Қазақша рефераттар

Мұнда оқушылар үйге берілген тапсырманы сұрақтар арқылы және есептерді тексеру арқылы алға жылжимыз

Сабақтың тақырыбы

ЕҮОБ (ең үлкен ортақ бөлгіш) және ЕКОЕ (ең кіші ортақ еселік) табу есептері.

Негізгі ұғымдар

ЕҮОБ
Екі немесе бірнеше санның ең үлкен ортақ бөлгіші.
ЕКОЕ
Екі немесе бірнеше санның ең кіші ортақ еселігі.
Жай көбейткіштерге жіктеу
Құрама санды жай сандардың көбейтіндісі түрінде жазу.
Өзара жай сандар
ЕҮОБ-ы 1-ге тең сандар.

Сабақтың мақсаттары

Білімділік

  • ЕҮОБ және ЕКОЕ табуға арналған есептерді шеше білу.
  • Тиімді тәсілдерді таңдай және қолдана білу.
  • Өзара жай сандар ұғымын есеп шығаруда пайдалану.

Дамытушылық

  • Ауызша есептеу және жалпылау дағдыларын дамыту.
  • Логикалық ойлау қабілетін жетілдіру.
  • Ойын жүйелі жеткізу және ой-өрісті кеңейту.

Тәрбиелік

  • Ұйымшылдыққа, ұқыптылыққа, дәлдікке тәрбиелеу.
  • Ұжымда, топта және жұпта жұмыс істеу мәдениетін қалыптастыру.
  • Өздігінен жұмыс істеуге, өзін-өзі басқаруға, өз мүмкіндігіне сенуге баулу.

Сабақтың форматы

  • Сабақ түрі: аралас сабақ, ойын-сабақ.
  • Сабақ әдістері: топтық жұмыс, СТО элементтері.

Көрнекіліктер

  • Мультимедиа материалдары
  • Үлестірме материалдар
  • Тест тапсырмалары

Сабақтың барысы

I. Ұйымдастыру кезеңі

Сыныптың дайындығын тексеру, сабақ мақсаттарын нақтылау, топтарға бөліну және жұмыс ережелерін келісу.

II. Ой қозғау (үй тапсырмасын тексеру)

Үй тапсырмасы сұрақ-жауап және есептерді тексеру арқылы талданады. Қызығушылықты оятуда «Кубизм» әдісі қолданылады:

  • 1) Ең үлкен ортақ бөлгіш
  • 2) Құрама сандарды жай көбейткіштерге жіктеу
  • 3) Ең кіші ортақ еселік

III. Теория және практика

Оқулықпен жұмыс: №738 — «Кім жылдам?»

  • I топ: ЕҮОБ(48, 240, 264) = 24
  • II топ: ЕҮОБ(72, 432, 792) = 24
  • III топ: ЕҮОБ(112, 124, 420) = 4

Ой қозғау: қолданбалы есептер

1) Тіркемесі бар машина бірнеше рет қатынап: 1-күні 35 т, 2-күні 21 т, 3-күні 14 т кірпіш әкелді. Әр қатынаған сайын тиелген кірпіш массасы бірдей. Машина бір рет қатынағанда неше тонна кірпіш әкеледі?

Шешуі: ЕҮОБ(35, 21, 14) = 7 → 7 т.

2) Әлия мен Дина бір мезетте жүрісті бастап, қатар жүрді. Әлияның қадамы 45 см, Динаның қадамы 60 см. Қандай ең қысқа қашықтықта екеуі де бүтін санды қадам жасайды?

Шешуі: ЕКОЕ(45, 60) = 180 → 180 см.

3) 24 қызыл шар, 42 көк шар және 30 сары шардан бірнеше тізбек жасалды. Әр тізбекте қызыл шарлар саны бірдей, көк шарлар саны бірдей, сары шарлар саны да бірдей. Ең көп дегенде неше тізбек жасауға болады?

Шешуі: ЕҮОБ(24, 42, 30) = 6 → 6 тізбек.

Шығармашылық тапсырма — «Кім алғыр?»

ЕҮОБ/ЕКОЕ логикасы

Берілген екі санның бөліндісі 35 және 77 сандарының ең үлкен ортақ бөлгішіне тең. Ал осы екі санның қосындысы 160 және 96 сандарының ең үлкен ортақ бөлгішіне тең. Берілген сандарды табыңдар.

Жауабы: 28 және 4.

Тест жұмысы

  1. Қай сан құрама сан?

    1) 22    2) 23    3) 1

  2. 144 санына еселі санды тап.

    1) 11    2) 12    3) 14

  3. Қай сан жай сан?

    1) 10    2) 29    3) 54

  4. Өзара жай сандардың ең үлкен ортақ бөлгіші:

    1) 2    2) 7    3) 1

  5. ЕҮОБ(10, 15) = ?

    1) 5    2) 6    3) 7

  6. ЕҮОБ(160, 180) = ?

    1) 16    2) 24    3) 20

  7. Қай сан құрама сан емес?

    1) 21    2) 23    3) 1

Шифрланған қорытынды

Дұрыс жауаптарға сәйкес келетін торкөздердегі әріптерді теріп жазсаңдар, жай сан ұғымын біздің заманымызға дейінгі IV ғасырда енгізген ежелгі грек ғалымының атын оқисыңдар.

Дұрыс жауаптар қатары

22, 12, 29, 1, 5, 20, 23

Шыққан сөз

ПИФАГОР

Үй тапсырмасы

Оқулықтан тиісті тапсырмаларды орындау және ЕҮОБ/ЕКОЕ табуға арналған 2–3 қолданбалы есеп құрастыру.

Бағалау

  • Топтық жұмысқа қатысу белсенділігі
  • Есеп шығару дәлдігі және түсіндіру сапасы
  • Тест нәтижесі