Қазақша рефераттар

Үйде аяққа күш түсіретін отырып тұру жаттығуларын орындау

Сабақтың мақсаты

Негізгі мақсат

Акробатикалық жаттығуларды орындауды жетілдіру, оқушылардың ептілігін дамыту, денсаулығын нығайту және салауатты өмір салтын насихаттау.

Білімділік

Өмірлік маңызы бар дағдыларды қалыптастыру, ой-сананы шынықтыру және жаттығуларды дұрыс үйлестіре орындауға үйрету.

Әдісі

Түсіндірме және практикалық жұмыс.

Қажетті құрал-жабдықтар

  • Гимнастикалық матрас
  • Секіртпе
  • Ысқырық

Ұйымдастыру және саптық жаттығулар

Сапта жүру нұсқаулары

  • Бағыттаушының соңынан оң иық алда залды айналып, алға жүр!
  • Екі қол жоғарыда, алақандар бір-біріне қарасын; аяқтың ұшымен жүр.
  • Екі қол желкеде, өкшемен жүр.

Ескерту:

Жүруді сол аяқтан бастаңыз. Денені жоғары және сәл кері созып, тік ұстаңыз.

Саптық командалар

Класс оңға бұрыл!
Алға қадам бас! (Арақашықтық — аяқ ұшы, кеуде мен бас көтеріңкі.)
Бағыттаушы сол аяқпен бір орында адымдап бас: 1 — сол, 2 — оң, 3 — сол.
Класс солға бұрыл! Сап түзе! Түзел! Тік тұр! Еркін тұр!

Дене қыздыру

Жүгіру элементтері

  • Екі қол бүйірде, оң қапталмен жүгір (бірқалыпты).
  • Екі қол бүйірде, сол қапталмен жүгір (бірқалыпты).
  • Екі қол жоғарыда: иықпен қоса ішке айналдыра отырып, оң қапталмен жүгір (бірқалыпты).
  • Екі қол жоғарыда: иықпен қоса сыртқа айналдыра отырып, сол қапталмен жүгір (бірқалыпты).
  • Екі қолды алға созып, тізені 90° көтеріп тигізе жүгір (бірқалыпты).

Тыныс алу және жалпы дамыту жаттығулары

Сынып саппен шеңберге тұрады. Команда: «Сынып солға бұрыл!»

  1. 1) Бас айналдыру

    Бастапқы қалып: қол белде, аяқ арасы иық деңгейінде. Басты оңға 2 рет, солға 2 рет айналдыр.

    Ескерту: жаттығуды басты оңға айналдырудан бастаңыз.

  2. 2) Иық айналдыру

    Бастапқы қалып: қол иықта, аяқ арасы иық деңгейінде. 1–2: қолды ішке айналдыр. 3–4: қолды сыртқа айналдыр.

    Ескерту: жаттығуды қолды алға айналдырудан бастаңыз.

  3. 3) Артқа созылып шалқаю

    Аяқ арасы иық деңгейінде. 1: екі қол жоғарыда, оң аяқты артқа созып шалқаю. 2: бастапқы қалып. 3: екі қол жоғарыда, сол аяқты артқа созып шалқаю.

    Ескерту: жаттығуды оң аяқтан бастаңыз.

  4. 4) Шалқаю – алға иілу – отырып-тұру

    Бастапқы қалып: аяқ арасы иық деңгейінде. 1: екі қол жоғарыда шалқаю. 2: алға иілу, қол аяқ ұшына. 3: отыру. 4: тұру, бастапқы қалып.

  5. 5) Дене бұру

    Бастапқы қалып: оң қол белде, сол қол жоғарыда, аяқ арасы иық деңгейінен алшақ. 1–2: кеудені оңға бұру. 3–4: кеудені солға бұру.

    Ескерту: қолды ауыстыруға және денені дұрыс бұруға назар аударыңыз. Оң жақтан бастаңыз.

  6. 6) Қолды аяқ ұшына жеткізу

    Бастапқы қалып: қол белде, аяқ арасы иық деңгейінен алшақ. 1: қолды оң аяқтың ұшына. 2: ортаға. 3: қолды сол аяқтың ұшына тигізу.

    Ескерту: тізені бүкпеңіз.

  7. 7) Отырып тұру (оң/сол аяққа)

    Бастапқы қалып: қол белде, аяқ иық деңгейінен алшақ. 1: қолды алға созып, оң аяққа отыру. 2: бастапқы қалып. 3: қолды алға созып, сол аяққа отыру. 4: бастапқы қалып.

    Ескерту: кеуде тік болсын, аяқ толық бүгілмесін. Оң аяқтан бастаңыз.

  8. 8) Секіру және айналу

    Бастапқы қалып: аяқ арасы иық деңгейінде. Оң аяқпен секіру (1–4), сол аяқпен секіру (1–4), қос аяқпен секіру (1–3). 4: оң қапталға қос аяқпен 360° айналып, орнына келу. Кейін сол қапталға қос аяқпен секіріп, 360° айналып келу.

Жаттығу аяқталды

Команда: «Класс оңға бұрыл! Алға қадам бас!»

Негізгі бөлім: акробатикалық жаттығулар

Бүгінгі сабақ акробатикалық жаттығуларға арналады. Негізгі жұмыс төсеніште орындалады: алға домалау, жауырынға тұру, көпірше, қарлығаш (тепе-теңдік). Сонымен қатар кіші ағаш аттан секіру элементтері қарастырылады.

Төсеніште алға домалау

Негізгі мақсат — қозғалысты қауіпсіз орындап, домалауды бірізді және жұмсақ аяқтау.

Жауырынға тұру

Дене түзу, тірек нүктелері дұрыс таңдалып, тепе-теңдік сақталады.

Көпірше

Иық, арқа және бел икемділігіне назар аударып, қозғалысты бақылаумен орындау маңызды.

Кіші ағаш аттан секіру

Жүгіріп келу, серпілу және қону фазалары үйлесімді орындалады.

«Қарлығаш» (тепе-теңдік) жасау әдісі

Бұл жаттығуда тепе-теңдікті сақтай отырып, «қарлығаш» қалпын орындаймыз. Жаттығу 4 кезеңнен тұрады:

  1. 1 Бастапқы қалыпта тұру.
  2. 2 Қолды жанға созып, көзді тура алға бағыттау.
  3. 3 Бір аяқты көтеріп (оң немесе сол), денені алға еңкейту; аяқ алға немесе артқа бағытталуы мүмкін.
  4. 4 Тепе-теңдікті сақтап, іштей 5 секунд санап тұру.

Қорытынды: бағалау және үй тапсырмасы

Бағалау

Оқушылардың қауіпсіздік ережесін сақтауы, техниканы дұрыс орындауы және тәртіптілігі ескеріледі.

Үй тапсырмасы

Үйде аяққа күш түсіретін отырып-тұру жаттығуларын орындау.

Сабақты аяқтау

Сабақ аяқталды. Сау болыңыздар! Команда: «Сынып оңға бұрыл! Бағыттаушының соңынан оң иық алда алға адымдап қадам бас!»

Оқушыларды ұйымдасқан түрде (қыздар бөлмесіне) бағыттап шығару.