Өнерлі бала

1) Қазақ тіл білімінің қандай салалары бар?

Фонетика, лексика, морфология, синтаксис.

2) Қазақ тілінде неше әріп бар?

42 әріп.

3) Әріп деген не?

Дыбыстың таңбасы.

4) Қас — дос деген қандай сөздер?

Антонимдер.

5) Сөз тұлғасы неден тұрады?

Түбір мен қосымшадан тұрады.

6) Қазақ халқы неше жазу үлгісін қолданды?

Араб жазуы, 1929–1940 жж. латын әліпбиі, 1940 жылдан бері кирилл әліпбиі.

7) «О-қы-шы» сөзіндегі буын түрі мен санын айт.

3 буын. (Мұғалім буын түрін қосымша талдатады.)

8) Дыбысталуы бірдей, бірақ жазылуы мен мағынасы басқа сөздер қалай аталады?

Омонимдер.

9) Үннен гөрі салдыр басым болатын дыбыстар қалай аталады?

Қатаң дауыссыз дыбыстар.

10) «Ә» дыбысына дыбыстық талдау жаса.

Дауысты дыбыс (жіңішке). (Оқушы толық талдап айтады.)

11) Ауыз әдебиетінің түрлерін ата.

Ертегі, аңыз, мақал-мәтел, жұмбақ, жаңылтпаш, батырлар жыры, айтыс, т.б.

12) Лексика нені зерттейді?

Сөз бен оның мағынасын зерттейді.

13) «Таудың басы», «адамның басы», «істің басы», «ағаштың басы» — қандай сөз?

Көп мағыналы сөз.

14) «Әлін білмеген әлек» — мақал ма, мәтел ме?

Мақал.

15) Морфология нені зерттейді?

Сөздің құрылымын, түрленуін және сөз таптарын зерттейді.

16) Қазақ тілінде неше сөз табы бар?

9 сөз табы.

17) Сын есім деген қандай сөз табы?

Заттың сынын, сапасын, белгісін білдіретін сөз табы.

18) «Көкшетау», «алма», «мектеп» сөздері қандай сөз табына жатады?

Зат есім.

19) Түбірге жалғанатын бөлшек қалай аталады?

Қосымша.

20) Дерексіз зат есім деген не? Мысал келтір.

Көзге көрінбейтін ұғым атауы (мысалы: ақыл, ар, қуаныш, достық).