Қазақша рефераттар

Наурыз көженің жасалу жолын үйрету

Сабақ тақырыбы: Наурыз көже

Бұл сабақ жоспары оқушыларға Наурыз мейрамының мазмұнын таныстырып, Наурыз көженің мәнін түсіндіруге және оны дайындау жолын үйретуге бағытталған.

Сабақтың мақсаттары

Білімділік

Наурыз мейрамының ерекшеліктері туралы мәлімет беру; Наурыз көженің маңызын түсіндіру; көженің жасалу жолын үйрету.

Дамытушылық

Ой-өрісін, қиялын дамыту; сөздік қорын молайту; дүниетанымын кеңейту.

Тәрбиелік

Еңбексүйгіштікке және отансүйгіштікке тәрбиелеу; ұлттық дәстүрге құрмет сезімін қалыптастыру.

Сабақ форматы

  • Сабақтың түрі: аралас
  • Көрнекілік: автор суреті, интерактивті материалдар

Сабақтың барысы

I. Ұйымдастыру кезеңі

Мұғалім оқушылармен амандасып, сабаққа назар аударады.

II. Психологиялық дайындық

Мақсатымыз — білім алу

Міндетіміз — еңбектену

«5»-ке қол жеткізу

III. Үй тапсырмасын тексеру

«Ұзынсары» мәтіні бойынша сұрақ-жауап арқылы өткен тақырып пысықталады, ұлттық тағам түрлері еске түсіріледі.

  • «Ұзынсары» деген не?
  • Балалар «ұзынсары» деп күткен қонақ па?
  • Мәтінде қандай тағам аталады? Ол қалай дайындалады?
  • Қандай ұлттық тағамдарды білесіңдер?

Ескерту

Интерактивті тақтадан ұлттық тағам суреттері көрсетіледі. 3–4 оқушы «Ұзынсары» әңгімесінің мазмұнын айтып береді.

IV. Жаңа сабақ

Мұғалім көктем мезгілі, Наурыз айы және мерекелер туралы сұрақтар қойып, тақырыпқа жетелейді. Наурыз туралы бейнематериал көрсетіліп, көргендері талқыланады.

Наурыз туралы негізгі түсініктер

  • 22 наурыз — қазақ халқының жаңа жылы, Ұлыстың ұлы күні.
  • Күн жылынады, табиғат оянып, жаңарады.
  • Бұл күні адамдар ұлттық киім киіп, ән айтып, би билейді.
  • Ұлттық ойындар ойналып, жарыстар өткізіледі.
  • Күн мен түн теңеледі; адамдар бір-бірімен татуласады.

Мәтін авторы: Нұрқасым Қазыбеков

Нұрқасым Қазыбеков (1 мамыр 1936 ж.) — жазушы, Қазақстан Жазушылар одағының мүшесі (1975). ҚХР Іле Қазақ автономиялық облысы, Текес ауданында туған. 1957 жылы Құлжа педагогикалық училищесін, 1968 жылы ҚазМУ-ді бітірген. 1962 жылы тарихи отанына оралып, әртүрлі мекемелерде қызмет атқарған: «Жазушы» баспасы, «Жалын» альманахы мен баспасы, Жазушылар одағы, «Заман — Қазақстан», «Түркістан» газеті.

Сабақта «Наурыз көже» мәтіні тізбектей оқылады: оқушылар кезекпен оқып, мұғалім мәтінді мәнерлеп қайта оқиды.

V. Сергіту сәті

Оқушылар орындарынан тұрып, қысқа сергіту жаттығуларын орындайды.

VI. Негізгі бөлім

Наурыз көжеге қосылатын тағамдар

Оқушылар Наурыз көженің құрамын жазып, талқылайды.

ет құрт қамыр бидай сүт тұз бұршақ

Шығармашылық тапсырма

Тақтадағы суретке қарап, қысқаша әңгіме құрастыру.

«Бес жолды өлең» құрастыру

  1. 1 Кім? Не? — Наурыз
  2. 2 Қандай? — жылы, әдемі
  3. 3 Не істеді? — жылынды, еріді, өсті
  4. 4 Сөйлем — Наурыз қазақтың мейрамы
  5. 5 Мағыналы сөз — Жаңа жыл

VII. Қорытынды

Қорытынды бөлімде оқушылардың түсінігі сұрақтар арқылы бекітіледі және ұлттық салт-дәстүрді құрметтеу туралы ой түйінделеді.

  • 22 наурыз қандай күн? Оны кімдер тойлайды?
  • Табиғат қандай күйге енеді?
  • Наурызда дайындалатын үлкен ас қалай аталады?
  • Оны пісірудің мақсаты қандай?

Сабақ соңында ұлттық ойын элементі ретінде «Орамал тастамақ» ойналып, оқушылар бір-біріне Наурызға арналған ізгі тілектерін айтады.

VIII. Үй тапсырмасы

«Наурыз көже» мәтінін мазмұндап келу.

IX. Бағалау

Сабаққа белсенді қатысқан оқушылар бағаланады.