Қазақша рефераттар

Қарапайым мәтіндік редактор

Сабақ туралы қысқаша мәлімет

Тақырып

Қарапайым мәтіндік редактор. Редактор интерфейсі

Сабақтың түрі

Аралас сабақ

Көрнекі құралдар

  • Компьютер
  • Оқулық, жұмыс дәптері
  • Интерактивті тақта
  • Планшет, флипчарт

Сабақтың мақсаттары

Білімділік

Өткен тақырыпты еске түсіру; құжаттың құрылымы, стильі, баспа бетінің параметрлері және WordPad редакторының терезесі туралы түсінік қалыптастыру. Мәтінмен жұмыс істеу дағдыларын дамыту; құжатты құру, ашу және сақтау әрекеттерін меңгерту.

Тәрбиелік

Ұқыптылыққа, тиянақтылыққа және жауапкершілікке баулу.

Дамытушылық

Ойлау қабілетін, логикалық және абстрактілі ойлауды дамыту.

Бағалау ережесі

Әр дұрыс жауапқа және орындалған тапсырмаға 1 смайлик беріледі.

Сабақтың өту барысы

  1. 1

    Оқушыларды ұйымдастыру

    1 минут

  2. 2

    Өткен тақырыпты еске түсіру

    5 минут

  3. 3

    Үй тапсырмасын тексеру

    5 минут

  4. 4

    Жаңа тақырыпты түсіндіру

    10 минут

  5. 5

    Тапсырмаларды орындау

    10 минут

  6. 6

    Сергіту сәті

    2 минут

  1. 7

    Ауызша тапсырма

    2 минут

  2. 8

    Полиглот

    5 минут

  3. 9

    Сабақты бекіту

    3 минут

  4. 10

    Бағалау

    1 минут

  5. 11

    Үй тапсырмасын беру

    1 минут

I. Өткен тақырыпты еске түсіру: Paint редакторы

Өткен тоқсанда соңғы тарауымыз Paint графикалық редакторы болды. Еске түсіру үшін экранда берілген суретті интерактивті тақтада саламыз. Ол үшін кеспе қағаздардағы тапсырмаларды ретімен орындаймыз.

Кеспе қағаз тапсырмалары

  1. 1 Paint редакторын ашыңыз.
  2. 2 Үлкен тіктөртбұрыш салыңыз, қоңыр түске бояңыз.
  3. 3 Түзу сызық арқылы шатырын салыңыз. Көк түске бояңыз.
  4. 4 Терезе өлшеміндей тіктөртбұрыш салып, түзу сызықпен ішкі сызықтарын жүргізіңіз.
  5. 5 Көшірмелеу арқылы екі терезе жасаңыз.
  6. 6 Терезелерді сары түске бояңыз. Есіктің суретін салып, бояңыз.
  7. 7 Үйдің төбесіне мұржа салыңыз. Бүріккіш құралымен түтін жасаңыз.
  8. 8 Шеңбер арқылы күн салып, түзу сызықпен сәулелерін көрсетіңіз.
  9. 9 Суретке «Мой дом» мәтінін енгізіп, дәл осылай сақтаңыз.

Жұмыс форматы

Барлығы 9 кеспе қағазы беріледі. Оқушылар тапсырмаларды жылдам әрі дұрыс орындап, интерактивті тақтада суретті құрастырады.

Еске салу

Тапсырмалар ретімен орындалғанда нәтиже біртұтас сурет ретінде шығады.

II. Үй тапсырмасын тексеру

«Сәйкестікті тап»

Берілген құралдар мен олардың атауларын сәйкестендіріңіз.

III. Жаңа түсініктер: мәтіндік процессор және WordPad

Мәтіндік процессор деген не?

Мәтіндік процессор — тек мәтінді енгізу және түзету ғана емес, сонымен қатар оны пішімдеу құралдары бар бағдарламалар класы. Пішімдеу көбіне қағазға және экранға шығаруды басқаратын көрінбейтін кодтар арқылы іске асады.

