Астанам - жас қалам

Өтті-кетті азап күн, Жетті бізге азат күн. Аспанымда тіреп тұр Бәйтерегі қазақтың. Нағыз бақыт — осы да, Көңілімнің қошы да. Ұя салған бақ құсы Бәйтеректің басына.

Сен мына қызыққа қарашы, Жоқ бұған ешкімнің таласы: Қай тілде сөйлесе анасы, Сол тілде сөйлейді баласы. Сондықтан өз тіліңді қадірлеп, «Барым» деп, «жырым» деп, Ата оны — ана тілім деп!

Астана — бас қала ғой, арман қала, Онда бар Сарыарқадай аппақ дала. Самал жел, таза ауа көкжиектен Еседі Сарыарқаның баурайында. Адамды баурап алар кереметі, Бар жанды бір шаттыққа кенелтеді. Он үш жылдың ішінде Елбасымыз Астананы бақытқа жетеледі. Есіл өзен жағалары — Астана, Қазақстанның алаулары — Астана. Бәйтерек, Ханшатырлар, тағы басқа — Көркеюдің бастаулары — Астана. Астана, Астанадай бар ма қала? Астана — тебірентер жазық дала. Осындай шаттық, бақыт Қазақстанның Кетпесін, мәңгі тұрсын жолдарында.

Астанам — бас қалам, Жайнайсың сен, жас қалам. Бәйтерегің бар жайнаған, Бүкіл халық сайлаған. Жайнай бер, Астанам, Гүлденген бас қалам! Жастардың болашағы — қолыңда, Қазақстанның мақтанышы сен, Мәртебелі Астанам!

Астана — Еуразияның жүрегісің, Астана — әр адамның тірегісің. Астанадай жер болмас бұл әлемде, Көз тартарлық сұлулығы бір қараса. Бәйтерегі жайқалған үніменен, Ақ Ордасы жайқалған гүліменен. Астана сұлулықтан сыр шертеді, Айта берсең, көп еді-ау сұлулығы. Сенен мен ештеңені аямаймын, Сен тұрғанда ештеңеден аянбаймын. Қазақтың керегесі кең емес пе, Шаңырағы теңескен бұлтпенен. Жаздым саған, Астана, арнап өлең, Аспанымдай көгілдір ту елімде. Бұл күнде халқымда бар ма арман, Астанадай сұлу, көркем жер тұрғанда! Тәуелсіз Қазақстаным менің, Ең алдымен бас иемін еліме, Содан кейін алғыс айтам жеріме. Топырағыңнан айналайын, қара жер, Қуанамын тәуелсіз болған еліме. Жиырма жылың құтты болсын алдымен, Егеменді, тәуелсіз ел — Қазақстан. Әр адамның жүрегінде тұрсың сен, Аспандағы ай секілді тербелген. Кеше ғана зар қақсадың, жыладың, Бүгін міне әуеніңді тыңдадым. Бөленіп тұрмын, кенеліп тұрмын бақытқа, Елімнің жарқын ертеңін көріп алыстан. Неге мен қуанбайын елім барда? Неге мен зар қақсайын жерім барда? Елімнің желбіреген туы тұрса, Жүрегімде қалмайды еш күдігім. Міне, таңы атты жиырма жылдың — Тәуелсіздік алғанына қазағымның. Бұл күнді тойлап жатыр барлығы да, Еуразия жүрегі — Астанада. Қазағым, гүлі болшы бәрінің де, Туыңды желбіретші бәріне де. Жүрегім сен деп соғады дүрсілдеп, Мақтанам мен, қазағым — мақтанышым. Қазағым — сенсің менің асқар тауым, Самғасам — сенсің менің ұшар әнім. Арманым да, тағдырым да қазақ елі, Анам да, әкем де сенсің менің. Жаса мәңгі, қазақ елі, жаса мәңгі, Қастерлеп сені мәңгі мен өтермін. Ешқашанда мен сенен бас тартпаймын, Ана тілім, қазақ тілім — дана тілім. Сан ғасырлар аңсаған асыл арман — Тәуелсіздік алу болды басты арман. Болашаққа үңіліп бір қарасақ, Мақсат-мұрат өркениетпен табысқан. Жастармыз — болашақтың түлектері, Армандар орындалған тілектегі. Бойдағы талап, жігер, қайрат, еңбек Тұрғандай аяғымнан тіреп мені. Елімнің патриоты мен боламын, Үлесімді еліме мен қосамын. Қазақстан — Отаным, еркіндікке бөленген, Жер бетінде сәуле шашқан өз елім.

