Әдепті бала - арлы балаМақсаты: оқушылар бойында ата - анаға деген сүйіспеншілікті арттыру, үлкенді құрметтеуге, ойлауға тәрбиелеу

Тәрбие сағаты

Әдепті бала — арлы бала

Бұл тәрбиелік шараның мақсаты — оқушылар бойында ата-анаға деген сүйіспеншілікті арттыру, үлкенді құрметтеуге, ойлануға және жауапкершілікке тәрбиелеу.

Негізгі мақсат

Ата-ананы ардақтау, перзенттік парызды сезіну, адамгершілік пен мәдениеттілікті күшейту.

Негізгі ой

Отбасы — қоғамның ең кіші бөлшегі. Ата-ананың берген тәлім-тәрбиесінің орнын еш нәрсе толтыра алмайды.

Мұғалімнің кіріспе сөзі

Қазақта: «Ана — сая болар бағың болса, Әке — асқар тауың» дейді. Әке мен ананың орны адамның өмірінде ерекше емес пе?

Құрметті оқушылар! Бүгінгі сынып сағатымыз ата-ана мен бала арасындағы махаббаттың бір айшығы ретінде ұйымдастырылып отыр. «Қызым — қызғалдағым, ұлым — ізгі арманым» атты ашық тәрбие сағатына қош келдіңіздер!

Отбасының адамзат ұрпағына ықпалы мен әсер күшін өмірдегі басқа еш нәрсенің күшімен салыстыруға болмайды. Ата-ананың берген тәлім-тәрбиесінің орнын еш нәрсе толтыра алмайды.

Адам өмірінің мәні мен сұлулығы, келешекке деген сенім — баланың ата-анасын ардақ тұтып, өзінің перзенттік парызын бір сәт те естен шығармауында. Бұл — жас ұрпақтың мәдениеттілігінің, адамгершілігінің айқын белгісі.

Ата-ананың үміт-арманы — баласы. Сондықтан ананың ақ сүтін ақтау, әкенің адал еңбегін бағалау, яғни өз болашағымызды сақтау мақсатында осы іс-шара ұйымдастырылып отыр.

Жүргізушілер сөзі

1-жүргізуші

Халқымның әні қандай, жыры қандай,
Шешеннің нәрі тамған тілі балдай.
Шымырлап өн бойыңа тарайтұғын,
Ал биі нәзік жанды балқытқандай!

2-жүргізуші

Иә, ата-ананың парызын өтеу — сенің парызың. Осы сөздер кішігірім жақсылық нышандарына бастау боларына сенімім мол.

1-жүргізуші

Әйел затының сұлулығы мен әдептілігі, ер азаматтың қажыр-қайраты, намыс-жігері — бала бойына берілетін ең асыл қасиеттер. Ендеше, ардақты ата-аналарымызға арналған бүгінгі тәрбие сағатымыз сайыс түрінде өтеді.

2-жүргізуші

Десек те, уақытпен жарыспайды,
Қияға қиялменен қараштайды.
Шәкірттер шын жүрекпен тебіреніп,
Өнерлі ата-аналар қалықтайды.

Ендеше, 1-бөлім — «Кел, танысайық!» кезеңіне кезек берейік. (Әр топ өздерін таныстырады.)

Халық даналығы және ұлы сөздер

Қыз емес, қыздың аты — қызыл алтын,
Көрінер толған айдай жүзі жарқын.
Үлкеннің алдын орап сөз сөйлеме,
Халқымның сақтай білген ізгі салтын.

Бұл сөздер халық әнінде бекер айтылмаған. Ендеше, ұлылардан қалған ұлағатты сөздерге құлақ түрейік.

1-оқушы

Мұхаммед Пайғамбар: «Әуелі анаңды сыйла, сосын анаңды сыйла, және тағы да анаңды сыйла!»
2-оқушы

Кемал Кеніш: «Үйіміздің шуақты нұры — аяулы ана болса, асқар тауымыз, ақылшы тірегіміз — әке өзіңсің.»
3-оқушы

Дулат Бабатайұлы: «Ата-ана ақылы — қызыл қара кенмен тең.»
4-оқушы

Махмұд Қашқари: «Атасынан ақыл алса — тентек ұл да жөнделер.»
5-оқушы

Виктор Гюго: «Нәзіктік атаулының жиынтығы — ананың алақаны, сондықтан да ол сәби үшін жылы ұя.»
6-оқушы

Қадыр Мырзәли: «Қазақ әйелі — бар мұратын отбасының игілігіне арнаған әлемдегі ең ізгі жан иесі.»
7-оқушы

Ғабит Мүсірепов: «Ата-ана — бар тілегін перзентінің жолына, бақытына арнаған әлемдегі ең мейірбан жан.»
8-оқушы

Ғабиден Мұстафин: «Балаға сіңірген ата-ананың еңбегін бала өмір бойы ақтап бола алмайды. Ол — өле-өлгенше суынбайтын, сарқылмайтын махаббат.»