Қазақша рефераттар

Word редакторының терезе элементтер

Сабақ туралы мәлімет

Мектеп

Абай орта мектебі

Мұғалім

Чингисова Маржан

Сабақтың тақырыбы

Кесте ішіндегі мәліметтерді енгізу және пішімдеу

Сабақтың мақсаты

Білімділік

  • Оқушыларды кесте құруға үйрету.
  • Ұяшықтарды қосу, алып тастау және біріктіру тәсілдерін меңгерту.
  • Кестені қоршау (жиектеу) мүмкіндіктерін көрсету.

Дамытушылық

  • Есте сақтау және зейін қабілеттерін дамыту.
  • Пәнге деген қызығушылықты арттыру.

Тәрбиелік

  • Уақытты тиімді пайдалануға дағдыландыру.
  • Жүйелі ойлау мен ұқыптылыққа тәрбиелеу.
  • Компьютерлік сауаттылықты қалыптастыру.

Сабақтың жоспары

  1. 1. Ұйымдастыру кезеңі

  2. 2. Үй тапсырмасын тексеру

  3. 3. Жаңа тақырып

  4. 4. Ой қозғау

  5. 5. Сергіту сәті

  6. 6. Практикалық жұмыс

  7. 7. Сабақты бекіту

  8. 8. Қорытындылау

  9. 9. Үйге тапсырма

  10. 10. Бағалау

Үй тапсырмасын тексеру: сұрақ-жауап

Үй тапсырмасы тақтадағы ұяшықтардан сұрақ таңдау арқылы ауызша тексеріледі. Сұрақ бірінші партадан басталады: оқушы жауап бере алмаса, «келесі» деп айтады, келесі оқушы орнынан тұрып жауап береді.

№ Сұрақ Жауап
1 Microsoft Word редакторын қалай іске қосамыз? Пуск → Все программы → Microsoft Office → Microsoft Office Word
2 Жаңа құжатты ашу үшін қандай команданы қолданамыз? Файл → Открыть
3 Жаңа құжатты сақтау үшін қандай команданы қолданамыз? Файл → Сохранить как
4 Word-та кесте құру үшін қандай әрекеттерді орындаймыз? Вставка → Таблица
5 Ұяшық деп нені айтамыз? Жолдар мен бағандар қиылысында орналасқан, ақпарат енгізілетін кесте бөлігі.
6 Ұяшықтарды қалай біріктіреміз? Объединить ячейки (Ұяшықтарды біріктіру)
7 Ұяшықтарды бөлу үшін не істейміз? Разбить ячейки (Ұяшықтарды бөлу)
8 Бағандар мен жолдарды өшіру үшін қандай командалар орындалады? Удалить столбцы; Удалить строки
9 Word редакторы терезесінің негізгі элементтері қандай? Тақырып жолы, меню жолы, стандартты және пішімдеу тақталары, сызғыш, абзац маркерлері, айналдыру жолақтары, жұмыс аймағы, меңзер, қалып-күй жолы.
10 Өшірілген файлдар уақытша қайда сақталады? Корзина

Теориялық қорытынды: кесте ұғымы

Негізгі анықтама

Кесте — жолдар мен бағандар бойынша реттеліп берілген ақпарат. Жолдар мен бағандар қиылысып, ұяшық құрайды.

Кесте құру тәсілі

  1. Аспаптар панелінен Вставка → Таблица командасын таңдаңыз.
  2. Ашылған терезеде баған саны мен жол санын енгізіңіз.
  3. ОК батырмасын басыңыз — Word құжатында кесте пайда болады.

Кестені безендіру алгоритмі

  1. Кестені толық белгілеңіз.
  2. Таблица → Автоформат командасын орындаңыз.
  3. Қажетті форматты таңдаңыз.
  4. ОК батырмасын шертіңіз.

Жиектеу (шекара) параметрлері: торды алып тастау

  1. Торын алып тастағыңыз келетін ұяшықты немесе ұяшықтар тобын белгілеңіз.
  2. Формат → Границы и заливка командасын ашыңыз.
  3. Диалогтық терезеден Граница қосымшасын таңдаңыз.
  4. Нет типін таңдаңыз да, ОК басыңыз.

Кестемен жұмыс командалары

Кестені құру және өңдеу барысында келесі командалар қолданылады:

Добавить столбцы Добавить строки Добавить ячейки Разбить ячейки Разбить таблицу Объединить ячейки Удалить ячейки Удалить столбцы Удалить строки

Ой қозғау

«Кесте», «жол», «баған» сөздерінің орыс және ағылшын тілдеріндегі аудармасын жазыңыз.

Қазақша Орысша Ағылшынша
Кесте Таблица Table
Жол Строка Row
Баған Столбец Column

Сергіту сәті

Жұмбақ 1

Тұрады ол жолдар мен бағандардан,
Ұяшықтар құралады олардың қиылысынан.
Кәне, ойланып көрейік — ол не екен?
Баған мен жолды тоғыстырған.

Жауабы: Кесте

Жұмбақ 2

Кестенің негізгі элементі,
Көлденең орналасқан қызметі.
Ұяшық емес, баған емес — ол не екен?

Жауабы: Жол

Жұмбақ 3

Тіктөртбұрышқа ұқсайды,
Елемей кетуге болмайды.
Баған мен жолдың қиылысы —
Кестеде қай элементті құрайды?

Жауабы: Ұяшық

Практикалық жұмыс

Тапсырма 1

  1. Меню арқылы Вставка → Таблица → Вставить таблицу командасымен кесте құрыңыз.
  2. «Менің сабақ кестем» тақырыбын туралаңыз.
  3. 5 бағаннан және 3 жолдан тұратын кесте жасаңыз.

Тапсырма 2

  1. Стандартты саймандар тақтасындағы Вставить таблицу батырмасы арқылы кесте құрыңыз.
  2. 3 оқушы туралы мәліметпен кестені толтырыңыз.
  3. Разметка страницы → Границы и заливка командасы арқылы жиектеу орнатыңыз.
Р/с Оқушының аты-жөні Туған жылы Мекенжайы Телефоны
1
2
3

Қосымша тапсырмалар (дағдыландыру)

  • Кестені қолмен сызып шығу арқылы кесте құрыңыз және ішін мәтіндермен толтырыңыз.
  • Макет → Направление текста («Мәтін бағыты») командасы арқылы 1-бағанды толтырыңыз.
  • 1-жолдағы мәліметтерді ортаға туралап, қалың (Ж) және курсив (К) түрінде жазыңыз.
  • Кестенің оң жағына тағы 1 баған қосып, оған «Қолы» баған атауын енгізіңіз.
  • Tab пернесі арқылы 1 жол қосыңыз.
  • 4-ұяшықты біріктіріңіз.
  • Дайын жұмысты мұғалімге көрсетіңіз.

Үй тапсырмасы

Кестемен жұмыс: әртүрлі әдістерді қолданып, электронды түрде кесте құру және пішімдеу.

Бағалау

Оқушылардың жұмысы смайликтер арқылы бағаланады.