Раушангүлділер тұқымдасы
Қысқа мерзімді сабақ жоспары (Биология, 6-сынып)
Қарағанды облысы, Нұра ауданы, Баршын орта мектебі. Биология пәні мұғалімі: Искакова Алтын Асылхановна.
Сабақ тақырыбы
Раушангүлділер тұқымдасы. Раушангүлділерге жататын өсімдіктердің гүлі мен жапырағының құрылысы.
Негізгі назар
Гүл, жапырақ, тамыр құрылысы; көптүрлілік; экологиялық және шаруашылық маңызы.
Сабақтың мақсаты
Раушангүлділер тұқымдасының жалпы сипаттамасын меңгерту; осы тұқымдасқа жататын өсімдіктердің гүлінің, жапырағының және тамырының құрылысын түсіндіру; олардың көптүрлілігі мен маңызын анықтау.
Міндеттері
- Раушангүлділерге жататын өсімдіктердің құрылысын, көптүрлілігін және маңызын білу.
- Алған білімді әртүрлі тапсырмаларды орындауда қолдану.
- Тақырып бойынша білімін талдап, бағалауға ұсыну.
- Ойларын жинақтап, өмірде қолдана алу.
Күтілетін нәтиже
- Раушангүлділердің құрылысын, көптүрлілігін және маңызын түсіндіреді.
- Білімін тапсырмаларда тиімді қолданады.
- Алған мәліметті талдап, бағалап, қорытынды жасайды.
- Тақырып бойынша ойды жинақтап, өмірлік жағдаяттармен байланыстырады.
Қолданылатын модульдер
Негізгі кедергі
Оқулықтардың жеткіліксіздігі.
Ескерту
Топтық жұмысқа арналған мәтіндер мен тапсырмаларды көшірме қағаз, карточка түрінде алдын ала дайындау ұсынылады.
Әдіс-тәсілдер
Топтастыру
Оқушыларды шағын топтарға біріктіру, ынтымақтастық орнату.
«Бір қадам артқа»
Өткен тақырыпты сұрақ-жауап арқылы еске түсіру.
«Сұрақты ұстап ал»
Шеңберде сұрақ қойып, жауап беруге жетелеу.
Миға шабуыл
Жаңа тақырыпты болжату және анықтау.
«Көршіңе әңгімелеп бер»
Мәтінді бөліктерге бөліп, өзара түсіндіру.
«Ойлан, жұптас, бөліс»
Жұптық талқылау арқылы ортақ жауап құрастыру.
«Түртіп ал»
Маңызды ақпаратты белгілеу және қысқаша жазу.
Сызықтық диктант
Қорытындылауға арналған қысқа тұжырымдарды тексеру.
«Сұрағы бар қорап» / «Бағдаршам»
Кері байланыс және өзін-өзі бағалау.
Сабақтың кезеңдері мен мазмұны
Кіріспе
- Оқушылармен амандасу.
- Топтарды бір-біріне жақсы тілек айтуға шақыру.
- Сурет қиындыларын тарату арқылы топқа бөлу.
- Бағалау парақтарын тарату.
- Ынтымақтастық атмосферасын қалыптастыру.
Тұсаукесер (өткенді қайталау)
«Бір қадам артқа» және «Сұрақты ұстап ал» әдістері арқылы өткен тақырып бойынша сұрақтар қойылады:
- Өткен сабақта қандай тақырып оқыдық?
- Крестгүлділер тұқымдасын неліктен шаршыгүлділер деп те атауға болады?
- Крестгүлділер тұқымдасына қандай өсімдіктер жатады?
- Крестгүлділер тұқымдасы қандай класқа жатады?
Оқушылар шеңберге тұрып, сұрақтарға кезекпен жауап береді.
Негізгі бөлім (жаңа тақырыпты ашу)
Миға шабуыл
- Алма, алмұрт, итмұрын, раушан гүлі туралы не білесіңдер?
- Олардың ұқсастықтары мен айырмашылықтары қандай?
Осы сұрақтар арқылы оқушылар жаңа тақырыпты анықтайды.
Жұмыс бағыты
- Дәптерге күнін және тақырыпты жазу.
- Сабақ мақсатын бірлесіп құрастыру.
- «Көршіңе әңгімелеп бер»: мәтінді бөліктерге бөліп, топ ішінде түсіндіру.
Бекіту және рефлексия
«Ойлан, жұптас, бөліс» әдісімен әр жұпқа тапсырмалар беріледі. Оқушылар жауаптарын талқылап, топпен бөліседі.
Жұптық тапсырмалар
- Ғаламшарда және елімізде раушангүлділер тұқымдасына жататын өсімдіктер саны қанша?
- Раушангүлділердің өсу формалары қандай?
- Раушангүлділердің жапырақтары қандай болады?
- Жемістері қандай және қалай таралады?
- Гүлшоғырлары мен гүлсеріктері қандай болады?
- Гүлінің формуласы қандай?
- Бұл тұқымдасқа қандай өсімдіктер жатады?
- Раушангүлділердің пайдасы қандай?
- Раушангүлділер тұқымдасының қандай туыстары бар?
«Түртіп ал»
Оқушылар негізгі ұғымдар мен дәлелдерді қысқаша белгілеп отырады.
Сергіту сәті
Қысқа қимыл-қозғалыс жаттығулары арқылы назарды қайта шоғырландыру.
Қорытынды бағалау
Сызықтық диктант, «Сұрағы бар қорап», рефлексия парағы және «Бағдаршам» арқылы кері байланыс алу.
Үй тапсырмасы
Тақырып бойынша материалды қайталау және сабақта берілген тапсырмаларға сәйкес қысқаша қорытынды жазу.