Қазақша рефераттар

Әже деген кім

Сабақтың мақсаты

Білімділік

Оқушыларды Ә ә дыбысымен таныстыру; ә дыбысының орнын анықтату; сауатты оқуға және жазуға дағдыландыру; сөздерге дыбыстық және буындық талдау жасай білуге үйрету.

Дамытушылық

Балалардың шығармашылық қабілетін, ой-өрісін, сөйлеу тілін және сөздік қорын дамыту.

Тәрбиелік

Әдемі, көркем, таза жазуға үйрету; бауырмалдылыққа, еңбекқорлыққа, ұйымшылдыққа тәрбиелеу.

Сабақтың форматы

Түрі

Дәстүрлі сабақ.

Типі

Аралас сабақ.

Әдістері

  • Түсіндіру
  • Талдау – жинақтау
  • Сұрақ-жауап
  • Топтастыру
  • Салыстыру

Көрнекіліктер

Алфавит Ә дыбысының таңбасы Суреттер Кеспе әріптер Текшелер Буындар

Сабақтың барысы

1) Ұйымдастыру кезеңі

Оқушылардың назарын сабаққа аудару, жұмысқа бағыттау.

2) Өткен сабақты тексеру (І дыбысы)

  1. І дыбысына байланысты тұтас оқуға берілген сөздерді оқыту.
  2. І дыбысы қандай дыбыс?
  3. Неліктен оны дауысты дыбыс дейміз?
  4. Қай буындарда кездеседі? Мысал келтір.
  5. Келесі буынды тап (тапсырма арқылы бекіту).

3) Жаңа сабақ (Ә ә дыбысы)

Суретпен жұмыс және әңгіме құрастыру

  • «Әже» деген кім?
  • Сен әжеңе кім боласың?
  • Әкеңнің анасы және анаңның анасы саған қандай әже болады?

Сұрақтар негізінде қысқа әңгіме құрастырып, ауызша сөйлеуді белсендіру.

Кеспе әріптермен жұмыс

  • Кеспе әріптерден «әже» сөзін құрастыру.
  • Сөзді буындап оқу.
  • Дыбыстық талдау жасау.

Негізгі түсінік

Ә — дауысты дыбыс; өздігінен буын құрай алады; көбіне сөздің бірінші буынында кездеседі.

Оқулықпен жұмыс

  • Бағандағы сөздерді буындап, хормен оқыту.
  • Түсініксіз сөздердің мағынасын түсіндіру.
  • «Әже» мәтінін мұғалімнің мәнерлеп оқып беруі.
  • Хормен оқу, кейін оқушыларға тізбектей оқыту.
  • Мәтінді сурет бойынша жүргізілген әңгімемен салыстыру.

Дәптермен жұмыс

  • Ә дыбысының бас және кіші әрпін көрсету; баспа және жазба түрлерін салыстыру.
  • Әріпті ауада, тақтада және дәптерде жазу.
  • Таза, көркем жазуға көңіл бөлу.

Көшіріп жазу

«Әжім — әженің әрi, Әженің батасы — дәрi.»

Сөйлемді қатесіз, көркем көшіріп жаздыру және дауыстап оқыту. Әже, әжім, әрі, дәрі сөздерінің жіңішке айтылатынын түсіндіру.

Ойын: «Қай әріпті жоғалттым?»

Тапсырма үлгілері:

...ке

...демі

с...нді

...н

д...рі

4) Сабақты қорытындылау

Венн диаграммасы арқылы А және Ә дыбыстарын салыстыру: ұқсастығы мен айырмашылығын анықтау.

5) Бағалау

Сабаққа белсенді қатысқан оқушыларды мадақтау және жетістігін атап өту.