Түстерді ажыраттыңдар
Ұйымдастырылған оқу іс-әрекетінің технологиялық картасы
II кіші тобына арналған
- Күні
- ________________
- Тәрбиеші
- ________________
- Бөлімі
- Сөйлеуді дамыту · Қоршаған орта · Математика · Қол еңбегі
Тақырыбы: түрлі-түсті моншақтарды тізбектеу
Бұл оқу іс-әрекеті ойын арқылы балалардың танымдық белсенділігін арттырып, түсті, көлемді, пішінді ажырату дағдыларын дамытады. Сонымен қатар ұқыптылық пен шыдамдылыққа тәрбиелейді.
Білімділік мақсаты
Ойындар арқылы балалардың білім, білік, дағдыларын қалыптастыру; моншақтарды сыртқы белгілері бойынша ажыратуға үйрету.
Дамытушылық мақсаты
Қызығушылық тудыру; түсті, көлемді, пішінді тану арқылы ақыл-ой белсенділігін арттыру; қол мен саусақ қимылдарын дамыту.
Тәрбиелік мақсаты
Шыдамдылыққа, ұқыптылыққа тәрбиелеу; бір-біріне көмектесу мәдениетін бекіту.
Қолданылатын көрнекі құралдар
- Үш түрлі моншақ: қызыл, көк, ақ.
- Үш түске боялған әртүрлі макарон өнімдері.
- Жіптер, қапшықтар, сандықша, қуыршақ.
Сөздік жұмысы және әдіс-тәсілдер
Сөздік
Үлкен – кіші; түстер атауы; пішіндер атауы.
Әдіс-тәсіл
Түсіндіру, көрсету, ойын, саусақ жаттығулары, салыстыру.
Оқу іс-әрекетінің барысы
Сабақ кезеңдері балалардың қызығушылығын оятып, кейін әрекет арқылы бекітуге бағытталған: мотивация, зерттеу-ұйымдастыру, рефлексия.
1) Мотивациялық-қозғаушылық кезең
Шаттық шеңбері
Қуан, шаттан, алақай,
Қуанатын күн келді.
Күліп шықты күн бүгін,
Қайырлы таң! Қайырлы күн!
Қайырлы күн, балалар!
Ғажайып сәт
Осы сәтте жылаған дыбыс естіледі. Тәрбиеші балаларды тыңдауға шақырып, жылап отырған қуыршақты байқатады. Бұл — қуыршақ Сәуле. Оның моншағы үзіліп, жерге шашылып қалған.
Балалар Сәулеге көмектесуге келіседі: шашылған моншақтарды жинап, жіпке тізіп беруге дайындалады.
Бақылау және әңгімелеу
Тәрбиеші балаларға моншақтың ерекше екенін аңғартады. Балалар оның мұздан жасалғанын айтады. Алақан жылы болғандықтан мұз ери бастайды. Осы арқылы су мен мұз туралы түсінік бекітіледі.
Сұрақтар
- Мұз неден пайда болады?
- Жыл мезгілдерінің ерекшеліктерін атай аламыз ба?
Күтілетін жауап бағыттары
- Қыста су қатып, мұзға айналады.
- Көктемде қар ериді, жазда ыстық, күзде жапырақ сарғаяды.
2) Ұйымдастырушылық-ізденістік кезең
Шешім іздеу
Мұз моншақтар еріп кеткен соң, балалар Сәулеге жаңа моншақ жасап берудің жолын ұсынады. Тәрбиеші бұрышта тұрған сандықшаны көрсетіп, ішінде қажетті заттар болуы мүмкін екенін айтады.
Дидактикалық ойын: «Сиқырлы қапшық»
Тактильді ажырату дағдысы
Балалар қапшық ішіндегі заттарды сипап сезу арқылы таниды: үлкен-кіші моншақтарды ажыратады, жіпті анықтайды.
Назар
Үлкен және кіші моншақты салыстыру.
Сөздік
Түстер, көлем, пішін атаулары.
Қорытынды
Жіп моншақты тізуге қажет.
Сергіту сәті
Алға қарай бір қадам,
Артқа қарай бір қадам.
Оңға қарай бір қадам,
Солға қарай бір қадам.
Бір отырып, бір тұрып,
Бір отырып, бір тұрып,
Сәл тынығып ал, адам.
«Моншақтың саяхаты» (ұйымдастыру)
Балалар шеңберге тұрып, 1–2–3 деп санап «саяхатқа» аттанады. Сандықшаны ашу үшін тапсырма орындауға дайындалады.
Дидактикалық ойын: «Моншақты жина»
Тізбектеу · реттілік · дәлдік
Балалар әртүрлі түсті моншақтарды жіпке тізбектейді. Негізгі ереже — түстерді шатастырмай, реттілікті сақтап орындау.
Ойын-тапсырма: «Макарон моншақтар»
Қол еңбегі · ұсақ моторика
Әр балаға үлгі сурет беріледі. Балалар суреттегідей етіп, түрлі түске боялған макарон өнімдерінен «моншақ» жасап, жіпке тізбектейді.
Жұмыс барысында балалар түстерді (қызыл, көк, ақ), көлемді (үлкен–кіші) және қарапайым пішіндерді (дөңгелек, үшбұрыш, төртбұрыш) атауға жаттығады.
3) Рефлексиялық-түзетушілік кезең
Нәтижені бекіту
Тәрбиеші балаларды мақтайды: олар моншақты жіпке тізе алды, түстерді ажыратып, тапсырманы мұқият орындады.
Сыйға тарту
Балалар жасаған моншақтарын қуыршақ Сәулеге сыйлайды және бірнеше моншақты оның мойнына тағады. Қуыршақ ризашылығын білдіріп, алғыс айтады.
Күтілетін нәтижелер
Біледі
- Қойылған сұраққа жауап беру.
- Жыл мезгілдерін және олардың өзгерістерін атау.
Игерді
- Макарон моншақтар арқылы түстерді ажырату.
- Көлемді (үлкен–кіші) салыстыру.
- Геометриялық пішіндерді ажырату.
Қолданады
- Макарон өнімдерінің түрлерін басқа заттармен салыстыру.
- Жіпке тізбектеу арқылы ұсақ моториканы қолдану.