Қазақша рефераттар

Сабақтың қажеттілігі туралы

Сабақтың мақсаты

Білімділік

«Алғашқы функция және интеграл» тақырыбын қайталау, білімді бекіту, жалпылау және тереңдету. ҰБТ-ға жүйелі дайындық жасау.

Дамытушылық

Ұқыпты тыңдауға, тез шешім қабылдауға, өз білімін еркін көрсетуге үйрету және шығармашылық қабілеттерін дамыту.

Тәрбиелік

Алғырлыққа, шапшаңдыққа, тапқырлыққа және уақытты тиімді пайдалануға баулу. Нәтижесінде ҰБТ-да жоғары көрсеткішке жетелеу.

Сабақтың типі

Білім мен дағдыны қалыптастыру сабағы

Сабақтың әдістері

Практикалық жұмыс, сұрақ-жауап, өзіндік жұмыс, тест тапсырмалары

Көрнекіліктер

Интерактивті тақта, слайдтар, таратпа материалдар

Неліктен бұл тақырып маңызды?

Механикада материалдық нүктенің жүрілген жолы белгілі болса, оның жылдамдығын және үдеуін туындыны қолдану арқылы табуға болады.

Алайда кей жағдайларда керісінше: материалдық нүктенің үдеуі немесе жылдамдығы белгілі болғанда, жолды есептеу қажет болады. Мұндай есептерді шығару үшін дифференциалдауға кері амал — интегралдау қолданылады.

Интегралдау — берілген функцияның барлық алғашқы функцияларын табу үдерісі.

Қолданылу салалары

  • Қисық сызықты трапецияның ауданы
  • Жазық фигуралардың ауданы
  • Айналу денелерінің бүйір бетінің ауданы мен көлемі
  • Қисық сызықтардың ұзындығы

Сабақ форматы

Бүгінгі сабақта топпен жұмыс жасап, білімді бекітуге арналған байқау түріндегі тапсырмалар орындалады: формула еске түсіру, ауызша есептер, есеп шығару сайысы және тест.

Сабақ жоспары

  1. 1 Ұйымдастыру кезеңі
  2. 2 Мұғалімнің кіріспе сөзі (сабақтың қажеттілігі)
  3. 3 Оқушылардың білімін тексеру
  4. 4 «Есіңде ме, формула?»
  5. 5 «Кім жүйрік?» (ауызша есептер)
  6. 6 «Зерделілер сайысы» (есеп шығару)
  7. 7 Тест тапсырмалары
  8. 8 Сабақты бекіту
  9. 9 Қорытындылау және бағалау
  10. 10 Үй тапсырмасын беру
  11. 11 Рефлексия

Сабақтың барысы

1) Ұйымдастыру кезеңі

  • «Шаттық шеңбері»: амандасу түрлерін қолдану.
  • Математикалық терминдерді айту (жылдам ой қозғау).
  • Сарапшыны тағайындау.

2) Кіріспе бөлім

Бүгінгі сабақ «Алғашқы функция және интеграл» тарауын қайталауға арналған. Негізгі мақсат — тақырып бойынша білімді жүйелеу, бекіту және ҰБТ тапсырмаларына дайындықты күшейту.

3) Оқушылардың білімін тексеру

Алғашқы функцияның анықтамасы

4 ұпай

Егер F′(x) = f(x) теңдігі орындалса, онда F(x) функциясы f(x) функциясының алғашқы функциясы деп аталады.

Ал ∫ f(x) dx өрнегі f(x) функциясының анықталмаған интегралы деп аталады. Мұндағы C — кез келген тұрақты шама.