Қазақша рефераттар

Натурал санның бөлінгіштігі Сабақ мақсаттары

Сабақ тақырыбы: Натурал санның бөлінгіштігі

Бұл сабақ — «Натурал сандардың бөлінгіштігі» тарауын қорытындылайтын, ойын формасында өткізілетін қорытынды сабақ.

Сабақ мақсаттары

  • Натурал санның бөлінгіштігі тарауы бойынша білімді жалпылау және жүйелеу; меңгеру деңгейін анықтау; жай және құрама сандар, ЕҮОБ, ЕКОЕ ұғымдарын қаншалықты меңгергенін тексеру.
  • Есептеу дағдыларын дамыту; ойлау және есте сақтау қабілеттерін жетілдіру; математикалық сөйлеу мәдениетін дамыту.
  • Ұқыптылыққа тәрбиелеу; ұжымда жұмыс істеуге дағдыландыру; тыңдай білуге және өз ойын нақты жеткізуге үйрету.

Сабақ форматы

Сабақ типі
Қорытынды сабақ
Сабақ түрі
Ойын сабақ
Көрнекіліктер
Компьютер, слайдтар, карточкалар

Негізгі ұғымдар

Бөлінгіштік Жай сан Құрама сан ЕҮОБ ЕКОЕ Жай көбейткіштерге жіктеу

Сабақ бойы осы ұғымдар тапсырмалар арқылы қайта қарастырылып, әр кезеңде бекітіледі.

Сабақ барысы

I кезең: Ұйымдастыру

Оқушылармен амандасып, сабақтың тақырыбы мен мақсаты айтылады. Дәптерге күнін және тақырыпты жазып алады. Одан кейін оқушылар берілген фигуралар бойынша 3 топқа бөлінеді: үшбұрыштар — 1 топ, дөңгелектер — 2 топ, төртбұрыштар — 3 топ.

Бүгін оқушылар өздерін «Ашық акционерлік қоғамның» (ААҚ) мүшелері ретінде таныстырады. Әр «АҚ»-ның атауын табу үшін мұғалімнің сұрақтарына жауап беріп, жауапқа сәйкес әріптерден сөз құрастырады.

Жедел сұрақтар (код сөзді табу)

  1. 1) Қай сан 3-ке бөлінеді, бірақ 2-ге бөлінбейді? (720, 255, 638, 335)

    Жауабы: 255

  2. 2) Қай сан 9-ға бөлінеді?

    Жауабы: 720

  3. 3) Қай сан 2-ге бөлінеді, бірақ 9-ға бөлінбейді?

    Жауабы: 638

  4. 4) Бір санның барлық бөлгіштері берілген: (1, 2, 4, 5, 10, 20). Бұл қандай сан?

    Жауабы: 20

  5. 5) Сан жай көбейткіштерге жіктелген. Сол санды ата: (берілген жіктеу бойынша).

    Жауабы: 90

    Қосымша сұрақ: Мұны қалай тексеруге болады?

  6. 6) Ең кіші жай санды ең кіші құрама санға көбейтті. Көбейтінді неге тең?

    Жауабы: 2 × 4 = 8

Нәтижесінде «ЕРТЕГІ» сөзі шығады. Мұғалімнің түсіндіруі бойынша, бұл — акционерлердің қаржысына ұйымдастырылатын кафенің атауы.

II кезең: «Акционер» болу — анкета-есеп

Сынып ААҚ ретінде жұмыс істейтіндіктен, мекеменің «акциясын» сатып алған кез келген оқушы оның құрамына ене алады. «Төлем» ретінде — дұрыс толтырылған анкета, яғни есептің толық шығарылуы қабылданады.

Тапсырма

Құрама сандарды жай көбейткіштерге жіктеп, берілген сандардың ЕҮОБ және ЕКОЕ-ін табу.

1-топ (тақтада)

ЕҮОБ (480; 216; 144)

ЕКОЕ (480; 216; 144)

2-топ (интерактивті тақтада)

ЕҮОБ (280; 140; 224)

ЕКОЕ (280; 140; 224)

3-топ (ватманда)

ЕҮОБ (105; 350; 140)

ЕКОЕ (105; 350; 140)

Сергіту сәті

«Қызыл өрік» әніне билеу.

III кезең: Кафеге орын таңдау («үй» тапсырмасы)

Акционерлер анықталғаннан кейін, кафе ашу үшін орын қажет екені айтылады. Оқушыларға 4 «үй» ұсынылады: біреуі бос емес, қалғандарында сұрақ белгісі бар. Бірінші үйдегі үлгі қалған үйлердің сұрағын шешуге көмектеседі.

Мақсат: үлгі арқылы логиканы түсіну және қалған «үйлердегі» жасырын тапсырмаларды шешу.

IV кезең: Музыка қосу (есептер арқылы)

Кафеде музыка ойнауы үшін оқушылар сұрақтарға жауап береді: ноталар саны және олардың атауы. Әр нота артында есеп жасырылған. Әр топ екі есептен алып, дұрыс шешімін тақтаға жазады.

Оқулықпен жұмыс

№337

1-топ — 1-тапсырма, 2-топ — 2-тапсырма, 3-топ — 3-тапсырма

№343

1-топ — 1-тапсырма, 2-топ — 2-тапсырма, 3-топ — 3-тапсырма

Әр топтан бір оқушы шығып, есепті орындайды.

№337 (берілген жазбалар)

Жіктеулер:

a = 2² · 3 · 7

a = 2 · 3³ · 5

e = 2 · 3 · 11

b = 2 · 3² · 7

d = 2² · 5

f = 2³ · 3 · 11

ЕКОЕ нәтижелері:

ЕКОЕ(a; b) = 252

ЕКОЕ(a; d) = 540

ЕКОЕ(e; f) = 264

№343 (өрнектерді түрлендіру)

1) 42x − 30y = 6(7x − 5y)

2) 56x − 24y = 8(7x − 3y)

3) 60m − 36n = 6(10m − 6n)

Жұппен жұмыс

Ортаға 2 топтан бір-бір оқушы шығады. Маңдайларына сөз/сан жазылған қағаз жапсырылады. Бір-біріне сұрақ қою арқылы өзіндегі жазуды табады.

Резерв тапсырма: мәзір және жарнама

Музыка қосылғаннан кейін, кафеге мәзір және жарнама ойластыру ұсынылады. Мәзірді қызықты форматта жасау — шығармашылық тапсырма (оқушылар өздері ұсынады).

Үй жұмысы

№337 (4, 5, 6), №343 (4, 5, 6). Егер жарнаманы сыныпта аяқтап үлгермесе, үйде ойластырып келеді.

Рефлексия

«Не үйрендік? Не білдік?» сұрақтары арқылы оқушылардың пікірлері тыңдалады.

Қорытынды және бағалау

Ватманға оқушылар тізімі ілінеді. Әр тапсырмадан кейін белсенді қатысқан оқушыларға «+» қойылады. Сабақ соңында барлық «+» саны есептеліп, қорытынды баға шығарылады.