Суретті диктант

Сабақтың тақырыбы: Зат есім.

Сабақтың мақсаты.
Білімділік: проблемалық әдіс арқылы зат есімнің өзіндік ерекшеліктерімен таныстыру. Қойылатын сұрақтарды меңгерту. Оқушыларға зат есім туралы түсінік беру.
Дамытушылық: зат есім ерекшеліктерін меңгерте отырып, өздік жұмыс істеу және шығармашылық ойлау қабілеттерін дамыту. Қатесіз әдемі жазуға машықтандыру.
Тәрбиелік: оқушыларды іздемпаздыққа, тапқырлыққа тәрбиелеп, сөйлеу мәдениетін меңгерту. Сауаттылыққа, ұйымшылдыққа, шығармашылыққа тәрбиелеу.
Көрнекілік құралдар: сөздер, сөйлемдер жазылған кестелер, мазмұнды суреттер, сөзжұмбақ, тірек сызбалар.
Әдіс – тәсілдері: топпен жұмыс, хабарлау, проблеманы анықтау және оқушыларға таныс мәліметтерді шешу, жаттығуларды талапқа сай талдау, салыстыру, тіл дамыту, топтастыру, ой қорыту.
Сабақтың барысы:
І. Ұйымдастыру.
1. Психологиялық дайындық
2. оқушылардың сабаққа әзірлігін бақылау.
ІІ. Жаңа сабақ.
Зат есім.
1. Таныстыру сәті.
2. Ой шақыру.
Зат есімнің ережесімен танысу.
Зат есім – заттың атын білдіріп. Кім? Не? деген сұрақтарға жауап береді.
Сөзжұмбақ шешу арқылы жаңа тақырыпты меңгерту.
Қыз, шаңырақ, түйе, шеге, сандық, бүркіт, домбыра, бұлар ненің атауы? – Заттың.
ІІІ. Ой қозғау.
Заттың түрлерімен таныстыру.
ІV. Кітаппен жұмыс.
300 – жаттығу Тақтамен жұмыс
301 – жаттығу арқылы танымдық жұмыс.
302 - жаттығу Көркем жазу
V. Топпен жұмыс.
І топ. Шығармашылық диктант.
Оқушы, кірді. сыныпқа. Түсіндірді, сабақ, мұғалім.
(сөйлемді дұрыс құра, сөйлемдегі сөздерді дұрыс орналастыр)
ІІ топ. Терме диктант.
Заттың атын білдіретін сөзді көшіріп жаз.
ІІІ топ. Суретті диктант.
Суреттегі заттардың атын жаз.
VІ. Венн диаграммасы құру.

Зат есім Сын есім

303 – жаттығу. Ауызша.
304 – жаттығу Инсерт әдісі.
VІІ. Білім бекіту кезеңі.
Сұрақ – жауап әдісі арқылы ой қорыту.
1. Зат есім дегеніміз не?
2. Кім? деген сұрақтың қойылу ерекшелігі қандай?
3. Не? деген сұрақтың қойылу ерекшелігі қандай?
4. Заттар қандай күйде кездеседі?
Сабақты қорыту: Топты бағалау.
Үйге тапсырма беру:
Ережені жаттау, 305 – жаттығу.