WordPad мүмкіндіктері

WordPad — мәтінді пішімдеудің минималды мүмкіндіктері бар қарапайым мәтіндік процессор. Ол қарапайым құжаттарды дайындауға және мәтіндік файлдарды бір пішімнен екінші пішімге түрлендіруге қолданылады.

Неліктен компьютер құжат дайындауда тиімді?

  • Мәтінді түзету, үзінділерді қосу, жаңа жол енгізу, бірнеше құжатты біріктіру және шекараларды тегістеу мүмкін.
  • Мәтінді орталау, құжатты сақтау және қажетті мөлшерде басып шығару оңай.
  • Әртүрлі қаріптерді, тілдер әліпбиін және графикалық символдарды қолдануға болады.
  • Мәтін арасына кесте, сурет, график енгізіп, мәтінді әртүрлі пішінде (мысалы, көлеңкелеу, көлем беру) орналастыруға болады.
  • Қағаздағы мәтінді сканер арқылы өткізіп, тану бағдарламасымен мәтіндік форматқа айналдыруға болады.
  • Стандартты құжаттар үшін дайын үлгілерді пайдалануға болады; мәтіндерді дискіге ықшамдап жазуға мүмкіндік бар.

WordPad-та жұмыс істеу

WordPad қарапайым мәтіндік құжаттарды жасауға мүмкіндік береді: мәтін мен абзацты пішімдеу, шегініс орнату, шекараларды жылжыту, әртүрлі қаріп қолдану. Сондай-ақ графикалық кескіндерді, дыбыс үзінділерін және бейнеклиптерді кірістіруге болады.

Көрсетілім

Тақырыпты түсіндіру кезінде бейнеролик көрсетіледі.

WordPad бағдарламасын іске қосу

Қадамдар

Пуск → Программы → Стандартные → WordPad

(Жіберу → Бағдарламалар → Стандартты → WordPad)

Терезе элементтері

  • Тақырып жолағы
  • Мәзір жолағы
  • Құрал-саймандар тақтасы
  • Пішімдеу тақтасы
  • Сызғыш
  • Жұмыс аймағы (мәтін енгізілетін бөлік)

Батырмалардың қызметін білу үшін маус нұсқағышын батырманың үстіне апарыңыз: аз уақыттан соң оның атауы көрсетіледі.

IV. Компьютерде орындалатын тапсырма

1-тапсырма

Мәтінді теріңіз. Қаріп өлшемі — 20. Туралау — орта бойынша.

Тазалық — саулық негізі, саулық — байлық негізі.

V. Сергіту сәті

Қысқа сергіту жаттығулары орындалады.

VI. Ауызша тапсырма: қателерді анықтау

Бір оқушы компьютерде қалай жұмыс істегені туралы мәтін жазыпты. Мәтінді оқып, неше қате жіберілгенін анықтаңыз.

Мәтін

Мен компьютермен жұмыс істегенде міндетті түрде монитор мен сканерді іске қосамын. Тышқанмен әріптерді теріп, сурет салу керек болса, сканерді пайдаланамын. Компьютерге дайын мәтінді қолдан енгізбеу үшін джойстикті қолданамын. Ал мәтінді басып шығару үшін терезелерге қағаз саламын. Принтер арқылы әндерді тыңдап, колонкаға құжаттарымды сақтаймын.

Жауабы

7 қате

VII. Полиглот

Терминдермен жұмыс: негізгі сөздерді бірнеше тілде айтуға арналған бөлім.

VIII. Сабақты бекіту

Тапсырма

«Терезе қатарларын құрастыр» тапсырмасы орындалады.

IX. Бағалау

Жинаған смайликтер санына қарай бағалау жүргізіледі.

X. Үй тапсырмасы

Қарапайым мәтіндік редактор. Редактор интерфейсі.