Қазақша рефераттар

Екінші сабақ - қазақ тілі сабағы

Оқу мақсаттары (оқу бағдарламасына сәйкес)

  • 2.1.5.1 Тыңдау-көру материалындағы оқиғаларды түсіну, сұрақтар қою және сипаттау.
  • 2.2.5.1 Тыңдалым материалындағы оқиғаларды түсіну, сұрақтар қою және сипаттау.
  • 2.4.2.1 Мұғалімнің көмегімен оқыған немесе тыңдаған материалдар бойынша сөз тіркестерін жазу.

Сабақтың мақсаттары

Барлық оқушылар

Сүйікті пәндері туралы айтады және сұрақтарға жауап береді.

Оқушылардың басым бөлігі

Тақырып бойынша сипаттау үлгілерін біледі және оларды сөйлесу барысында орынды қолдана алады.

Кейбір оқушылар

Сабақта үйренген сөйлеу үлгілерін күнделікті өмірде еркін қолдана алады.

Жаңа сөздер мен сөз тіркестері

есеп шығару тақпақ жаттау жаттығу орындау ереже жаттау

Сабақтың барысы

Сабақтың басы

2–5 минут МК
  • Оқушылардың сабаққа дайындығын тексеру.
  • Сабаққа жағымды көңіл күй қалыптастыру.
  • Сыныпты 3 топқа бөлу: сурет сабағы, дене шынықтыру, қазақ тілі пәндеріне қатысты суреттер арқылы топтастыру.
  • Сабақ мақсатымен таныстыру.

Сабақтың ортасы

6–40 минут Т

«Төртеуі үйде, біреуі далада» мәтінімен жұмыс: әр топ мәтінді оқып, талдайды; сұрақтар құрастырады; әр топтан бір баяндамашы шығып, басқа топтарға мазмұнын түсіндіреді. Топтар бір-біріне сұрақ қойып, жауап береді.

1-топ

Сурет сабағы

Мен мектепке келдім. Бүгін бізде бес сабақ. Қоңырау соғылды. Бірінші сабақ — сурет сабағы. Менің сүйікті пәнім — сурет сабағы. Мұғалім бізге пейзаж туралы айтты. Оқушылар сабақта күздің суретін салды. Мен алтын күзді салдым: жерге түскен жапырақтарды сары, қызыл, қызғылт сары түске боядым. Менің суретім әдемі шықты.

2-топ

Қазақ тілі

Мен мектепке келдім. Бүгін бізде бес сабақ. Екінші сабақ — қазақ тілі сабағы. Сабақта біз қазақша сөйлейміз. Мұғалім сөздікпен таныстырды. Біз жаңа сөздермен сөйлемдер құрастырдық. Сөйлемдерді дәптерге жаздық. Досым екеуміз қазақша диалог құрдық. Маған қазақ тілі сабағы ұнайды.

3-топ

Дене шынықтыру

Мен мектепке келдім. Бүгін бізде бес сабақ. Үшінші сабақ — дене шынықтыру сабағы. Сабақ спортзалда өтеді. Сабақта біз жүгіреміз, жаттығу жасаймыз. Оқушылар екі топқа бөлініп, жарысады. Біз секіртпемен секіреміз, доппен ойнаймыз. Дене шынықтыру сабағы өте қызықты өтеді.

Қалыптастырушы бағалау (ҚБ)

Стикер

Оқушылар стикерге қай баяндамашының түсіндіруі жақсы болғанын жазып, дәлел келтіреді.

Жұптық жұмыс (ЖЖ)

Диалог

Сурет бойынша диалог құрастыру үлгісі:

— Сәлем, Дария!

— Сәлем, Алдияр!

— Саған қандай пәндер ұнайды?

— Маған математика, қазақ тілі және сурет пәні ұнайды.

— Неге?

— Ал саған қандай пәндер ұнайды?

Оқулықпен жұмыс (МК, Ұ)

Бекіту

Жұмыс дәптеріндегі тапсырмаларды орындау арқылы оқушылар оқу барысында алған білімдерін бекітеді.

Сабақтың соңы

41–45 минут Қ

Сабақты қорытындылау үшін мұғалім оқушылармен кері байланыс жүргізеді. Оқушылар сабақ барысында нені білгенін, қалай жұмыс істегенін, нені қызықты әрі жеңіл санағанын және қандай тұста қиындық болғанын айтып, өз ой-пікірлерін білдіреді.

Қосымша бөлім: рефлексия және қорытынды бағалау

Төмендегі сұрақтарды сабағыңыз бойынша ой қорытуға және келесі сабақтарды жақсартуға қолдануға болады.

Рефлексия сұрақтары

  1. Сабақ барысына өзгерістер енгіздіңіз бе? Неге?
  2. Жүргізілген жұмыс түрлері қаншалықты тиімді болды?

Қорытынды бағалау

Ең жақсы өткен екі нәрсе:

  • 1)
  • 2)

Сабақты жақсартатын екі нәрсе:

  • 1)
  • 2)

Автор туралы

Аймақ: Батыс Қазақстан облысы, Атырау қаласы

Білім беру ұйымы: №17 мектеп-лицей

Пәні: қазақ тілі

Мұғалім: Мұхтарова Жанар Төленқызы