Қазақша рефераттар

Слайд арқылы қысқаша баскетбол және баскетбол добын алып жүру туралы ақпарат беру

Алматы облысы · Райымбек ауданы

Райымбек ауданының білім бөліміне қарасты: Сарыжаз орта мектебі (мектепке дейінгі шағын орталықпен) және Ақбейіт бастауыш мектебі.

Пән: Дене шынықтыру Сынып: 5 Түрі: Теориялық–практикалық Типі: Жаңа сабақ

Мұғалім

Иманбаев Айдос Жайынбаевич

Сабақ тақырыбы

Баскетбол добын алып жүруді үйрету

Сабақтың мақсаты

Білімділік

Баскетбол добын алып жүрудің негізгі түрлерін үйрету.

Дамытушылық

Оқушылардың спорттық ойындарға қызығушылығын арттыру; ойын ережелері мен түрлерін меңгертуді жалғастыру; баскетболды дене шынықтыру құралы ретінде тиімді қолдану.

Тәрбиелік

Ұйымшылдыққа, мақсатқа бағыттылыққа, шапшаңдыққа, төзімділікке және достыққа тәрбиелеу.

Сабақтың құрылымы

I. Кіріспе бөлім

15 минут

Сабаққа назар аударту, тақырып пен мақсатты нақтылау, жалпы дайындық арқылы ағзаны негізгі жүктемеге дайындау.

1) Ұйымдастыру

  • Сәлемдесу, қатысушыларды түгендеу.
  • Сабақтың тақырыбы және мақсатымен таныстыру.

2) Жалпы дайындық (жүру жаттығулары)

  • Қол жоғарыда — аяқтың ұшымен жүру.
  • Қол жанында — аяқтың ұшымен жүру.
  • Қол белде — өкшемен жүру.
  • Қол белде — аяқтың сыртқы қырымен жүру.
  • Қол белде — аяқтың ішкі қырымен жүру.
  • Қол алда — жартылай отырып жүру.
  • Қол тізеде — «қазша» жүру.
  • Жай жүгіру → шапшаң жүгіру → жеңіл жүгіру.

3) Жалпы дамыту жаттығулары

  1. Аяқ иық деңгейінде, қол белде: мойынды 4 есепке оңға, 4 есепке солға айналдыру.
  2. Аяқ иық деңгейінде, қол белде: мойынды 4 есепке алға, 4 есепке артқа айналдыру.
  3. Бастапқы қалып: қол иықта. 1–2 — алға айналдыру, 3–4 — артқа айналдыру.
  4. Аяқ иық деңгейінде: оң қол жоғары, сол қол төмен. 1–2 — артқа сермеу, 3–4 — бағытты ауыстырып сермеу.
  5. Бастапқы қалып: қол кеуде алдында. 1–2 — бүгілген қолды артқа апару, 3–4 — жазылған қолды артқа апару.
  6. Бастапқы қалып: аяқ қосылған. 1 — қолды жоғары көтеру, 2 — еңкейіп қолды жерге тигізу, 3 — қолды алға созып толық отыру, 4 — бастапқы қалыпқа келу.
  7. Аяқ иық деңгейінде, қол желкеде: 1–2 — солға, 3–4 — оңға серпілу.
  8. Қос аяқпен 4 есепке сағат тілі бағытымен айналу.

Жаттығулар соңында тынысты қалпына келтіру.

II. Негізгі бөлім

25 минут

1) Қысқаша теория

Слайд арқылы баскетбол ойыны және допты алып жүру (дриблинг) техникасы туралы қысқаша ақпарат беріледі.

2) Практикалық жаттығулар (көрсету және орындау)

  • Оң қолмен кедергілер арқылы допты алып жүру.
  • Сол қолмен кедергілер арқылы допты алып жүру.
  • Кедергілер арқылы допты алма-кезек алып жүру.
  • Тосқауыл арқылы допты алып жүру.
  • Қарсыласын алдап (финт жасап) допты алып жүру.
  • Екі қадам жасап, допты себетке лақтыру.
  • Себеттің түбінен доп лақтыру.

III. Сабақты бекіту

3 минут

1) Сұрақ-жауап

Қысқаша сұрақтар арқылы баскетбол туралы негізгі ұғымдар бекітіледі:

  • Баскетбол дегеніміз не?
  • Баскетбол алаңы қандай болады?
  • Баскетбол ойынын қанша адам ойнайды?
  • Ойыншы допты қолында қанша секунд ұстап тұра алады?

2) Үлестірмелі карточка

Допты алып жүрудің негізгі ережелері жазылған үлестірмелі карточкалар таратылады (карточка баскетбол добының үлгісімен жасалған).

IV. Қорытынды

2 минут

Бағалау

Оқушылардың сабаққа қатысуы мен жаттығуларды орындау сапасы бағаланады.

Қоштасу

Сабақты қорытындылап, оқушылармен қоштасу.

Оқыту тәсілдері мен ресурстар

Әдістер

  • Түсіндірмелі әдіс
  • Сұрақ-жауап
  • Топтық жарыс элементтері

Көрнекі құралдар

  • Слайд
  • Баскетбол добы
  • Плакат
  • Үлестірмелі карточка