Қазақша рефераттар

Оқушылармен амандасу түгендеу, оқушыларды төрт топқа бөлу және назарын сабаққа аудару

Сабақтың тақырыбы

Ғасырдың дара перзенті

Сабақтың мақсаты

Оқушыларды жеке, жұптық және топтық жұмыстар арқылы Д. А. Қонаевтың өмірі мен қызметімен таныстыру; оның мемлекет және қоғам қайраткері, ғалым әрі қазақ елінің жанашыр патриоты болғанын ашып көрсету.

Көрнекілігі

Тарихи тұлғалардың суреттері, слайд, ватман қағаздар, маркерлер.

Пән аралық байланыс

Әдебиет.

Өтетін орны

Маңғыстау облысы, Ақтау қаласы, №13 гимназиясы КММ.

Сабақтың барысы

I. Ұйымдастыру

  • Оқушылармен амандасу, түгендеу.
  • Оқушыларды төрт топқа бөлу.
  • Назарын сабаққа аудару, сабақ мақсатын қысқаша таныстыру.

II. Ой қозғау

Тақтада көрсетілген суреттер негізінде оқушылар Д. Қонаев туралы не білетіндерін бөліседі. Мұғалім сұрақтар арқылы ойлануға жетелейді.

Талқылау сұрақтары

  • Суреттерде кім бейнеленген?
  • Осы тұлға туралы не білесіңдер?
  • Осы тұлғаның Маңғыстаумен қандай байланысы бар?
  • Неліктен Қазақстанның көптеген қалаларында оған арналған ескерткіштер орнатылған?

Оқушылар өз ойларын жинақтай отырып, Д. А. Қонаевтың халық құрметіне ие болғанын тұжырымдайды. Мұғалім оқушылардың жауабына сүйене отырып, Қонаевтың қазақ тарихындағы орнын айқындауға бағыт береді. Сабақ Д. А. Қонаевтың туғанына 105 жыл толуына орай ұйымдастырылғаны атап өтіледі.

Мұғалімнің кіріспе ақпараты

Дінмұхамед (Димаш) Ахметұлы Қонаев (1912–1993) — аса көрнекті мемлекет және қоғам қайраткері, үш мәрте Социалистік Еңбек Ері, Қазақ КСР Ғылым академиясының академигі, техника ғылымдарының докторы.

Білімі мен еңбек жолы

Мәскеу Түсті металдар және алтын институтын тәмамдап, Балқаш мыс қорыту комбинатының Қоңырат кенішіне жұмысқа орналасады. Еңбек жолын бұрғылау станогының машинисінен бастап, директор деңгейіне дейін көтеріледі.

Мемлекеттік қызметтері

  • 1942–1952: Қазақ КСР Министрлер Кеңесі төрағасының орынбасары.
  • Қазақ КСР Ғылым академиясының академигі, кейін президенті болып сайланды.
  • 1955–1960 және 1962–1964: Қазақ КСР Жоғарғы Кеңесінің төрағасы.
  • 1960–1962 және 1964–1986: Қазақстан Компартиясы ОК-нің бірінші хатшысы.

1986 жылдан кейінгі оқиғалар

1986 жылғы 16 желтоқсанда Д. А. Қонаев бірінші хатшылық қызметінен алынып, орнына Г. В. Колбин тағайындалды. Бұл шешімге наразылық ретінде қазақ жастарының Желтоқсан оқиғасы орын алды. 1987 жылғы маусым пленумында Қонаев республика партия ұйымын басқаруда қателіктер жіберді деген уәжбен КОКП мүшелігінен босатылды. 1993 жылы 82 жасқа қараған шағында кенеттен дүниеден өтті.

III. Жаңа сабақты меңгеру

Оқушылар Д. А. Қонаевтың тұлғалық бейнесін ашуға бағытталған таратпа материалдармен жұмыс істейді. Жеке, жұптық және топтық талқылау арқылы төмендегі бағыттар бойынша зерттеу жүргізеді.

1-топ

Д. Қонаев — мемлекет және қоғам қайраткері.

2-топ

Д. Қонаев — академик, ғалым, зерттеуші.

3-топ

Д. Қонаев — ұлттық мәдениеттің жанашыры.

4-топ

Д. Қонаев — өнеге тұтар патриот.

«Мозайка» әдісі: топтардың таныстырылымы

  • Әр топ өз спикерін басқа топтарға жібереді.
  • Әр таныстырылымға 2 минут уақыт беріледі.
  • Топтар бір-бірін «Екі жұлдыз, бір тілек» арқылы бағалайды.

Бағалау критерийлері

  • Тақырыптың ашылуы.
  • Ойды анық әрі түсінікті жеткізуі.
  • Уақытты тиімді пайдалануы (2 минут).

IV. Сабақты бекіту

Мұғалім оқушылардың пікірлерін қорытындылап, жинақтау сұрағын ұсынады: «Дінмұхаммед Ахметұлы Қонаевты ғасырдың дара перзенті деп санауға бола ма?»

ПТМС формуласы бойынша жауап беру

Позиция

Мен солай санаймын / Мен олай санамаймын...

Түсіндіру

...себебі...

Мысал

Мен мұны мынадай мысал арқылы дәлелдей аламын...

Салдар

Осы мәселе бойынша мынадай қорытынды жасаймын...

V. Сабақты қорытындылау

Оқушылардың сабақты қаншалықты меңгергенін анықтау үшін кері байланыс алынады: қандай ой түйді, қандай сұрақ қалды, қандай дерек ерекше әсер етті.

Авторлық мәлімет

Шегебаева Г. Т., Ақтау қаласы, №13 гимназиясы КММ.