасып шалқысып, Есеппен ән салып, Көңілді кеш жасаймыз.

2-жүргізуші

Әкесі, ағасымен, анасы да Алда озар — ең мықтысы осы жолда. Көпшілік өнерлерін қызықтамақ, Сұрайық шығуларын жұрт алдына.

Командаларды таныстыру (шақыру мәтіндері)

Арифметика тобы

Арифметика — бар ғылымның патшасы, Таңырқатқан ежелден адамзатты. Осы топты ортаға шақырамыз, Анасы бар — математик парасатты.

Дәреже тобы

Дайындықпен келіп тұрған жарысқа, Есеп білсе жетеді ғой табысқа. Дәреже тобын шақырайық ортаға, Шын жүйріктей шабатұғын алысқа.

Шаршы тобы

Жанұяда ылғи дарындар, Жүректе от, көздерінде жалын бар. Шаршы тобын, халайық, Құрметпен қарсы алайық.

Жеті қазына тобы

Ілім-білім — жеті қазынаның бірі еді, Үлкен-кіші мұны бәрі біледі. Осылай деп өз топтарын атапты — Жанұяны шақырғымыз келеді.

Ұйымдастыру

  • Әділқазылар алқасымен таныстыру
  • Психологиялық тренинг
  • «Шаттық шеңбері»

Бағалау

Әр турдың соңында әділқазылар ұпай беріп, нәтижені тіркеп отырады.

I тур — «Жорға» (жылдам сұрақтар)

1 балл Жауап тез әрі нақты беріледі.

Арифметика тобы

  • 1.Толық бұрыштың шамасы — 360°.
  • 2.Дәлелдеуді қажет ететін сөйлем — теорема.
  • 3.Құрамында әрпі бар өрнек — әріпті өрнек.
  • 4.Бұрышты қақ бөлетін сәуле — биссектриса.

Дәреже тобы

  • 1.Ешқандай қиылыспайтын түзулер — параллель.
  • 2.Дәлелдеуді қажет етпейтін сөйлем — аксиома.
  • 3.Натурал сандар — нәрселерді санауға арналған сандар.
  • 4.Жазықтықта бір нүктеден бірдей қашықтықта орналасқан нүктелер жиыны — шеңбер.

Шаршы тобы

  • 1.Тікбұрыш жасап қиылысатын түзулер — перпендикуляр.
  • 2.Айырмашылығы таңбаларында болатын сандар — қарама-қарсы сандар.
  • 3.Жазыңқы бұрыштың өлшемі — 180°.
  • 4.Таңбалары әртүрлі екі санның көбейтіндісі — теріс сан.

Жеті қазына тобы

  • 1.Кеңістікті зерттейтін геометрия бөлімі — стереометрия.
  • 2.Координаталар жүйесін енгізген ғалым — Рене Декарт.
  • 3.Екі қатынастың теңдігі — пропорция.
  • 4.Екі параллель түзуді қиюшымен қиғанда пайда болатын бұрыштар — айқыш, тұтас, сәйкес, вертикаль.

1-жүргізуші

Құрметті әділқазылар, екінші тур бойынша әділ шешімдеріңізді барша қатысушы асыға күтеді.

2-жүргізуші

Ең қиыны — жарыстың «жорғасы». Мықтылар келді, ендеше тез жауап беріп, ойланбай кідірмейік.

II тур — Математикалық жұмбақтар

3 балл Тапқырлық пен зейін сыналады.

2-жүргізуші

Оймен қане көк теңізін кешіңдер, Жарық-жұрық еткен неше түрлі есімдер. Айтылғанда математикалық жұмбақтар, Зейін салып, зердеменен шешіңдер.

Жұмбақтар

  • Өзі төрт қанатты және алты аяқты, сөйтсе де тікұшақтың көшірмесіндей.

    Жауабы: инелік

  • Екі ағайынды, екеуі де бір үйде, бірін-бірі көрмейді.

    Жауабы: көз

  • Таңертең төрт аяқты, түсте екі аяқты, кешке үш аяқты.

    Жауабы: адамның үш шағы

  • Жаңылмастан жетеуі кезек қызмет етеді.

    Жауабы: апта күндері

Жұмбақтар (жалғасы)

  • Үш көзді батыр жолды аңдып жатыр.

    Жауабы: бағдаршам

  • Ауыз бір, екі құбыр.

    Жауабы: шалбар

  • Бірдей санды бірнеше рет көбейтуден тұрады. Ықшамдасаң, атауы қандай?

    Жауабы: дәреже

  • Бір үйде тұрады екен 50 батыр. Үй сыртына сүйкенсе-ақ өліп жатыр.

    Жауабы: сіріңке

1-жүргізуші

Білімдіден шығады алғыр шешен. Шарықта, шәкірт, бұлбұлдай сайра — бұл жарыста сенің де есең кетпесін!

III тур — Мақал-мәтелдің жалғасын тап

4 балл Сандар мен математикалық терминдер араласқан мақал-мәтелдер.

Тапсырмалар

  1. Алты жыл аш болсаң да, ата салтыңды сақта.
  2. Отыз күн оразаның бір күн айты бар, әр қылған жақсылықтың бір қайтуы бар.
  3. Жерді екі жыртқан, өнімді екі есе алады.
  4. Досыңды үш күн сынама, үш жыл сына.
  5. Бір күндік жолға шықсаң, үш күндік азық ал.
  6. Алты аға бірігіп әке болмас, жеті жеңге бірігіп ана болмас.
  7. Жалқаудың екі досы бар: бірі — ұйқы, бірі — күлкі.
  8. Шындық он екі қабат шынжырды үзеді.

Психологиялық тренинг (музыкамен)

Қатысушылар қысқа сергіту сәті арқылы көңіл күйін көтеріп, келесі турға шоғырланады.

IV тур — «Тапқырлық» (логикалық есептер)

5 балл Ойлау жылдамдығы мен дәлдігі бағаланады.

Есептер

  1. Басты көшенің бір жағындағы үйлер 1-ден 39-ға дейін тақ сандармен, ал қарсы жақтағы үйлер 2-ден 34-ке дейін жұп сандармен нөмірленген. Бұл көшеде қанша үй бар?
    Жауабы: 37 үй.
  2. Суретші мектеп бөлмелерін нөмірлеуі керек. Егер бөлме саны 100 болса, «9» цифрын қанша рет жазады?
    Жауабы: 19 рет.

Есептер (жалғасы)

  1. №1, №2, №3 пәтерлерде үш мысық тұрады: ақ, қара және ала. №1 және №2 пәтерлерде қара мысық тұрмайды. Ақ мысық №1 пәтерде тұрмайды. Әр мысық қай пәтерде тұрады?
    Жауабы: №1 — ала, №2 — ақ, №3 — қара.
  2. Егер спортшы жарыста алдынан 25-орын алса, артынан да 25-орын алса, жарысқа барлығы қанша адам қатысқан?
    Жауабы: 49 адам.

1-жүргізуші

Математикалық атаулар мен ұғымдар есте сақталар. Енді бір сәт солардан тізбек құрасақ, артық болмас — кезек сізде!

V тур — Ана мен баланың шығармашылығы

7 балл Шығармашылық тапсырма (сценарий бойынша толықтырылады).