Денсаулық байлықтан қымбат
Тазалық – денсаулық негізі, денсаулық – байлық негізі
Бұл сабақ оқушыларды гигиеналық талаптарды сақтауға, денсаулығын күте білуге үйретуді мақсат етеді. Сонымен қатар «Қазақстан – 2030» бағдарламасы туралы түсініктерін қалыптастырып, денсаулықты сақтаудың қоғам үшін маңызын ұғындыруға бағытталған.
Сабақтың мақсаты
- Гигиеналық талаптарды орындауға дағдыландыру
- Өз денсаулығын күте білуге үйрету
- «Қазақстан – 2030» бағдарламасы туралы ұғым қалыптастыру
Әдіс-тәсілдер
- Топпен жұмыс
- Сұрақ-жауап
- Топтастыру
- Ойындар
Негізгі идея
Тазалық әдеті – денсаулықтың тірегі. Ал денсаулық – адамның өміріндегі ең үлкен байлық, ең сенімді қор.
Есте сақта: «Дені сау – жаны сау».
Сабақтың барысы
Кіріспе бөлім
Оқушылар бүгінгі сабақтың тақырыбы мен мақсатымен танысады. Сынып үш топқа бөлінеді, әр топ өз атауын қорғап, негізгі ойларын топтастыру арқылы ұсынады.
І топ
Тазалық
Гигиена, ұқыптылық, қол жуу, қоршаған ортаны таза ұстау.
ІІ топ
Денсаулық
Дұрыс тамақтану, тазалық әдеттері, шынығу, күн тәртібі.
ІІІ топ
Байлық
Нағыз байлық — денсаулық, ал материалдық игілік — соның нәтижесі.
ІІ бөлім: Әдеби-музыкалық монтаж
Ақтоты
Шат көңілді адамдар, ақ көңілді адамдар.
Денсаулық — зор байлық, жан саулық — мол байлық.
Қайырбек
«2030» — бағытымыз, жетістікке бастайды әр ісіміз.
Өркениетті елімді көркейтетін — табиғатты қорғау парызымыз.
Мөлдір
Денсаулықты нығайту — басты мақсат.
Үлкен-кіші денсаулығын қорғаймыз — бұл халқымыз үшін игі іс.
Әрқашан алға бассын қадамымыз, жақсылық болсын біздің ұранымыз.
Бағдарламада адам денсаулығын сақтауға ерекше мән беріледі. Осы ойды бекіту үшін оқушылар денсаулық туралы мақал-мәтелдер айтады.
-
Арман
Денсаулық байлықтан қымбат.
-
Гүлдана
Дені сау болса, жарлымын деме.
Жолдасың көп болса, жалғызбын деме. -
Ерасыл
Тамақтың түрі көп, ал денсаулық біреу.
-
Ислам
Ауырып ем іздегенше, ауырмайтын жол ізде.
Шымырлық — шынығудан. Спорттық ойындар бойға күш беріп, ағзаны бекітеді. Спортпен айналысқан адам сирек ауырады.
Күш берер бойыңа — спорттық ойын да.
Спорт та ем болар — жаттықсаң, ем қонар.
«Кім тапқыр?» ойыны
Сөздерді тауып, оларды мағынасына қарай топтастыру ұсынылады: зиянды, пайдалы және байлыққа қатысты ұғымдар. Оқушылар өз пікірлерін айтып, таңдауларын дәлелдейді.
Зиянды
- арақ
- темекі
- кәмпит
- есірткі
Пайдалы
- қызылша
- алма
- өрік
- жүзім
Байлық
- машина
- ақша
- үй
- денсаулық
Шығармашылық және сахналық жұмыс
- «Бұл не?» әні (хор)
- «Тазалық – саулық негізі» тақырыбындағы шығармаларды оқу
- Жұмбақтар шешу
- «Не жедің?» көрінісі
ІІІ бөлім: Бекіту сұрақтары
І топ
Неліктен жеміс-жидектерді жеер алдында ата-ана мен үлкендер міндетті түрде жуып жеуді айтады?
ІІ топ
Сенің ойыңша, тамақ ішер алдында қолды жуу міндетті ме? Неліктен?
ІІІ топ
«Тазалық — денсаулық негізі, денсаулық — байлық негізі» деген нақыл сөзді қалай түсінесің?
Қорытынды
Сабақ соңында оқушылар «Ел қорғауға әзірміз» әнін хормен орындайды.