Оқушы іштей
Сабақ жоспары
«Ол ақын болар ма еді?» мәтіні бойынша сабақ
Бұл сабақ Коммунар Табейдің «Ол ақын болар ма еді?» мәтіні арқылы Желтоқсан оқиғасының тарихи маңызын түсіндіріп, Қайрат Рысқұлбековтың ерлігін танытуға бағытталған.
Сабақтың мақсаты
- Оқушыларға мәтін мазмұнын меңгерту, Желтоқсан оқиғасы туралы түсінік қалыптастыру.
- Қ. Рысқұлбековтың ерлігімен таныстыру.
- Ой-өрісін кеңейту, тіл байлығын арттыру, шығармашылығын дамыту.
- Отанды, туған жерді сүюге тәрбиелеу.
Әдіс-тәсілдер
Көрнекіліктер
- Желтоқсан құрбандарының суреттері
- Бейнефильм
- Интерактивті тақта
Негізгі ой
Бейбіт күннің шуағына ортақтаса алмай кеткен апаларымыз бен ағаларымыздың есімі ел жадында мәңгі сақталады. Желтоқсан оқиғасы — тәуелсіздікке бастар жолдағы тарихи белес.
Тарихи анықтама
1986 жылғы Желтоқсан оқиғасы Алматы қаласында, Брежнев алаңында өтті.
Сабақтың барысы
I. Ұйымдастыру кезеңі
Сабаққа дайындық, оқушылардың назарын шоғырландыру.
II. Үй тапсырмасын сұрау
Алдыңғы тақырып бойынша білімді тексеру (мысалы, «Ту тіккен Рақымжан» тақырыбы аясында сұрақтар қою).
III. Жаңа сабақ
Мақсатын хабарлау
Бүгін біз Қайрат Рысқұлбековтың тұлғасы мен Желтоқсан оқиғасының мәнін мәтін арқылы талдаймыз.
Ой шақыру
«Тәуелсіздік» ұғымы сендер үшін нені білдіреді? Ерлік пен азаматтықтың көрінісі қандай болады?
Кіріспе сөз
Тарихтың қасіретті, бірақ тағылымды беттері арқылы елдік рух пен тәуелсіздіктің қадірін сезінеміз.
Бейнематериал
Желтоқсан оқиғасына арналған бейнефильм көрсетіледі. Көргеннен кейін қысқаша талқылау ұйымдастырылады.
Көрсетілім орны: интерактивті тақта. Мақсаты: тарихи ахуалды сезіну, мәтінді қабылдауды жеңілдету.
Оқулықпен жұмыс
- 1 Мұғалім мәтінді мәнерлеп оқиды.
- 2 Оқушы мәтінді іштей оқиды.
- 3 Оқушылар тізбектей оқиды.
- 4 Мәтіннен қажетті тұстарды тауып оқу (дәйек келтіру).
Көрнекілікпен жұмыс
- Экраннан Қайраттың мектептегі суретімен танысу.
- Солдаттық кезеңі туралы мәліметті талқылау.
- Батырдың өскен ортасы мен отбасы: әкесі Ноғайбай, анасы Дәметкен.
Сұрақ-жауап және түсіндіру
Талқылау сұрақтары
- Мәтінде ел басынан өткен қандай кезең туралы айтылған?
- «Тәуелсіздік» сөзіне мағыналас сөздерді атаңдар.
- Қайрат туралы білгенімізді топтастырайық (мәтіннен дәлел келтіріп).
Тірек ұғымдар
Дәптермен жұмыс
Мәлімет
- Қ. Рысқұлбеков 1966 жылы Жамбыл облысы, Мойынқұм ауданы, Бірлік ауылында дүниеге келген.
- 1986 жылы Алматы сәулет-құрылыс институтына оқуға түскен.
Желтоқсан құрбандары
Ләззат Асанова, Сабира Мұхамеджанқызы, Ербол Сыпатайұлы, Қайрат Рысқұлбеков.
Шығармашылық жұмыс
Төмендегі жолдарды мағыналы сөздермен толықтырыңдар:
Тәуелсіздік
— _____, _____ көркейсін.
Бейбітшілік
— _____, _____ орнасын.
Мақал-мәтел сайысы
Тақырыбы: Отан, туған жер, ерлік. Оқушылар мақал-мәтел айтып, мағынасын түсіндіреді.
Сабақты бекіту
«Кубизм» әдісі бойынша сұрақтар
Тәуелсіздігімізді қашан алдық?
Желтоқсан оқиғасы қай жылы болды?
Желтоқсан құрбандарын атаңдар.
Қайраттың әке-шешесінің аты кім?
Жасы нешеде? Қай облыста туған?
Тірі болғанда кім болар еді?
Үй тапсырмасы
- Мәтінді мазмұндау.
- Қосымша деректер жинақтау (Қайрат Рысқұлбеков және Желтоқсан оқиғасы туралы).
Бағалау
Оқушылардың мәтінді түсінуі, жауаптарының дәлелділігі, белсенділігі және шығармашылық жұмыстағы ой ұшқырлығы ескеріледі.
Автор туралы
Мұғалім
Ахметжанова Алмагүл Карбаевна
№6 жалпы білім беретін орта мектеп, бастауыш сынып мұғалімі
Қала
Қарағанды