БІЛІМ БЕРУ ҮРДІСІНЕ ЖАҢА ТЕХНОЛОГИЯЛАРДЫ ПАЙДАЛАНУ

Қазақстан Республикасының «Білім туралы» Заңында білім беру жүйесінің басты міндеті ретінде ұлттық және жалпыадамзаттық құндылықтар, ғылым мен практиканың жетістіктері негізінде жеке тұлғаны қалыптастыру және кәсіби тұрғыдан шыңдауға бағытталған білім алу үшін қажетті жағдайлар жасау атап көрсетілген. Сонымен қатар, білім беру жүйесін одан әрі дамытудың маңызды бағыттары ретінде оқытудың жаңа технологияларын енгізу, білім беруді ақпараттандыру және халықаралық ғаламдық коммуникациялық желілерге шығу айқындалады.

Бұл міндеттерді тиімді шешу үшін әрбір білім беру ұйымының ұжымы және әрбір мұғалім күнделікті ізденіс жасап, жаңалықтарға ашық болуы қажет. Оқу тәжірибесін жаңғыртып, өзгерістерге батыл қадам жасау үшін жаңа практикаға және жаңа педагогикалық қарым-қатынас мәдениетіне көшу қажеттілігі туындайды.

Осыны ескере отырып, жаһандану дәуірінде сабақ үдерісінде инновациялық технологияларды жүйелі қолдану оқушылардың пәнге деген қызығушылығын арттырып, оқу мазмұнын қабылдауын жеңілдетеді және танымдық белсенділігін күшейтеді.