Ата - анаға қамқорлық
Сабақ туралы жалпы мәлімет
- Сабақтың тақырыбы
- Ата-анаға қамқорлық
- Сыныбы
- 8-сынып
- Сабақтың типі
- Қайталау және еске түсіру сабағы
- Әдістері
- Мәнерлеп оқу, әңгімелеу, сұрақ-жауап және басқа да әдістер
Сабақтың мақсаттары
1) Білімділік
«Ата-анаға қамқорлық» тақырыбы бойынша жаңа сөздермен таныстыру және оларды ауызекі сөйлеуде қолдануға машықтандыру.
2) Дамытушылық
Оқушының тілін дамыту, ой-өрісін кеңейту, өз бетінше сұхбат құрастыруға және шығармашылыққа жетелеу.
3) Тәрбиелік
Өз отбасын сүюге, ата-анасын құрметтеуге тәрбиелеу.
Сабақтың барысы
I. Ұйымдастыру кезеңі
- Сабаққа қатысуды тексеру, тіл дамыту сұрақтарын қою.
- Жаңа сабаққа кіріспе және түсіндіру.
- Сабақты бекіту, бағалау.
- Үй тапсырмасын беру.
Сабақтың басталуына арналған сұрақтар
- Бүгін аптаның қай күні? Қазанның нешесі?
- Ауа райы қандай?
- Қазір жылдың қай мезгілі?
II. Үй тапсырмасын тексеру және қайталау
«Сөйлем мүшелері» тақырыбы бойынша қайталау сұрақтары:
- Сөйлем мүшелері неше топқа бөлінеді?
- Тұрлаулы сөйлем мүшелеріне нелер жатады?
- Бастауыш дегеніміз не? Ол қандай сұрақтарға жауап береді?
- Баяндауыш дегеніміз не? Ол қандай сұрақтарға жауап береді?
- Тұрлаусыз сөйлем мүшелеріне нелер жатады? Атаңдар.
- Анықтауыш дегеніміз не? Ол қандай сұрақтарға жауап береді?
- Толықтауыш деп нені айтамыз?
Жылы лебіз сәті
Сабақ сәтті өтуі үшін бір-бірімізге жақсы тілектер айтайық:
Айтылған тілектер өте жақсы. Енді жаңа сабаққа көшеміз.
III. Ата-ана туралы мақал-мәтелдер
Ата-ана туралы мақал-мәтелдерді еске түсірейік. Қажет болса, мақалдардың жалғасын табыңдар.
- Әкеге қарап ұл өсер, шешеге қарап қыз өсер.
- Әдепті бала — арлы бала, әдепсіз бала — сорлы бала.
- Атаңа не қылсаң, алдыңа сол келер.
- Әке — балаға сыншы.
- Шешесін көріп қызын ал, аяғын көріп асын іш.
- Кәріге құрмет — балаға міндет.
IV. Сөздікпен жұмыс
Жаңа сөздер мен сөз тіркестері:
қамқорлық жасау
заботиться
салт
традиция
өмір береді
даёт жизнь
үлкенге
старшему
тәрбиелеп өсіреді
воспитывает
сыйламайтын
не уважающий
білім береді
даёт знания
сыйлай алмайды
не может уважать
сенім артады
доверяет
дүниеге келтіреді
приводит к жизни
қамқоршы болса
если позаботится
есейген бала
подросток
қартайғанда
когда состарится
қиын істің шешімі
решение задачи
ақылы
ум
көпті көрген тәжірибесі
многолетний опыт
көмегін тигізеді
помогает
V. Мәтінмен жұмыс
Ата-анаға қамқорлық
Ата-анаға қамқорлық жасау — қазақ халқының ежелден келе жатқан салты. Үлкенге қамқорлық жасау, ең алдымен, әке мен шешені сыйлаудан басталады. Өз отбасын, өз ата-анасын сыйламайтын ұл мен қыз басқа адамдарды да сыйлай алмайды.
Ата-ана баланы дүниеге әкеледі, өмір береді, тәрбиелейді, білім береді. Олар баласы ержетіп, отбасының қамқоршысы болады деп сенім артады. Есейген бала ата-анаға қамқоршы болса — азамат болғаны.
Ата мен ананың қартайғанда бойынан күш қайтады. Бірақ олардың ақылы мен көпті көрген тәжірибесі отбасына үлкен көмегін тигізеді. Әрбір қиын істің шешімін ең алдымен ата-ана табады. Сондықтан ата-анамен ақылдасып, олардың пікірін тыңдап отырған орынды.
Тапсырма 1
Мәтінді мәнерлеп оқып, орыс тіліне аударыңдар.
Тапсырма 2
Мәтінді кезекпен оқыңдар.
VI. Мәтін бойынша сұрақтар
- Ата-анаға қамқорлық жасау қандай салт?
- Үлкенге қамқорлық жасау неден басталады?
- Қандай ұл мен қыз басқа адамдарды да сыйлай алмайды?
- Ата-ана балаға нені береді?
- Ата-ана балаға қандай сенім артады?
VII. Қорытындылау және бағалау
Берілген сөйлемдердің қазақша баламасын мәтіннен табыңдар:
- Дочери и сыновья, которые не уважают свою семью, своих родителей, не будут уважать и других людей.
- В каждой трудной ситуации решение первым находят родители.
- Надо прислушиваться к родителям и слушать их мнение.
Жеке жұмыс
Жеке оқушыларға карточка бойынша тапсырмалар беріледі: сөйлемдерге синтаксистік талдау жасаңдар.
VIII. Үй тапсырмасы
- Жаңа сөздерді жаттау және 5 сөйлем құрастыру.
- Анықтауыш пен толықтауыштың ережелерін қайталау.
- Мәтіндегі құрмалас сөйлемдерге синтаксистік талдау жасау.