Бастауыш мұғалімдері

Қош бастауыш

Мақсаты:1. Білімнің сара жолы бастауыштан басталатынын, бастауышта алған білімнің
негіз болып қаланатынына көз жеткізу.
2. Бастауыш сыныбымен, алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру, әр баланың ерекшелігін таныта отырып, сәт – сапар тілеу.
3. Білім берер ордасы - мектепті, ұстаздарын құрметтеп, білімге деген құштарлығын арттыру. Өз Отынының адал ұлы мен қызы болуға тәрбиелеу.
Барысы:

Мұғалім:
Бұл оқу тамақ болар қарны ашқанда,
Жол табар қараңғыда адасқанда.
Мал озбас, біле білсең білім озар,
Ақыры керек болар бір сасқанда –
деп Міржақып ақын айтпақшы, тарыдай болып кіріп, ақыл ойлары толысып, оң мен солын танып жақсы мен жаманды айыра білуді үйренген шәкірттеріміздің ұйымдастыруымен өткізілгелі отырған қош бастауыш атты мерекелік кешімізге қош келіпсіздер!!

Армысыздар, құрметті ата - аналар, қымбатты әріптестер, оқушылар! Бүгінгі күн осында отырған бәріміз үшін ерекше күн. Оның ерекшелігі сол, осыдан 4 жыл бұрын мектеп табалдырығын жүрексіне аттаған балаларыңыз білімнің негізі болатын бастауышта оқып, білім алып, қанаттарын қатайтып бастауыш сыныппен қоштасқалы отыр.
Бесіктегі баланың, күлгенін көрген - бір бақыт.

Алдына түсіп ананың, жүргенін көрген – бір бақыт! – дегендей, бастауыш сыныпты бітіруші түлектеріміз бүгін сіздер үшін бар өнерлерін көрсетіп, тағы да бір бақытқа кенелтпекші!
Толқимыз, толқып тұрсыз баршаңыз да
Мұндай күй болған сірә қаншаңызда
Қол соғып, қошеметтеп шақырайық
4 сынып бүлдіршіндерін ортамызға!
Музыка әуенімен бастауыш сынып түлектері ортаға келеді.

Бекнұр: Бекнұрдай балаға
Мен сеніммен қарадым.
Үмітімді ақтадың
Шәкіртім менің жарадың.

Жанагүл: Мерекеде бүгінгі
Жарқырайды белсенді.
Еркелігі көп тегі
Жанагул біздің ортада.

Темірлан: Сахнада ойнаса талдырады
Ән айтса жүректі жандырады.
Әнші балапан сайысының жүлдегері
Темірлан жақсы әндер қалдырады.

Арман: Әр кез жүрер еркелеп
Қаладан бізге келіп еді.
Өзі сондай елгезек
Есімі оның Арманчик.

Аружан: Мейірлі әрі жат көрмейтін кісіні
Мақсаты көп көздеген әр ісінің.
Аружан сынды қызымыз бар ортада
Қошеметтеп қол соғайық шаттана.

Абылай: Хан есімін алған бір
Абылай атты балам бар.
Тез есептей біледі
Танысыңдар, қараңдар.

Найль: Тап тұйнақтай жүреді
Өзі үндемей күледі.
Найль біздің ортада.

Құдірет: Тез сөйлейтін асығып
Жүгіріп жүрер жарысып.
Құдірет біздің ортада

Назкен: Әрқашанда білім көптік етпеген, Талапсыз жан мұратына жетпеген. Біздің Назкен талапты әрі үлгілі, Оқу менен билеуден алдына дес бермеген.

Темірхан: Кей баланың өнері
Бара бара ашылар.
Тіл алғыш бала Темірхан
Ортамыздан табылар.

Әсем: Жақсы оқудан бастады, Оқулықты ашқалы. Кіл 5 - тікпен келеді, Әсем қыз біздің ортада.

Нұрдаулет: Нұрдаулет сондай салмақты
Сабақтан бірде қалмапты.
Әр іске сондай жауапты
Сурет салар жан жақты.

