Қазақша рефераттар

Жаңа сабақты бекіту сұрақтары

Сабақ жоспары: «Жақсылардың жақсысы»

Жаңа сабаққа арналған жоспар: оқу дағдыларын нығайту, сөздік қорды байыту және еңбектің, білімнің құндылығын түсіндіру.

Сабақтың түрі

Жаңа сабақ

Пәнаралық байланыс

Қазақ тілі

Сабақтың әдістері

  • Әңгімелеу
  • Сұрақ–жауап
  • Рөлге бөліп оқу
  • Пікірталас

Көрнекіліктер

  • Ұршық
  • Иірілген жіп
  • Өрмек
  • Қойдың жүні
  • Кілемше суреттері

Сабақтың мақсаттары

1) Білімділік

Оқу дағдысы
  • Оқу дағдыларын жетілдіру; саналы, түсініп, дұрыс оқуға машықтандыру.
  • Ертегідегі негізгі ойды анықтай білуге үйрету.
  • Түсінгенін жүйелі түрде баяндауға дағдыландыру.

2) Дамытушылық

Сөздік қор
  • Көркем сөздерді меңгерту, жаңа сөздерге мағыналас сөздер тапқызу.
  • Ой-өрісін дамыту, тіл байлығын және сөздік қорын толықтыру.
  • Шығармашылық қиялды жүйелеуге үйрету; пікірталас арқылы шығармашылық қабілетті арттыру.

3) Тәрбиелік

Құндылық
  • Өмірде қажет жақсы нәрселерді тани білуге және оны дұрыс қолдануға тәрбиелеу.
  • Еңбек пен білім арқылы дүние-мүлік табылатынын, ол үшін жақсы оқу керектігін түсіндіру.
  • Үлкеннің тілін алып, құрмет көрсетуге баулу.

Сабақтың барысы

  1. I. Ұйымдастыру

    Сабаққа дайындық, көңіл-күйді реттеу

  2. II. Өткен сабақты бекіту

    А) Өлеңді тізбектей оқу

    • Өлеңде не туралы айтылған?
    • Бір сөзбен қалай айтамыз?
    • Әуе жолымен жүретін көліктерді ата.
    • Жермен, жер астымен, сумен және темір жолмен жүретін көліктерді ата.
    • Ертеде адамдар көлік болмағанда нені пайдаланған?
    • Поезд өзінің жүйріктігін нелерден артық санайды?
    • Ұшақ өзі туралы не дейді?
    • Автобус қай көліктен жүйрік?

    Б) Өлеңді қара сөзбен баяндау

    Оқушылар өлең мазмұнын өз сөздерімен жүйелі түрде айтып береді.

  3. III. «Не істер едің?» (психологиялық жағдаят)

    Сен үйде жалғыз қалдың. Анаң жұмыста, ұялы телефонын үйде ұмытып кеткен. Үйге алыстан асығыс қонақтар келді. Анаңа тез хабар беру керек. Хабарды қалай жеткізер едің?

    А) Жаяу бару
    Б) Автобуспен
    В) Трактормен
    Г) Өз таңдауың

  4. IV. Пікірталас

    Талқылау сұрақтары

    • Көліктің адамға және қоршаған ортаға қандай зияны бар?
    • Егер сен ғалым болсаң, адамға да, табиғатқа да зияны тимейтін қандай көліктер ойлап табар едің?

    Оқушылардың ықтимал жауаптары

    • Батареямен, сумен немесе ауамен жүретін көлік ойлап табар едім.
    • Машиналардың жылдамдығына шектеу қояр едім.

  5. V. Сергіту сәті

    Жұмбақтар шешу арқылы зейінді сергіту.

  6. VI. Жаңа сабақ: «Жақсылардың жақсысы» (ертегі)

    А) Сөзжұмбақ

    Шешуі: кітап

    Сұрақ: Сөзжұмбақтағы ең керекті нәрсе қайсы?

    Б) Мазмұнды таныстыру

    Бүгін болгар жазушысы Р. Босилектің «Жақсылардың жақсысы» ертегісімен танысамыз. Ертегідегі «жақсылардың ең жақсысы» қандай зат екенін анықтаймыз.

  7. VII. Суретпен жұмыс

    Ұршық, кітап, өрмек суреттерін көрсетіп, олардың өмірдегі пайдасын талқылау. Үш оқушыны тақтаға шығарып, осы сөздерге дыбыстық талдау жасату.

  8. VIII. Сөздік жұмысы

    Мұра
    Ата-бабадан, әке-шешеден балаға қалған дүние-мүлік.
    Мүлік
    Дүние, жиһаз, бұйым.

  9. IX. Оқулықпен жұмыс

    • Ертегіні мұғалімнің оқып беруі.
    • Оқушыларға дауыстап оқыту.
    • Рөлге бөліп оқыту.

  10. X. «Жалғасын тап» (мақал-мәтелдерді толықтыру)

    1) Білімнің басы – бейнет, соңы зейнет.

    2) Оқығаныңды айтпа, тоқығаныңды айт.

    3) Жердің сәні – егін, ердің сәні – білім.

    4) Күш – білімде, білім кітапта.

    5) Тіліңмен жүгірме, біліммен жүгір.

    6) Наданмен дос болғанша, кітаппен дос бол.

    7) Екпей егін шықпас, үйренбей білім жұқпас.

  11. XI. Шығармашылық тапсырма

    1-қатар

    Кітап пен білім туралы шағын мәтін құрастыр.

    2-қатар

    Әкесі мен қызы тұратын үйді сипатта немесе бөлменің суретін сал.

  12. XII. Жаңа сабақты бекіту сұрақтары

    • Мәтін неліктен ертегі жанрына жатады?
    • Қыз әкесінен не туралы сұрады?
    • Әкесі қандай жауап берді?
    • Әкесі қызына қандай ақыл айтты?

  13. XIII. Үй тапсырмасы

    • Мәтінді түсініп оқу.
    • «Жақсылардың жақсысы» тақырыбына әңгіме жазу.

  14. XIV. Сабақты қорытындылау

    Негізгі ойды жинақтау, оқушылардың қорытынды пікірін тыңдау.

  15. XV. Бағалау

    Оқу белсенділігі, жауаптарының дәлдігі, мәтінді түсініп оқуы және талдау дағдылары бойынша бағалау.