Тіл тағдыры - ұлт тағдыры

Тақырыбы: Ана тілі және Ата Заң

Мақсаты: Ұлттық мәдениетіміздің бір бөлігі – ана тілінің қадір – қасиетін түсіну, сүйіспеншілігін арттыру.
Оқушыларға ақындардың, шешендердің, халықтың нақыл сөздерін үйрету арқылы тіліміздің асылдарын меңгерту.
ҚР Конституциясы туралы білімдерін арттыру. Өз елінің, өз жерінің жетістіктеріне сүйсіне білуге, Конституцияны іске асыра білуге талаптандырып, өз құқығын қорғай білуге баулу.

Барысы:
1. Ұйымдастыру.
1 - жүргізуші: Тіл - ұлттық мәдениетіміздің бір бөлігі. Тіл – табиғаттың адамға берген сыйы. Тілсіз қоғам болмақ емес. Тіл тағдыры – ұлт тағдыры. Ұлтымыздың бүгіні мен ертеңі, болашағы ана тіліміздің даму деңгейіне байланысты. Ана тіліміз талай ауыр ғасырды басынан кешірген. Халқымыз тілін аттың жалында. түйенің қомында жүргенде де жоғалтпады.
2 - жүргізуші:
Біздің тіліміз кешегі өткен дана Абайдың, шындықтың дәл өзіндей Бауыржанның, сөз зергері Ғабит Мүсіреповтың тілі екенін мақтаныш сезіммен айта аламыз.

1 - жүргізуші: Тіл – халықтың тұтастай кескін келбеті, болмысы. Тіл әрбір адамға ана сүтімен бірге еніп қалыптасады. Тіл байлығы - әрбір елдің ұлттық мақтанышы. Демек әрбір адам ана тілін көзінің қарашығындай қорғауға, орынсыз шұбарлануының қандайына болса да қарсы тұруға тиісті.
2 - жүргізуші:
Ана тілін жақсы білмейінше, сауатты сөйлеп, сауатты жазып, тіл байлығын мол қолданбайынша шын мәніндегі мәдениетті адам бола алмайсың. Ана тілін жетік білу үшін жас кезіңнен халық ауыз әдебиетін, ертегілерді, өлең - жыр, мақал – мәтелдерді естіп, тыңдап, көп оқу керек.

ШҚО, Үржар ауданы, Благодарное орта мектебі
қазақ тілі мен әдебиеті пәні мұғалімі
Жарқынбаева Меруерт Бейсенбекқызы