Қазақша рефераттар

Әңгіме мазмұнын оқып, көрініс қою

Мектеп / Мұғалім туралы мәлімет

Қызылорда облысы, Қазалы ауданы, Қазалы ауылы, №100 орта мектебінің бастауыш сынып мұғалімі Асанхан Эльмира Сәндібекқызы.

Сабақ тақырыбы

Қамқорлық

Авторы: Б. Соқпақбаев

Сабақ форматы

  • Сабақ типі: жаңа сабақты меңгерту
  • Әдістері: түсіндіру, баяндау, Венн диаграммасы, сұрақ-жауап

Сабақтың мақсаты

1) Білімдік

Жазушының өмірін еске түсіре отырып, мағлұмат беру; мәтіннің негізгі идеясын ашу; оқушының оқу дағдысын қалыптастыру.

2) Дамытушылық

Оқушының ойлау қабілеті мен есте сақтауын, өз бетінше жұмыс істеу дағдыларын дамыту.

3) Тәрбиелік

Ізденімпаздыққа, тапқырлыққа, табиғатты қорғап, аялауға баулу.

Сабақтың құрал-жабдықтары

Негізгі ресурстар

  • Суреттер
  • Оқулық
  • Тапсырма орындауға арналған материалдар

Жұмыс орталықтары

  • Оқу және жазу орталығы
  • Драма орталығы

Сабақ барысы

1-кезең

Ұйымдастыру

Оқушылардың сабаққа қажетті құрал-жабдықтарын дайындап, зейіндерін сабаққа аудару.

Психологиялық дайындық

Біз бақытты баламыз,

Ойнап, күліп аламыз.

Жетілсін деп санамыз,

Оқып білім аламыз.

2-кезең

Үй тапсырмасын тексеру

Берілген тапсырма

«Көжек» ертегісінің мазмұнын айту және сұрақтарға жауап беру.

Өткізу тәсілі

  • Тақтаға 5 оқушы шығарып, ертегі мазмұнын сұрау.
  • Оқушылардың бір-біріне сұрақ қоюын ұйымдастыру.
  • Туған жер туралы мақал-мәтел айтқызу.
  • Бағалау және қысқаша қорытынды жасау.

3-кезең

Жаңа сабақ

1) «Пікірлер ағашы» арқылы автор туралы білімді белсендіру

Оқушылардан Бердібек Соқпақбаев туралы не білетінін сұрау.

  • 1. Ол кім?
  • 2. Қайда туған?
  • 3. Қай жылдары өмір сүрген?
  • 4. Қандай шығармаларын білесің?
  • 5. Қандай қызмет атқарған?

2) «Жақсыдан үйрен» бөлімі бойынша қысқаша қайталау

  • Үлкенді сыйлау
  • Адал достық
  • Әдептілік
  • Мақтаншақ болмау
  • Қамқорлық және басқа да құндылықтар

3) Сабақ тақырыбын таныстыру

Бүгінгі тақырып: «Қамқорлық» (Б. Соқпақбаев). Мазмұнын меңгерту үшін оқушылар жұмыс орталықтарына бөлінеді.

1-топ: Оқу және жазу орталығы

  1. Әңгімені оқып, түсінгенін айту.
  2. Жантас пен Қожаға Венн диаграммасы арқылы мінездеме беру.

2-топ: Драма орталығы

  1. Әңгімені оқып, мазмұны бойынша көрініс қою.

4) Орталықтардың жұмысын тыңдау

Әр топ өз жұмысының нәтижесін ұсынады, қалған оқушылар кері байланыс береді.

5) Мұғалім түсіндірмесі және суретпен жұмыс

  • Негізгі ойды нақтылау.
  • Суреттер арқылы оқиға мазмұнын тереңдету.

6) Дәптермен жұмыс

Ойтолғау: «Қожаның орнында сен болсаң, не істер едің?»

7) Қорытындылау (Венн диаграммасы арқылы салыстыру)

Салыстырылатын авторлар

  • Ж. Аймауытов Әңгіме
  • Б. Соқпақбаев Әңгіме

Бағыттаушы сұрақтар

  1. Ж. Аймауытовтың әңгімесінің атауы қандай?
  2. Б. Соқпақбаевтың әңгімесінің атауы қандай?
  3. Жүсіпбектің торғайы неден қорықты?
  4. Бердібектің торғайы неден қорықты?
  5. Жүсіпбектің торғайына ара түскен кім?
  6. Бердібектің торғайына ара түскен кім?

8) Бағалау

Сабаққа белсенді қатысқан оқушыларды мадақтау және бағалау.

9) Үй тапсырмасы

«Қамқорлық» тақырыбы бойынша эссе жазу.