Оқушылар Сәкен Сейфуллин кім
Сабақ туралы қысқаша мәлімет
Пәні
Әдебиеттік оқу (3-сынып)
Сабақ түрі
Жаңа сабақ
Тақырыбы
М. Сейфуллин — «Сәкен аға»
Мақсаты
Мәтінді мәнерлеп оқыту арқылы оқушыларды көркем шығарманың мазмұнын түсінуге жетелеу, негізгі ойды анықтап, кейіпкер әрекеттеріне баға беруге үйрету.
Оқу нәтижелері
- Білімділік: ұлы тұлғаның өмірі туралы мағлұмат беру; мәтінді түсініп оқып, мазмұндап айтуға үйрету.
- Дамытушылық: өз бетінше оқу, пайымдау, талдау, ой қорыту арқылы шығармашылық қабілетін дамыту.
- Тәрбиелік: патриоттық тәрбие беру; ізгілікті, елжанды тұлға қалыптастыру.
Әдіс-тәсілдер
Көрнекіліктер
- Бейнетаспа
- Суреттер
Негізгі екпін
Сабақта оқушылар мәтінді бөліктерге бөліп оқиды, түсініксіз сөздермен жұмыс жасайды, кейіпкерлерді сипаттайды және мақал-мәтелдің мағынасын ашады.
Кілт идея
Қамқорлық, ұқыптылық, бауырмалдық — мәтіндегі басты құндылықтар.
Сабақ барысы
1) Ұйымдастыру кезеңі
- Амандасу.
- Оқушыларды сабаққа даярлау.
2) Үй тапсырмасын тексеру
Тақырып: «Абай кім?» Мәтін мазмұны бойынша сұрақтар арқылы қайталау.
- Абайдың үйін неге осылай етіп тіккен деп ойлайсыңдар?
- Оны әсемдеп тігуді мойнына алған кім?
- Келген қонақтар кімдер?
- Киіз үйдің жабдықтарын атаңдар.
- Олар неге сүйсінді?
- Әуез қарт неге үнсіз қалып қойды? Ол қандай сөздер айтты?
Топқа бөлу
- 1-топ: әңгімелеу.
- 2-топ: сипаттау (киіз үй).
- 3-топ: киіз үй жабдықтарын атау.
3) Жаңа сабаққа кіріспе
Бүгінгі сабақта М. Сейфуллиннің «Сәкен аға» мәтінімен танысамыз.
Қызығушылықты ояту
Сұрақтар арқылы тақырыпқа бағыттау, мәтін мазмұнын болжау.
4) Сәкеннің өмірбаянымен таныстыру
- Бейнетаспадан Сәкен Сейфуллиннің өмір жолын көрсету.
- Сәкен Сейфуллин — Қарағанды облысы, Жаңарқа ауданына қарасты Иманақ тауының етегінде дүниеге келген.
- Жазушы, ақын, қоғам қайраткері.
- Шығармалары: «Тар жол, тайғақ кешу», «Қызыл шұнақ», «Туған ел» және т.б.
- Мәжит Сейфуллин — Сәкеннің немере інісі.
5) Мәтінмен жұмыс
- Мәтінді мұғалім ауызша түсіндіріп өтеді.
- Оқушылар түсініксіз сөздерді белгілейді.
- Оқу түрлері: іштей оқу, тізбектей оқу.
- Мәтінді бөліктерге бөліп, әр бөлімге тақырып қою.
Мәтін бөлімдері (ұсыныс)
- 1Сәкеннің күзеуге келуі.
- 2Іңкәрбектің реніші.
- 3Сәкен мен Омар бай арасындағы әңгіме.
- 4Қолғанат Сәкен.
6) Сөздік жұмысы
Иманақ
Жаңарқа ауданындағы таудың атауы.
Күзеу
Күзде көшіп-қоныстанатын орын.
Жатақ ауыл
Қыстауды күзетіп қалатын ауыл.
Дәптермен жұмыс
- Бүгінгі күнді жазу.
- Түсініксіз сөздерді жазып, мағынасын анықтау.
7) Сергіту сәті
Сәкен Сейфуллиннің «Тау ішінде» әнін тыңдау.
8) Оқулықпен жұмыс (сұрақ-жауап)
- Мәтіннен жыл мезгілі туралы жолдарды тауып оқыңдар.
- Мәтіндегі мәтелді тауып, оның Іңкәрбектің тұрмысына қатысты екенін түсіндіріңдер.
- Сәкеннің ұқыптылығы туралы айтылған тұсты тауып оқыңдар.
- Сәкеннің анасының сөздерін тауып оқыңдар.
- Мәтіндегі кейіпкерлерді атаңдар (Сәкен, Іңкәрбек, Омар бай).
- Мәтіннен мақал-мәтелді тауып оқыңдар.
9) Мақал-мәтел талдауы
Мақал
«Кісідегінің кілті — аспанда»
Оқушылар мақалдың мағынасын ашып, мәтіндегі жағдаймен байланыстырып түсіндіреді.
10) Кейіпкерге мінездеме
Әңгімеге сүйене отырып, бала Сәкенге мінездеме беру.
11) Сурет бойынша жұмыс
- Сурет мәтіндегі қай оқиғаға сәйкес келеді?
- Суретке сүйеніп әңгіме құрастыру.
- Құрастырған әңгімелерін оқыту.
12) Қорытындылау
Сұрақтар
- Сәкеннің бойынан қандай қасиеттерді байқадыңдар?
- Сәкен үй шаруасына қандай көмек көрсетті?
- Өздерің үйде қандай көмектеріңді көрсетесіңдер?
- Қолғабыс тигізу дегенді қалай түсінесіңдер?
Тәрбиелік түйін
Сәкен Сейфуллин — халқына жанашыр, елдің ертеңіне алаңдаған ұлы тұлға. Оқушыларды еңбексүйгіштікке, жауапкершілікке, отансүйгіштікке баулу — сабақтың басты өзегі.
13) Үй тапсырмасы
- Әңгімені оқып, мазмұнын айту.
- Сәкен туралы қосымша деректер жинау.
14) Бағалау
Оқушылардың мәтінді түсініп оқуы, сұрақтарға жауап беруі, топтық жұмысқа қатысуы, сөздік жұмысы және шығармашылық тапсырмаларды орындауы бойынша бағаланады.
Бағалау өлшемдері
- Мазмұндау және дәлелдеу
- Белсенділік, ынтымақтастық
Күтілетін нәтиже
- Мәтінді бөліп оқу, тақырып қою
- Кейіпкерге мінездеме беру