Ұйқы - ажал ағайыны

Ажалды жылан, жол үстінде жатады.

Ажал ажарға қарамайды.

Ажал келмей жан шықпас,
Қысыр сөзден мән шықпас.

Айдалада атқан оқ
Ажалдыға тиеді.

Ажал ажарыңа да қарамайды,
Базарыңа да қарамайды.

Біреудің ажалы оттан,
Біреудің ажалы судан.

Аңшының ажалы аңынан.

Тәуекел ет те тас жұт,
Ажал жетпей өлмек жоқ.

Қырық жыл қырғын болса да,
Ажалды өлер.

Ажалды киік ашыққа қашады.

Сынбайтұғын шөлмек жоқ,
Ажал жетпей өлмек жоқ.

Ажалдан ақша беріп құтылмас.

Ажалдан ақырет артық.

Ажалдан басқаға араша көп.

Түлкінің ажалына құйрығы кінәлі.

Екі ауру бір келсе, ажалдың жеткені,
Екі борыш бір келсе, абыройдың кеткені.

Ұйқы — ажал ағайыны.

Атқыштан ажал қашады.

Кездейсоқ ажалды
Аңғырттық шақырады.

Жауынгердегі қол күрек
Ажалды алыстату үшін керек.

Ажал ақмақ үшін алтау.
Ақылды үшін біреу.

Ажал алқымдағанда безгекке зар боларсың.

Ағайынды болсаң да,
Ажалды екеніңді ұмытпа.

Ажал қия бастырмайды.

Ажал жолы шілдің қадамынан да қысқа.

Жыл ұлық емес,
Ажал – ұлық.

Амалын тапқан ажалдан құтылады.