Дәуірлердің көшінде, Елбасы кеп шешімге, Отау тіккен Астана — Сарыарқаның төсінде. Наурызда нұр тұнған, Сәуірімде сыр тұнған. Жас Астана көктемде Кілемдейін құлпырған. Барлық бояу қанықты, Сол кілемге дарыпты. Мың бұралған Есілмен Ою-өрнек салыпты. Тыныштықпен таң атқан, Әсем әуен таратқан. Әз Астанам өзіне Әлем жұртын қаратқан.

Астанам — менің айбыным, Өзіңнен аспас ай-күнім. Жарыққа шыққан кезіңнен Мен сені айға теңедім. Аспандағы ай-күнді Бақытқа мен теңедім, Аспандағы бақ құсын Батырға мен теңедім. Елді жаудан қорғайтын — Даналарға теңедім, Алға елін жетелеген — Есілге мен теңедім. Айдай әсем жағасын Болашаққа теңедім: Елді алға бастайтын, Бар әлемге танытқан. Жасай берсін Нұрсұлтан, Әнге қосар ойым бар, Асқақтата думанды — Тәуелсіз ел, ұл-қызың мақтанды!

Астанам — айбыным, Тамсанып қараймын. Көркіңе көз тоймай, Өскеніңді қалаймын. Астанам — жас қалам! Астанам — бас қалам! Қазақстанды көркейткен, Әсем әлем — Астанам! Астанам, Астанам... Жетілген бас қалам. Нұрсұлтан ағам отырған Ақ Ордам — Астанам! Мен қарап мақтанам Жарқын жарық қаламмен, Кең байтақ даламмен, Биік-биік тауыммен, Ұшы-қиыр тасыммен, Мөлдір бұлақ суыммен, Көгілдір көк туыммен, Өйткені мен — қазақпын! Отанды қорғап қалмақпын! Біздің өмір, біздің көңіл — Әрине, біз қазақпыз. Қазақстанды дамытып, Жүлделі орын алмақпыз. Қазақстанда — Астана, Жайнаған бас қала. Бәйтерек орналасқан Нұрлы қала — Астана! Астанам — айбыным, Өтпес сенсіз жай-күйім. Бір көріп ғашықпын, Сен ғой менің байлығым. Астанам — жайнаған гүлім, Аспанға жарық төгіп, Жарқыраған күнім. Астанам — гүлденген қалам, Бағынады саған қазақ далам! Астана — жұмақтайсың, Көргеннің көзі тоймайды. Көрмегенге жұмбақтайсың, Сені күні-түні ойлайды.

Арқаның байтақ төрінен Бой түзеп, әсем гүлдедің. Жанымнан үзіп өзіңе Келеді жарық нұр бергім. Қуанам әсем көркіңе, Ертеңге қарап талпынған. Өзгерер қалпым жоқ менің — Өзіңді сүйген қалпымнан. Қызығып саған қараймын, Өзіңсің ақ таң, арайлым. Өзіңді сүйген жүрекпен Бәріне тіпті барамын. Бәйтерегіңнен көз салып, Есілге ерке тамсанып, Ақ Орда сұлу, Ханшатыр — Жүремін әр кез мақтанып. Жиырма жыл өтті зымырап, Тәуелсіз елім — шаттанам. Ғажайып көркем жас қалам, Айбыным менің — Астанам!

Тәуелсіздік біздерге Оңайлықпен келген жоқ. 16 желтоқсанның Қасіреті болған көп. Қызық көрмей бұл өмірден Қырылды талай жас қыршын, Тәуелсіздік аламыз деп Аямады өз жанын. Қайрат сынды ағалар, Сабирадай сұлулар — Құрбан болған жер үшін, Қалың қазақ ел үшін! Еске аламыз 16 желтоқсанды, Терін төккен ағалар мен даналарды. Ұмытпайсың ешқашанда Қадірлі бұл тұлғаларды. Жеңіске жетіп бұл таңда Тәуелсіз ел атандық. Көк байрақты желбіретіп Қазақтың байтақ жерінде. Жаңа әлемдегі Қазақстаным — Дамыған ел қатарында. Жетіп талай жетістікке, Көрінсін биік шыңдардан!