Қазақша рефераттар

Шал мен бала

Сабақ тақырыбы

«Шал мен бала» — Бердібек Соқпақбаев шығармасы бойынша сабақ.

Мақсат пен міндеттер

Негізгі мақсат

Мәтіннің мазмұнын ашуға, негізгі ойды ұғынуға және оқушының ой қорытуына жағдай жасау.

Сабақ міндеттері

  • Автор туралы мағлұмат бере отырып, мәтінді түсініп оқуға, мазмұндап айтуға үйрету; үлкенге құрмет, кішіге ізет көрсетудің әдептілік екенін ұғындыру.
  • Тақырып пен мәтін бойынша талдау, сөздік жұмысын өз бетімен жүргізу дағдыларын дамыту.
  • Үлкендерді сыйлауға, бір-бірін тыңдауға және құрметтеуге тәрбиелеу.

Сабақ форматы

Түрі

Аралас сабақ.

Әдістері

  • —Сұрақ-жауап
  • —Түсіндіру
  • —Әңгімелеу

Көрнекіліктер

  • —Б. Соқпақбаев портреті
  • —Мәтін желісі бойынша салынған суреттер
  • —«Сыр сандық», үлестірмелер, текшелер
  • —«Үлгілі бала» портреті

Сабақ барысы

I. Ұйымдастыру кезеңі

  • Амандасу, түгендеу.
  • Оқушылардың зейінін сабаққа аудару үшін психологиялық жаттығу орындау.

Психологиялық ахуал: «Жүрек жылуы»

Балалар, мейірімділік жылы жүректен басталады. Сол мейірім мен жылылықты бір-бірімізден аямайық. Ол үшін қолымызды жүрек тұсына қойып, екінші қолымызбен демеп, түсіріп алмастай етіп, бір-бірімізге жүрек жылуын берейік.

«Сіз» — «Біз» деген жылы сөз
Жылытады жүректі.
Бір-біріне болып кез,
Кең болсын адам пейілі.

Рахмет! Ендеше сабағымызды бастайық.

II. Үй тапсырмасын тексеру

  1. 1 Ғ. Ормановтың «Ана» өлеңін жатқа айту (4 оқушы).
  2. 2 Өз аналарына арнап жазған хаттарын оқыту (2 оқушы).
  3. 3 «5 жолдық өлең» оқу (2 оқушы).

III. Өткенді пысықтау

Сұрақ:

«Ана» тақырыбына қандай мақал-мәтелдер білесің?

Сұрақ:

Өлең арқылы қандай ой түйдің?

IV. Мақсат қою және жаңа сабаққа даярлық

  • Сабақтың тақырыбы мен мақсатын хабарлау.
  • Ой қозғау: «Сендердің аталарың бар ма? Ол қандай адам?»

V. Жаңа сабақ

Кіріспе: автор туралы

Бердібек Соқпақбаев (1924–1992) — балалар әдебиетінің көрнекті жазушысы. Ол «Менің атым Қожа», «Әжесінің баласы» және басқа да шығармаларымен кеңінен танымал.

Оқулықпен жұмыс

Мәтінді түсініп оқу және мазмұнын талдау.

Талқылау сұрақтары

  • Трамваймен кімдер келе жатты?
  • Шал не істемек болды?
  • Оған кім көмекке келді?
  • Мәуленнің іс-әрекеті атаға ұнады ма?
  • Ата кім туралы әңгімеледі?
  • Сол тақыр бас бала кім еді?
  • Ата тақыр бас баланы таныды ма?
  • Шал балаға не деді?

Негізгі түйін

«Жақсылыққа жақсылық — әр кісінің ісі.
Жамандыққа жақсылық — ер кісінің ісі.»

VI. Түсінгендерін тексеру

I. Оқиғаларды ретімен орналастыр

  1. 1 Трамвайдан түскен сәт.
  2. 2 Бейтаныс баланың көмегі.
  3. 3 Атаның әңгімесі.
  4. 4 Ата мен немеренің әңгімесі.

II. Дәптермен жұмыс

Мәтіндегі ақыл-нақыл сөздерді жазып ал.

  • «Ұрлық істеу — жақсы адамның кәсібі емес.»
  • «Жасың ұзақ болсын, шырағым!»
  • «Жақсылыққа жақсылық — әр кісінің ісі.»
  • «Жамандыққа жақсылық — ер кісінің ісі.»

VII. Қорытынды

1) Суретпен жұмыс

  • Суреттен не көріп тұрсың?
  • Суретте мәтіндегі қандай оқиға бейнеленген?
  • Өзің қандай сурет салар едің?

2) Мәнерлеп оқу және дәлелдеу

Мәтінді мәнерлеп оқы. Нақты мысал келтір: мәтінде бірнеше оқиға баяндалуы мүмкін, ал оқиғалар бір-бірімен байланысып, бір тұтас ойға жетелейді.

VIII. Үй тапсырмасы және бағалау

Үйге тапсырма

  • Мәтінді оқу.
  • Мазмұнын айтуға дайындалу.

Бағалау

Оқушылардың жауаптары, мәтінді түсініп оқуы, талдау жұмыстары және белсенділігі бойынша бағаланады.