Монтессори маман
Мүмкіншіліктері шектелген балаларды түзете-дамыту жұмыстарында Монтессори әдісін қолдану (шағын топтық жұмыс)
Бұл материал психикалық дамуы тежелген балалар тобына арналған сабақтың өту барысын сипаттайды. Монтессори әдісінде сабақ дәстүрлі түрде жоспарланбайды: негізгі назар баланың еркін таңдауы, өз бетімен әрекеті және орта арқылы дамуына аударылады.
Мақсаты
- Балаларды еркін тәрбиелеу және өмірге бейімдеу.
- Өмірде өз мақсаты бар екенін сезіндіру, мақсат қоюға ынталандыру.
- Балалардың өздігінен үйренуі мен өзін дамытуына жаңа мүмкіндіктер беру.
Сабақтың барысы
Ұйымдастыру кезеңі
Топтық өзара әрекетБалалар шеңбер жасап тұрады. Монтессори маманы қолындағы қоңырауды сылдырлатып, балаларды ортақ әрекетке шақырады:
– Ал, қанеки, балалар,
Ойнайықшы сылдырмақ.
Әдемі, бізге сылдырлат,
Келесіге ойнап-ап,
Бере салшы сылдырмақ.
Балалар қоңырауды сылдырлатып, бір-біріне кезекпен береді. Бұл әрекет арқылы олар затты біреуден біреуге беру дағдысын, кезек күтуді және өзара қарым-қатынас жасауды үйренеді.
Еркін таңдау және жұмыс аймақтары
Еркіндік + тәртіпМонтессори маманы балаларды қолдап: «Жарайсыңдар, балалар. Енді қалаған аймақтарыңа барып, қалаған жаттығуларыңмен шұғылдана беріңдер» — деп бағыт береді.
Балалар еркін қозғалып, өздеріне ұнаған Монтессори құралдарын алып, жұмысқа кіріседі. Осы сәтте бөлмеде үнтаспадан жай әуен қосылады.
Маман балаларға белгі жүйесін еске салады:
Әуеннің басталуы — сабақтың басталғанын, ал әуеннің тоқтауы — сабақтың аяқталғанын білдіреді.
Бала әрекеті: Райымбек
СенсорикаI бала — Райымбек. Ол саусақ бассейнін үстел үстіне әкеліп, жұмысын бастады.
Негізгі мақсат
Ішіне ақ және қызыл фасоль толтырылған ыдыстың арасынан жасырылған кішкентай ойыншықтарды табу.
Жанама мақсат
Ұсақ моториканы және есте сақтау қабілетін дамыту.
Райымбек маманға «бірге ойнайық» деген ниетін ишара арқылы білдірді.