Раушан: Өзі елгезек алады тез тіліңді, Қара шашты әрі өзі білімді. Көп үндемей жүреді әркез ұяңдау, Раушаннмыз міне алда тұр енді.

Елдос: Орыс тілін өзі сүйіп оқыған
Таңғалдырып санасына тоқыған.
Бір тартарлық өнері бар бойында
Математик Елдос сынды жас ұлан.

Аяжан: Үндемей өзі жүреді
Ыржиып қана күледі
Аяжан біздің ортада.

Илан: Еңбекқорлық қасиеті бойында бар
Қате ісін әрқашан мойынына алар.
Өзі момын жауапты ер Иланым
Арманың болашақта орындалар.

Арай: Мінезге бай жайдары ашық,
Жастайынан поэзия оқуға ғашық.
Арайлым біздің сыныптас,
Шақырамыз ортаға қазір.

Аман: Мектепке жақын тұрады
Айтсан тілді алады.
Аманға кім жетеді
Шақырсаң жетіп келеді.

Нұрболат: Нұрболатқа мінеки кезек келді
Қаншама бұзық тентек десек те енді.
Жомарт жігіт десем де сенбейді ешкім
Таныстырдым сіздерге ал мен еді.

Дәурен: Ұстаз менен мектепті пір тұтатын
Бір балам бар есімі Дәурен атты.
Өзі әнші, өзі озат, бала ғой
Бұл өмірде өз орныңды таба ғой.

Мұғалім: Бір ұядан ұшты деп
Бөліп жармай қарадым
Қоштасатын сәт келді
Қош шәкіртім қарағым:
Жасыңа жас қосылды
Класыңа класың
Көз алдымда өскесін
Баламдай боп қаласың.

(Темірлан, Жанагүл, Әсем, Елдос)
Хор: Ұстазым

Арай: Әлі есімде мектепке келгеніміз.....
Құдірет: Мектебім алтын ұям.....
Темірхан: Сен менің әкемдейсің.....
Темірлан: Соғылды соңғы қоңырау.....
Абылай: Енді міне сағымдай.....
Хор: Мұғалім ол біздің
Аман: Бастауышым балбұлағым.....
Назкен: Көтеріп жүктің салмағың.....
Арай: Ұстазым алғашқы.....
Нұрдәулет: Жүзінен...
Раушан: Мұғалім.....
Елдос: Ұстазым өзің едің.....
Ән: Ұстазым
Орындайтын: Әсем мен Жанагүл
Әсем: Мектеп деген.....
Жанагүл: Армысың.....
Аружан: Илан: Аяжан: Арман: Раушан: Бекнұр:
Дәурен: Ұстаздарға мың алғыс.....
Хор: Алғашқы ұстаз
Жүргізуші: Иә аналарымызға және әкелерімізге қандай жыр арнасаң да жарасады. Ендеше сыныптастарымыздың арнаған жырларын тыңдайық!
Назкен:
Ән: Әкешім - Анашым
Орындайтын: Жанагул мен Раушан
Темірхан:
Ән: Асқар тауым – әкешім (ВАЛЬС)
Жүргізуші: Ұстазым менің – ата - анам,
Сеннен өсіп, сеннен ғана нәр алам.
Саяң ыстық, сен мәуелі бәйтерек.
Тамырланып, сан тарапқа тараған.- дей келе ұстаздарға оқушылардың арнауы:
1. Мәншүк апай.
Ән: Мектебім
Орындайтын: Дәурен
2. Рзагул апай. Түрік биі.
3. Клара апай. Ән: Мектебім. Темірлан
4. Ажар апай. Ән: Ақбаян. Жаңагүл
Жүргізуші: Ұстаздық еткен жалықпас үйретуден балаға ,- деп Абай атамыз айтқандай, алғаш қолымызға қалам ұстатып, оңымыз бен солымызды танытқан, бізбен бірге қуанып, 42 әріпті танытып, білім нәрімен сусындатқан, мектептегі анамыз - ұстаз екені бәрімізге мәлім.
Әр шәкіртін өз баласынан кем көрмей, оқуға, жазуға үйреткен мұғалім еңбегі шексіз. Мұғалім – мектептің жүрегі - деп Ыбырай атамыз бекер айтпаған.
Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, көкті шарлаған ғарышкер де, бәрі - бәрі ұстаздан білім мен тәрбие алған. Алғашқы ұстазымыз анамызбен тең келеді,
Бар асылын бізге жиып, мол береді.
Қанатымен су себелеп асыл жан,
Әр шәкіртін баласынан кем көрмейді.
5. Луиза апай.
Ән: Ұстазым. ДӘУРЕН
6. Арман ағай.
Би: Попури.
7. Гулжан, Анар, Жазира
Би: Ариба
8. Бастауыш мұғалімдері.
Үнді биі. Нәскен
Бәрі: Мың алғыс сізге біздей түлектерден,
Мың алғыс мына отты жүректерден!
Көрініс: Пәндер айтысы
Жүргізуші: Орыс тілін үйренеміз,
Әр сөзін біз меңгереміз.
Мың алғыс айта отырып,
Кезекті қазір береміз. (Оқушылар тақпақтарың айтады. )
Частушки. Жаңагүл және Раушан
Жүргізуші: Ой жіберсең бәріне,
Ән сабағы пәніне.
Әннің сырын үйретер
Пәннің жақсы бәріде дей келе музыка сабағына берейік

