Құрметті ата - аналар мен ұстаздар

Әліппемен қоштасу

Бұл ертеңгілік — оқушылардың алғашқы оқу жолындағы маңызды белесі. Оқушылар сауат ашу пәні барысында алған білімдерін бекітіп, шығармашылық қабілеттерін көрсетеді, ал ата-аналар мен ұстаздар бала жетістігінің куәсі болады.

Мақсаты

Оқушылардың білімін бекіту, сауат ашу пәні барысында алған білімдерін жүйелеу.
Өз өнерлерін ата-аналарға көрсету, эстетикалық талғамын тереңдету.
Шығармашылық қабілеттерін дамыту, ұқыптылық пен жинақылыққа тәрбиелеу.

Мұғалімнің құттықтауы

Құрметті ата-аналар мен ұстаздар! Бала — біздің болашағымыз, еліміздің ертеңі. Сол ертеңгі ел тізгінін ұстайтын ұрпағымызды хан баласындай нық, бидің баласындай тік сөйлейтіндей етіп тәрбиелеу — бүгінгі ұстаздар мен ата-аналардың ортақ міндеті.

Соның бір көрінісі — «Әліппемен қоштасу» ертеңгілігі. Көріп, тамашалаңыздар!

Өсті міне бойларың,
Өсті ақыл-ойларың.
Қуанышқа ортақпын,
Құтты болсын тойларың!

1-оқушының сөзі

Армысыздар, мұғалімдер — әз жандар,
Білім іздеп инемен құдық қазғандар!
Құшақ жая қарсы аламыз сіздерді,
Би биленіп, ән де бүгін шырқалар!

Ақпарат

Мектеп: Қарағанды қаласы, Қазыбек би ауданы, №6 жалпы білім беретін орта мектебі (КММ)
Бастауыш сынып мұғалімі: Кордабаева Жұлдыз Мухаметжановна