Жаңа сөздерді меңгерту

Автор және сабақ туралы мәлімет

Өңір: Маңғыстау облысы
Қала: Жаңаөзен
Мектеп: Қашаған Күржіманұлы атындағы №8 орта мектеп
Мұғалім: Жүзбаева Баян (бастауыш сынып мұғалімі)
Сабақ тақырыбы: «И» дыбысы мен әрпі
Оқыту әдістері: Көрсету, түсіндіру, сұрақ-жауап

Көрнекіліктер: кеспе суреттер Оқулықпен жұмыс Ойын элементтері

Сабақтың мақсаттары

Білімдік

Оқушыларды «И» дыбысы мен әрпімен таныстыру.
«И» дыбысы кездесетін сөздерге дыбыстық және буындық талдау жасату.
«И» дыбысын сөз ішінен бөліп алып, жеке дыбыстату арқылы оның дауысты дыбыс екенін меңгерту.
«И» әрпінің баспа және жазба түрін (бас әріп, кіші әріп) таныту, мәтінмен жұмыс жасату.

Дамытушылық

Ой-өрісті кеңейту, сөздік қорды байыту.
Мәтін мазмұнын жүйелі айтып беруге дағдыландыру.
Жаңа сөздерді меңгерту.

Тәрбиелік

Еңбексүйгіштікке, ұқыптылыққа, тазалыққа тәрбиелеу.
Жеті қазына туралы мағлұмат беріп, халықтық педагогика негізінде тәрбие беру.

Сабақтың құрылымы мен барысы

I. Ұйымдастыру кезеңі

Психологиялық дайындық және оқушылардың сабаққа назарын шоғырландыру.

Психологиялық дайындық (өлең)

1 дегенім — жаман баға,

Алады оны жаман бала.

2 деген — нашар баға,

Інішегім нашарлама.

3 дегенім — орта баға,

Сапасы оның орта ғана.

4 дегенім — жақсы баға,

Алады оны жақсы бала.

5 дегенім — үздік баға,

Оқимыз тек үздік қана.

Мұғалім әрекеті

Оқушыларды түгендеу.
Сыныптың көңіл күйін бақылап, сабаққа жұмылдыру.
Сабақтың жұмыс ырғағын орнату.

II. Өткен сабақты пысықтау

Негізгі ұғымдарды еске түсіру және оқушылардың бастапқы білімін анықтау.

Сұрақ-жауап

Дыбыс дегеніміз не?
Дыбыстар қандай топтарға бөлінеді?
Әріп дегеніміз не?

Белсендіру тапсырмасы

«Әліппе» өлеңін айту

Оқушылардың тілдік белсенділігін арттыруға бағытталады.

Ойын: «Әріптер әлемі»

Мақсаты: берілген әріптерге сөздер айту.

І Е Ә К т.б.

III. Мақсат қою

Сабақтың тақырыбы мен мақсаттарын хабарлау, оқушыларды жаңа материалға бағыттау.

Бүгінгі сабақта «И» дыбысы мен әрпін меңгереміз: дыбысты дұрыс айту, сөзден табу, буынға бөлу және дыбыстық талдау жасау.

IV. Жаңа сабақ

Жұмбақ арқылы қызығушылық оятып, «И» дыбысының ерекшелігін анықтау.

Жұмбақтар

Адамға серік, күзетке берік.

Жауабы: ит

Тікұшақтан аумайды, маса, шыбын аулайды.

Жауабы: инелік

Негізгі қорытынды

Екі сөз де қай дыбыстан басталады? — «И» дыбысынан.

«И» дыбысын бәріміз хормен айтамыз және оның дауысты дыбыс екенін анықтаймыз.

Дыбысты белгілеуде қолданылатын шартты таңбаны (дөңгелекше) еске түсіреміз.

Оқулықпен жұмыс

Сурет бойынша жұмыс

Суретке байланысты сөйлем құрау.
Мәтінге тақырып қою: «Ит пен инелік».
Оқиға қай мезгілде болуы мүмкін екенін анықтау.

Буынға бөлу және талдау

Сөз

Инелік

Буынға бөлу

И – не – лік

Неше буын бар?
«И» дыбысы сөздің қай буынында тұр?

Сөздікпен жұмыс: оқу, талдау, мағынасын ашу

ит ине иек киік тиын тиек кит инелік шие киім тиін жиек

Мағыналары

Ит: Үй жануары.
Кит: Ең ірі сүтқоректі жануар.
Ине: Тігін тігуге арналған құрал.
Инелік: Жәндік.
Шие: Жеміс.
Киік: Түз тағысы, жануар.

Мағыналары (жалғасы)

Тиын: Ұсақ ақша.
Тиін: Орманда тіршілік ететін жануар.
Тиек: Ішекті саз аспабының құрамдас бөлігі.
Иек: Адамның бет мүшесі (төменгі жақтың алдыңғы бөлігі).
Киім: Киілетін заттар жиынтығы.
Жиек: Шет, қыр, айнала шеті.

Негізгі түйін

Бұл сабақта оқушылар «И» дыбысын дұрыс дыбыстап, оның дауысты дыбыс екенін анықтайды. Сонымен бірге сөздерді буынға бөліп, дыбыстық талдау жасап, жаңа сөздердің мағынасын меңгереді.