Хор: Жас ұландар әні
Оркестр: Би күиі және
Ән: Ақ мамам. Нәзкен
Жүргізуші: Бүгін біздер алғашқы ұстазымызға мың алғыс айта отырып, сөз кезегін береміз.

Мұғалім: Иә осыдан 4 жыл бұрын, біз 6 жастағы сәби - балалар сөмкемізді зорға көтеріп, мектеп табалдырығын жасқана аттаған едік. Енді міне сауатымызды ашып, білім негізін қалаған бастауыш мектеппен қоштасып, орта буын қатарына қосылғалы тұрмыз. Иә, міне сағымдай өте шыққан 4жыл ішінде біздің ұстаз анамыз сауатты, тәрбиелі, өнегелі азамат етіп шығардым. Міне балалар біз өз өнерлерімізді көрсеттік. Балалар енді 5 сыныпқа барып осы алған білімдері мен өнерлерін одан әрі жалғастырмақ. Оқушылардың келешек өміріне, талантын шыңдауына қамқоршы жетекші болатын адам сынып жетекші. Ол кісіні тыңдап жақсы оқушылар болуына сенемін. Шексіз алғысымызды айта отырып, жеке құндылықтарыңызды бағалап, ата аналарды әр түрлі номинацияларда дипломдармен марапаттаймын. Оқушыларыма сыйлықтар табыстаймын.

Мұғалім: Өлкеміздің айналыңдар ертеңіне,
Сенімдердің айналыңдар серперіңе.
Ұстаздық ақ жүректен мен тілеймін,
Тек сәттілік – шәкірттерім ертеңіңе.
Айналайын жап - жарқын жүздеріңнен,
Аластайтын жаныңды күз көңілден.
Мен сендерге мәңгілік тілекшімін,
Тілек тілеп тұратын іздеріңнен.
Хор: Қоштасу әні
Мұғалім: Өтті сендермен қызық шағым.
Бастауышым - балаларым.
Қоштасар күн жетті міне,
Қимастықпен қол бұлғаймын!
Қош бол, қош бол,
Сүйікті шәкірттерім! Жұлдызыңды жақ! Бұл сөз тек сіздерге арналады, түлектер!
Ұстаздарыңыз, мектебіңіз саған тілекші. Жолдарыңыз босын, түлектер!
Мұғалім: Аттанарда ұрпағы бақ жолына,
Түссін деп тура нақ жолына,
Арнайы ақ матадан жол төседік,
Ырым ғып түлектердің Ақ жолына!

Сынып жетекшісі оқушыларды алып шығады.
Құттықтау сөзі мектеп директоры және ата-аналарға сөз береміз.
Хор: Бар білгеннің аямаған,
Өз гүліңдей аялаған,
Мың рахмет ұстаздарға.
Төрт жыл бойы нұрын төккен,
Аттандырған ақ тілекпен.
Ұстаз үмітін ақтаймыз,
Серт береміз шын жүректен.