Сендердің жастарың нешеде
Ұйымдастырылған оқу іс-әрекетінің технологиялық картасы
Топ
Ер Төстік (ортаңғы топ)
Білім беру саласы
Таным
Бөлімі
ҚМҰҚ
Тақырыбы
«Математика еліне саяхат» (1-ден 5-ке дейін санау)
Мақсаты
1) Білімділік
- 5 көлемінде сандық есептеу дағдыларын дамыту.
- Сандарды тура және кері санауға үйрету; санның көршілерін (алдыңғы, кейінгі) атай білуін қалыптастыру.
- Кеңістікті бағдарлау ұғымдарын бекіту: оң, сол, алдыда, артта.
- Геометриялық пішіндер туралы білімдерін кеңейту.
- Апта күндерін атауға үйрету, тіл дамыту жұмыстарын жалғастыру, білімге қызығушылығын арттыру.
2) Дамытушылық
- Дамытушы ойындар арқылы тапсырмалар орындатып, салыстыру, санау, топтау дағдыларын жетілдіру.
- Санамақ айту арқылы сөздік қорын молайту, ой-өрісін дамыту.
3) Тәрбиелік
- Тапқырлыққа, ізденімпаздыққа тәрбиелеу.
- Табиғат пен адам арасындағы байланыс туралы түсініктерін кеңейте отырып, татулыққа, бірлікке, еңбекқорлыққа баулу.
Көрнекіліктер
Сабақтың құрылымы
1) Мотивациялық-қозғаушылық кезең
Ұйымдастыру
Балалар жылулық шеңберіне тұрып, қонақтармен амандасады.
Өлең-жолдар
Күннің көзі ашылып, Көкке шуақ шашылып, Құтты қонақ келіпті, Төріме міне еніпті. Амандасу үлкенге — Тәрбиенің басы ғой. Ал, қанекей бәріміз, «Сәлеметсіз бе?» — дейік үлкенге!
Балалар: «Сәлеметсіздер ме, апайлар!»
Сұрақ-жауап (қайталау)
- Қазір жылдың қай мезгілі?
- Күз мезгілі.
- Күз мезгілінде неше ай бар?
- Үш ай: қыркүйек, қазан, қараша.
- Бір аптада неше күн бар?
- Жеті күн: дүйсенбі, сейсенбі, сәрсенбі, бейсенбі, жұма, сенбі, жексенбі.
Жұмбақ
Туысқан бес кісі, Бірінен бірі кіші. Бәрінің аты бір, Ең кішісі — шеткісі.
Шешуі: бес саусақ.
Санамақ (үлгі)
Айдана «Бір үйде біз нешеуміз?» санамағын айтады:
Бас бармақ — әкем, Балан үйрек — шешем, Ортан терек — ағам, Шылдыр шүмек — әпкем, Кішкене бөбек — мен. Бір үйде біз нешеуміз? Бір үйде біз бесеуміз.
2) Іздену-барлау кезең
Дидактикалық ойын: «Үйшік»
Жазық далада кішкентай да, үлкен де емес бір үйшік тұрады. Дала бойымен 1 саны жүгіріп келіп, үйшікті көреді де есігін қағады. Ешкім жауап бермеген соң ішке кіріп: «Осы жерде тұрайын», — дейді.
Кейін 2, 3, 4 және 5 сандары да келіп, берілген тапсырмаларды орындап, бәрі бірігіп үйшікте тату-тәтті тұрады.
5 саны есік тұтқасын ұстап ойланып тұрады да: «Мен сопақша пішінге ұқсаймын» — деп жауап беріп, үй ішіне кіреді.
Ойын: «Қай сан жоқ?»
Балалар сандарды ретімен санап, қатардан жоқ санды табады. Ойын есте сақтау мен ойлау қабілетін дамытады.
Сергіту сәті
1 дегенде тұрайық, 2, 3, 4 — алақанды соғайық. Оң жаққа бұрылып, Сол жаққа бұрылып, Бір отырып, бір тұрып, Біз жүгіріп алайық. 5 дегенде асықпай, Орнымызды табайық.
Кейіпкермен кездесу: Жалқаубек
Балалар есіктің қағылғанын естиді. Қонаққа Жалқаубек келеді: тапсырмаларды орындауға көмек сұрайды.
Балалардың жауабы
«Көмектесеміз!»
1-тапсырма
Сандарды тура және кері санау.
Тура: 1, 2, 3, 4, 5
Кері: 5, 4, 3, 2, 1
2-тапсырма
Пішіндерді атау, бұрыш санын және түстерін анықтау.
-
Үшбұрыш — қызыл, 3 бұрышы бар.
-
Төртбұрыш — көк, 4 бұрышы бар.
-
Дөңгелек — сары, бұрышы жоқ.
-
Сопақша — жасыл, бұрышы жоқ.
3-тапсырма
Санамақ таяқшалардан пішін құрастыру.
Балалар таяқшалардан үшбұрыш және төртбұрыш құрастырады.
«Көңілді математика» ойыны (сұрақ-жауап)
1) Қандай заттар дөңгелекке ұқсайды?
Күн, доп, қарбыз.
2) Екі тышқанда неше құйрық болады?
Екі құйрық.
3) Сендер неше жастасыңдар?
Төртте, бесте.
Сандар туралы өлеңдер
1 саны
Мен — 1 санымын, Бір дегенім — бала. Санды дұрыс сана. Сенің қанша атаң бар? Сенің қанша апаң бар?
2 саны
Мен — 2 санымын, Сен қызыға қараған. Екі дегенім — ешкі, Таудан келер кешкі. Лағы оның қанша? Ізде, келмей қалса.
3 саны
Мен — 3 санымын, Құралған екі ілмектен. Үш дегенім — үйім, Үйде жақсы күйің. Бақшадан да қалма, Тап-таза боп киін.
4 саны
Мен — 4 санымын, Иілген үшкір шығанағым. Төрт дегенім — түлік, Жүрген мұны біліп. Жылқы, сиыр, түйе, қой — Санаңа мұны түйіп қой.
5 санының ерекшелігі
5 саны тапсырмада өзін сопақша пішінге ұқсаймын деп сипаттайды.
3) Рефлексивті-қорытындылау кезеңі
Тәрбиеші балаларды мадақтайды: «Жарайсыңдар! Өте тапқыр екенсіңдер. Жалқаубек, балалардың білімге деген құштарлығын байқадың деп ойлаймын. Сен де апай берген тапсырмаларды күнделікті орындап жүр».
Қорытынды ой
Еңбек пен тұрақты жаттығу — табыстың кілті.
Сыйлық
Балаларға шағын сыйлықтар табысталады.
Күтілетін нәтиже
Біледі
1-ден 5-ке дейінгі сандарды таниды және атайды.
Қалыптасқан дағды
Сандарды тура және кері санайды.
Істей алады
Суреттерге қарап, сан құрамын ажыратады.