Қазақша рефераттар

Сабақтың барысы. Ақша қар

Сабақ туралы қысқаша мәлімет

Сабақтың тақырыбы

«Ақша қар» (Зейнолла Шүкіров)

Сабақтың түрі

Жаңа материалды меңгерту сабағы.

Әдіс-тәсілдер

  • сұрақ-жауап
  • түсіндіру
  • әңгімелеу
  • сыни тұрғыдан ойлау стратегиялары

Көрнекіліктер мен құралдар

  • тақырыптық суреттер
  • ақынның портреті
  • қағаздан қиылған «қар қиыршықтары»
  • интерактивті тақта

Сабақтың мақсаты

Білімділік

Өлеңді мәнерлеп, жатқа оқуға дағдыландыру; қыс мезгілінің ерекшеліктерін әңгімелеу.

Дамытушылық

Оқушылардың көркем сөйлеуін, өз ойын нақты жеткізу дағдыларын жетілдіру; сөздік қорын молайту.

Тәрбиелілік

Табиғатты қорғауға және сүюге тәрбиелеу.

Сабақтың барысы

I. Ұйымдастыру кезеңі

  • Оқу құралдарын түгендеу, оқушыларды сабаққа дайындау.
  • Психологиялық дайындық.

Ана тілің — арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте!

— Қадыр Мырза Әли

Осы жолдарды негізге алып, ана тілі сабағын бастаймыз.

II. Үй тапсырмасын тексеру

Ауызша сұрақтар

  • Мағжан Жұмабаев кім?
  • «Балапан қанат қақты» әңгімесін оқып келу.
  • Әңгімені мазмұндау және өз бетінше аяқтау (3–4 оқушының шығармашылық жұмысын тыңдау).

Білімді тиянақтау: тест

  1. 1) Жылдың қай мезгіліне байланысты шығармалармен танысып жатырмыз?

    а) Күз   ә) Қыс   б) Желтоқсан

  2. 2) Қыс айларын ата.

    а) қыркүйек, желтоқсан, қазан   ә) желтоқсан, қаңтар, ақпан   б) қаңтар, наурыз, мамыр

  3. 3) Қазір қай ай?

    а) қараша   ә) желтоқсан   б) қыс

  4. 4) Мағжан Жұмабаевтың қандай шығармасымен таныстық?

    а) «Қыс»   ә) «Балапан қанат қақты»   б) «Ақша қар»

  5. 5) Балапан жылы жаққа неге жете алмады?

    а) Анасынан айырылып қалды.   ә) Қанаты қатып, жете алмады.   б) Суыққа тоңған соң.

  6. 6) Балапанның халі сендерде қандай көңіл күй туғызды?

    а) Қорқыныш   ә) Аяушылық   б) Мейірім

Бүгінгі сабақ та қыс мезгіліне қатысты тақырыпқа арналады.

III. Жаңа тақырыпты түсіндіру

1) Қызығушылықты ояту

Ой ашар: жұмбақ

Қанттай ақ,
Мамықтай ұлпа.
Қыста жер бетін басады,
Жазда сайға қашады.

Жауабы: қар.

Жаңылтпаш

Қырбық қар құрғақ па,
Сұр қар құрғақ па?

Қырбық қар да құрғақ,
Құрғақ қар да құрғақ.

Үстінде ойнама,
Үстіңді былғар.

Жаңылтпаш арқылы қардың түрлерін ажыратамыз: сұр қар, кір қар, қырбық қар, құрғақ қар.

Сергіту сәті (қысқа қимыл-қозғалыс жаттығулары).

2) Мағынаны тану

Сынып жұмысы

Күні: желтоқсанның оны
Тақырып: «Ақша қар»
Автор: Зейнолла Шүкіров

Автор туралы

Зейнолла Шүкіров (1927–1979) — Қызылорда облысы, Арал ауданындағы Бөген қыстағында дүниеге келген ақын-жазушы. Бастауыш білімнен кейін ауыр науқасқа шалдығып, төсекке таңылса да, қайсарлық танытып өздігінен білім алды. Бар ғұмырын қаламға арнап, өмірінің соңына дейін жазушылық жолынан таймай, ондаған кітап ұсынды.

Мәтінмен жұмыс

  1. Өлеңді мұғалімнің мәнерлеп оқуы.
  2. Оқушылардың іштей оқуы; түсініксіз сөздерді белгілеу және мағынасын ашу.
  3. Өлеңді дауыстап, мәнерлеп оқу.
  4. Сұрақтарға жауап беру, тақтада кластер жасау.

Кластер: «Қар қандай?»

  • Ақ мамықтай
  • Ақ жібектей
  • Ақ тауықтың жүніндей
  • Ақ көрпедей
  • Ақ қанатты көбелектей

Суретпен жұмыс

  • Қандай қар жауып тұр?
  • Тау-тас, сай-сала нені жамылған?
  • Ауылдың көрінісі қандай?

«Бес жолды өлең» үлгісі

1) Не? — Қар

2) Қандай? — Ақ, суық

3) Не істеді? — Жайды, еріді, ұшқындады

4) Қар биыл қалың жауды

5) Табиғат

Топтық тапсырма: топтастыру

I қатар

Қысқы ойын түрлері

II қатар

Қысқы табиғат

III қатар

Қысқы киімдер

IV қатар

Қыстағы адам еңбегі

Қорытындылау

Ақ киімді, денелі, ақ сақалды,
Соқыр, мылқау, танымас тірі жанды.
Үсті-басы ақ қырау, түсі суық,
Басқан жерін сықырлап келіп қалды.

Қыстағы мерекелер

  • 1 желтоқсан — Тұңғыш Президент күні
  • 16 желтоқсан — Тәуелсіздік күні
  • 1 қаңтар — Жаңа жыл

Үй тапсырмасы және бағалау

Үйге тапсырма

  • «Ақша қар» өлеңін жаттау.
  • Өлең мазмұны бойынша сурет салу.

Бағалау

Оқушылардың жұмысы қағаздан қиылған «қар қиыршықтары» арқылы бағаланады:

Ақ қар

5

Көк қар

4