Топ жетекшілерін сайлау
Сабақ тақырыбы: 9 санын қосу және азайту (1-сынып)
Бұл сабақ жоспары 1-сынып оқушыларына арналған. Негізгі назар — 9 санын қосу мен азайтуды кестелік жағдайлар арқылы меңгерту және есеп шығару дағдыларын қалыптастыру.
Білімділік
9-ға дейінгі сандарды қосу мен азайтудың кестелік жағдайларын пысықтау; 9 санын қосу және азайтуды меңгерту; есеп шығару дағдыларын қалыптастыру.
Дамытушылық
Оқушылардың логикалық ойлауын, танымдық және шығармашылық қабілетін дамыту.
Тәрбиелік
Оқуға, еңбекке, алған білімін өмірде қолдануға және ойын ашық, еркін айтуға тәрбиелеу.
Көрнекіліктер мен құрал-жабдықтар
- Интерактивті тақта
- Үлестірмелі материалдар (конверттегі үшбұрыштар)
- Ақ парақшалар
- Геометриялық фигуралардың шаблондары
- Электрондық оқулық: «Математика. 1-сынып»
- Есепке берілген суреттер, минусовка жазылған диск
Әдіс-тәсілдер
Сабақтың барысы
1) Ұйымдастыру кезеңі
- Оқушыларды таңдау әдісі арқылы 3 топқа бөлу: Үшбұрыштар, Төртбұрыштар, Дөңгелектер.
- Сайыс сабақтың ережесі мен шарттарымен таныстыру.
- Әр топтан жетекші сайлау.
І топ — «Үшбұрыш»
Бұрыштарын табамыз,
Бұған келер шамамыз.
Анау-мынау сұрақты,
Шемішкедей шағамыз.
ІІ топ — «Төртбұрыш»
Төртбұрышқа үшбұрыш,
Үй төбесін жабамыз.
Ақыл-қайрат, күш-қуат —
Еңбекпенен табамыз.
ІІІ топ — «Дөңгелек»
Біз фигура — дөңгелек,
Бізге жылы сөз керек.
Бұрышын тауып қиналмай,
Бізді алға дөңгелет.
2) Қызығушылықты ояту: «Алма теру» ойыны
Интерактивті тақтада жемістердің суреттері көрсетіледі. Әр топтан 2 оқушы таңдалған жемістің артында жасырынған мысалды орындайды. Әр дұрыс жауап үшін 1 фигура беріледі (әр топ өз атауына сәйкес фигура жинайды).
Мысалдар
3) Мағынаны тану: жаңа сабақты түсіндіру
Жұмбақ есеп
Гауһарда 6 сәбіз бар. Томада 3 сәбіз бар. Барлығын қосқанда неше сәбіз болады?
Жауабы: 9 сәбіз
Дәптермен жұмыс
- Электрондық оқулықтан 9 санын көркем жазуды қарап, тыңдау.
- Дәптерге 9 санын бір қатар жазу.
- Күннің ретін жазу.
1-тапсырма: тақтамен жұмыс
A) 9 қосылғышы бар қосындылар
9 + 0 = 9
0 + 9 = 9
1 + 9 = 10
9 + 1 = 10
Қорытынды: қосылғыштардың орнын ауыстырғаннан қосындының мәні өзгермейді.
Ә) 9 санының құрамы
9 санының құрамын жазу (қосылғыштарға жіктеу) арқылы 9-ға қосу және 9-дан азайтуды түсіндіру.
Б) Азайтқышы 9 болатын айырмалар
10 − 9 = 1
9 − 9 = 0
Қорытынды: қосындының мәнінен қосылғыштың біреуін азайтқанда екінші қосылғыш шығады.
3-есеп: тақтамен жұмыс
A) Есепке мәтін құрау
Болды: 10 қап
Сатылды: 8 қап
Қалды: ? қап
Шешуі: 10 − 8 = 2 (қап)
Жауабы: 2 қап қалды.
Ә) Қосу амалы бар есеп
Түсте: 6 жәшік
Түстен кейін: 4 жәшік
Барлығы: ? жәшік
Шешуі: 6 + 4 = 10 (жәшік)
Жауабы: Барлығы 10 жәшік.
Сергіту сәті
«Қара жорға» әуенімен қимыл-қозғалыс жасау.
4) Топтық жұмыс
1-топ
Мәні 7-ге тең болатын қосындыларды жаз.
2-топ
Мәні 6-ға тең болатын қосындыларды жаз.
3-топ
Мәні 9-ға тең болатын қосындыларды жаз.
5) Сәйкестендіру тапсырмалары
1-топ
Алаңшада 9 қоңыраугүл және 1 қызғалдақ гүлдеп тұр. Барлығы неше гүл гүлдеп тұр?
2-топ
Гүлшоғында 4 қызыл және 3 ақ раушан гүлі бар. Қызыл гүлдер ақ гүлдерден қаншаға артық?
3-топ
Ұлдар 5 гүлшоғын әкелді. Қыздар тағы 4 гүлшоғын әкелді. Балалар барлығы неше гүлшоғын әкелді?
6) Рефлексия және бағалау
Балалар, сабақ ұнады ма?
Ендеше, сабаққа және өз еңбегімізге баға берейік: әр топ жинаған фигураларын санап, нәтижесіне қарай бағаланады.
7) Үй тапсырмасы
Дәптерге 2-тапсырманы орындау.
Автор туралы
Қызылорда қаласы №112 орта мектебінің бастауыш сынып мұғалімі — Майжан Толқын Қажданбекқызы.