Қазақша рефераттар

Қала көшесімен келе жатқанда абай бол

Павлодар облысы, Екібастұз қаласы №26 мектеп-гимназиясының бастауыш сынып мұғалімі — Батаева Үміткен Еркінқызы. Тәрбие сағаты: 2-сынып.

Тақырыбы: «Жолда жүру ережесін білесің бе?»

Мақсаты

  • Жолда жүру ережесінің адам өміріндегі маңызы мен пайдасын түсіндіру.
  • Оқушыларды жауапкершілікке, сергектікке тәрбиелеу.
  • Жол ережесін бұлжытпай орындауға және жол белгілерін есте сақтауға дағдыландыру.

Көрнекілігі

  • Интербелсенді тақта
  • Бағдаршамның суреті
  • Әр түрлі жазылған сөздер (карточкалар)

Сабақ барысы

1) Ұйымдастыру кезеңі

Оқушыларға жұмбақ ұсынылады:

Көзін ашып, жұмады,
Бағыт сілтеп тұрады.

Жауабы табылғаннан кейін бағдаршам туралы өлеңдер оқылады.

Бағдаршам — қамқорыңдай жанашыр,
Деп тұрғандай: «Адамдарға жол ашық!»
Кезек ашып, жұмғанында үш көзің,
Қалт жібермей орында дәл — тос өзің.
Қызыл көзі жанғанда — тоқта,
Сары көзі жанғанда — сақ, абай бол барынша.
Жасыл жарық — жол ашық,
Жүруге болады, алға басып.
Негізгі ой: бағдаршам — тәртіп пен қауіпсіздіктің белгісі.

Топпен жұмыс: сұрақ-жауап

Әр топқа сұрақтар беріледі. Мақсат — дұрыс әрі нақты жауап беру, түсіндіру және мысал келтіру.

1-сұрақ: Бағдаршам дегеніміз не? Оның адам өмірі үшін қандай пайдасы бар?

Ашып оқу үшін басыңыз.

▾
Бағдаршам — механикаландырылған немесе автоматтандырылған жүйеге қосылған үш түсті сигналдық құрылғы. Ол жол қозғалысын реттеп, апаттың алдын алуға көмектеседі. Бағдаршамның мағынасын білу және талаптарын орындау — әрқайсымыздың міндетіміз.

2-сұрақ: Қозғалыс бағдаршамнан басқа қандай белгілермен реттеледі?

Ашып оқу үшін басыңыз.

▾
Қозғалыс арнайы бағанаға орнатылған жаяу жүргіншіге арналған жарық белгілерімен де реттеледі (жасыл/қызыл түсті «жүріңіз» және «тоқтаңыз» сигналдары, адам бейнесі бар көрсеткіштер).

3-сұрақ: Жаяу жүргінші қай жолмен жүруі керек?

Ашып оқу үшін басыңыз.

▾
Тротуармен немесе жол жиегімен жүру керек.

4-сұрақ: Тротуар (жол жиегі) болмаған жағдайда не істейміз?

Ашып оқу үшін басыңыз.

▾
Жолды арнайы жаяу жүргінші өткелдері арқылы, қажет болса жерасты өткелімен өтеміз.

5-сұрақ: Жолдың қай жағымен жүру керек?

Ашып оқу үшін басыңыз.

▾
Тротуарда — өз бағытыңызға сәйкес тәртіппен жүресіз. Ал жол жиегімен жүруге мәжбүр болсаңыз, қауіпсіздік үшін көліктерді көріп отыру мақсатында қозғалысқа қарсы бетпен жүрген дұрыс.

6-сұрақ: Қоғамдық көлікке қай жерден отырамыз?

Ашып оқу үшін басыңыз.

▾
Қоғамдық көлікке тек аялдамадан отырамыз.

Қозғалыс ойыны: «Бағдаршам»

Барлық оқушы еркін қимылдап (билеп) жүреді:

  • Қызыл жанғанда

    Қозғалысты тоқтатады.

  • Жасыл жанғанда

    Қимылдап жүреді.

  • Сары жанғанда

    Бір аяғын көтеріп, дайын тұрады.

Шартты бұзған оқушы ойыннан шығады.

Ән: «Біз жолаушы баламыз»

1-шумақ

Сапар шексек, сіз бен біз,
Сан көлікке мінеміз.
Троллейбус, трамвай,
Автобуспен жүреміз.

2-шумақ

Көліктерге мінеміз,
Күнде тынбай жүреміз.
Жол жүрудің тәртібін,
Ережесін білеміз.

Қорытынды: қауіпсіздік ережелерін еске түсіру

  1. Көшеге шыққанда айналаңдағы адамдарға кедергі келтірмеу үшін алдымен сол жағыңа, содан кейін оң жағыңа қара.
  2. Мектепке барар жолда қауіпсіз әрі ыңғайлы бағытты таңда: көшені аз кесіп өтетін, жарық әрі таныс жолмен жүрген дұрыс.
  3. Қала көшесінде әрдайым абай бол: асықпа, тек тротуармен немесе жол жиегімен жүр.
  4. Тар тротуарда қарсы келе жатқан үлкен кісіге жол бер.
  5. Қақпадан немесе ауладан шығып келе жатқан көлікті көрсең, тоқтап, өтуіне мүмкіндік бер.

Қай көше, қалаға қарай барсаңыз да,
Қай ақыл өлшеміне салсаңыз да,
Жолда жүру ережесі — заңды тәртіп,
Ол ортақ: үлкен-кіші баршамызға.

Осымен «Жолда жүру ережесін білесің бе?» атты тәрбие сағатымыз аяқталды. Баршаңызға аман-есен жүріп-тұруды тілейміз.